San Lucas 1:72 - El Nuevo Testamento y unos libros del Antiguo Testamento

⁷² Chi ni kundaꞌu ini ya tatatnoꞌo ndee janaꞌa, te tu ni ndunaa ini ya tnoꞌo ja ni kee yuꞌu ya.

San Lucas 1:72 Iomraidhean Croise

Génesis 12:3

Te ñayiu saꞌa ña javii javaꞌa, te saa ni javii javaꞌa saꞌa rin jin, te na ñayiu xtau tniaꞌa ña jin ron, te suni xtau tniaꞌa rin jin, te ja jaꞌa ron guaa saꞌa rin ja vi koo vii vi koo vaꞌa ndiꞌi ñayiu ñuyiu ―jiñaꞌa ia Dios nuu Abram.

Génesis 22:18

Te jin maꞌñu sagua ndikin tata ron, te vi koo vii vi koo vaꞌa ndiꞌi ñayiu ja vi jinkoo taka ñuu nii ñuyiu, chi ni jantnoꞌo ron tnoꞌo ni kaꞌan rin”, kachi ya ―jiñaꞌa ia jinokuechi yun.

Génesis 26:4

Te skaya kuakuaꞌa rin ndikin tata ron na kuinio kimi ka oo andivi. Te nuu tatatnoꞌo ron guaa kuñaꞌa rin ndiꞌi ñuꞌu yaꞌa ja vi koo de, te vi koo vii vi koo vaꞌa ndiꞌi ñuu naꞌnu ja jaꞌa ndikin tata ron.

Génesis 28:14

Chi saꞌa rin ja vi kaya kuaꞌa ndevaꞌa tatatnoꞌo ron na kuinio ñuyaka ñuꞌu, te vi kutenuu ichi nuu ron vi ichi yata ron, ichi ndaꞌa kuaꞌa ron vi ichi ndaꞌa satni ron, te vi ndiꞌi ñayiu vi koo vii vi koo vaꞌa nuu ñuyiu yaꞌa ja jaꞌa ndikin tata ron.

Salmos 105:42

Chi ni ndakaꞌan ya tnoꞌo ii, ja ni kaꞌan ya nuu Abraham, tee ni ojinokuechi nuu ya.

Salmos 106:45

te ni ndakaꞌan ya tratu ni saꞌa ya jin ñayiu yun, te ja siun ndaꞌu ndevaꞌa ini ya, te ni ndasama ini ya ja ni tetniuu ya tnundoꞌo.

Salmos 111:5

Te jiñaꞌa ya ja ka jaa ñayiu ka nee yiñuꞌu nuu ya, te siun ni naꞌa ya tratu ja ni saꞌa ya jin ñayiu.

Salmos 98:3

Chi ni ndakaꞌan ya ja kundaꞌu ini ña ya, vi ja saꞌa ndaa ya jin ñayiu ñuu Israel. Te ndiꞌi ñayiu ka oo ndee jaꞌa ñuyiu ni ka jini ja ni skaku niꞌnu ña ia Dios mao.

Romanos 11:28

Te ñayiu Israel, chi tu ni ka jantaꞌui tnoꞌo vaꞌa ia Dios ja skaku niꞌnu ña, te ka jini uꞌui ia Dios ja kuu in javaꞌa nuu in in maa ni. Su ia Dios, chi kutoo ni ña ya jin, chi ni kaji ya ndee ndi tata velui.

Romanos 9:4

Chi ñayiu ñuu Israel ka kui, te ni ndakuanseꞌe ña Dios, te yeꞌe tajan ya ni oo ya jin, te ni saꞌa ya tratu jin, te ni jiñaꞌa ya Ley ya nui jin maꞌñu sagua Moisés, te ni xneꞌe ya naxa vi chiñuꞌi nuu ya, vi ni kee yuꞌu ya kuaꞌa tnoꞌo vii tnoꞌo vaꞌa nui.