San Lucas 10:16 - El Nuevo Testamento y unos libros del Antiguo Testamento

¹⁶ Yun te jiñaꞌa ya nuu tee ni tetniuu ya: ―Na ñayiu ka nini tnoꞌo ka kaꞌan ni, te suni ka nini tnoꞌo kaꞌan san. Te na ñayiu ka skexiko ña jin ni, te suni ka skexiko ñai jin san. Te na ñayiu ka skexiko ña jin san, te suni ka skexikoi ia ni tetniuu ña jin san ―jiñaꞌa ya.

San Lucas 10:16 Iomraidhean Croise

Éxodo 16:7

Te neꞌe ka xtnee te vi kuni ni jakaꞌnu ndevaꞌa kuu maa Jitoꞌo, chi ni onini ya ja ka kaꞌan kuechi ni siki ya. Te sein, chi masu na in ka kuu saꞌun san ja vi kokaꞌan kuechi ni siki san ―ka jiñaꞌa de.

Éxodo 16:8

Te suni jiñaꞌa ka Moisés: ―Jañini vitna taa Jitoꞌo kuñu ja vi kaa ni, te neꞌe ka xtnee taa kuaꞌa ya xtaa ja vi kaa ni ndee vi ndutu chii ni, chi ni onini Jitoꞌo ja ka kaꞌan kuechi ni siki ya. Te sein chi masu na in ka kuu saꞌun san, te masu siki sein ka kaꞌan kuechi ni, chi siki maa Jitoꞌo ―jiñaꞌa de.

Malaquías 1:6

Yun te jiñaꞌa Jitoꞌo, ia ndakui ndevaꞌa, nuu sutu: “In seꞌe, chi nee yiñuꞌi nuu tatai, te tee ka jinokuechi, chi ka yuꞌu de jitoꞌo de. Te nuu ja tata kuu rin, ¿nau ja tu ka nee yiñuꞌu ron nuu rin? Te nuu ja jitoꞌo kuu rin, ¿nau ja tu ka yuꞌu ña ron? Ka skexiko ña ron jin rin, su ka kachi ron: ¿Na ndenu ka skexiko ña san?

San Mateo 10:40

’Chi na in jantaꞌu ña jin ni, te suni jantaꞌu ña jin san. Te na in jantaꞌu ña jin san, te suni jantaꞌu ñai jin ia ni tetniuu ña jin san.

San Mateo 18:5

Te na ñayiu jantaꞌu in suchi luluu ja jaꞌa san na kuinio suchi yaꞌa, te jantaꞌu ñai jin maa san.

San Marcos 9:37

―Na ñayiu jantaꞌu in suchi luluu ja jaꞌa maa san na kuinio suchi yaꞌa, te jantaꞌu ñai jin maa san. Te na in jantaꞌu ña jin maa san, te masu maintnoꞌo maa san jantaꞌui, chi suni jantaꞌui ia ni tetniuu ña jin san ―jiñaꞌa ya.

San Lucas 9:48

Te jiñaꞌa ya: ―Nani kuu ñayiu jantaꞌu in suchi luluu ja jaꞌa maa san na kuinio suchi yaꞌa, te jantaꞌu ñai jin maa san. Te nani kuu ñayiu jantaꞌu ña jin maa san, te jantaꞌui ia ni tetniuu ña jin san. Chi ñayiu kuu lule ka neꞌu ndiꞌi maa ni, kuu ñayiu kuu kaꞌnu ka ―jiñaꞌa ya.

San Juan 12:44

Ni kana jaa Jesús, te jiñaꞌa ya: ―Na ñayiu kandija ña jin san, te masu maintnoꞌo ni maa san kandijai, chi suni kandijai maa Tata, ia ni tetniuu ña jin san.

San Juan 12:48

Su na ñayiu skexiko ña jin san, te tu jantaꞌui tnoꞌo kaꞌan san, te ja oo na in kaꞌnde yika kuechi, chi tnoꞌo ja kaꞌan san yaꞌa kuu ja kaꞌnde yika kuechi ñayiu kiuu sandiꞌi.

San Juan 13:20

Te kaꞌan ndandaa ndija san ja na ñayiu jantaꞌu na in ni tetniuu san, te maa san jantaꞌui, te na in jantaꞌu ña jin maa san, te jantaꞌui ia ni tetniuu ña jin san ―jiñaꞌa ya.

Hechos 5:4

Te ¿a masu ñundeꞌi maa ni ni kuu yun? Te ja siun ja ni xiko ni, ¿a masu xuꞌun maa ni ni kuu? ¿Nau ja ni kii ini ni ja siun ni saꞌa ni? Te masu ñayiu ni xndaꞌu ni, chi ia Dios ni kuini ni ja xndaꞌu ni.

Gálatas 4:14

Te kueꞌe ja kuꞌu san yun kuu in ja jito tnuni ña jin ni, su tu ni ka skexiko ña ni jin san, ni tu ni ka ndajioneꞌe ña ni. Chi saa suaꞌa ni ka jantaꞌu ña ni, na kuinio in ia jinokuechi nuu Dios, axi na kuinio ja vi maa Jesukristu kuu san.

1 Tesalonicenses 4:8

Te yun kuu ja na in skexiko tnoꞌo ni ka kaxtnoꞌo san yaꞌa, te masu skexikoi ni in ñayiu, chi skexikoi maa Dios, ia ni taa Espíritu ya ja ka oo jion.