San Lucas 1:32 - El Nuevo Testamento y unos libros del Antiguo Testamento

³² In ja kanuu kokui nuu ia Dios, guaa seꞌe maa ia Dios oo ndee sukun vi xnani ña ñayiu. Te maa ya ja kuu ya Dios saꞌa ya ja kokui rey nagua ni saꞌa ya jin ndee tatatnoꞌi rey David,

San Lucas 1:32 Iomraidhean Croise

Salmos 132:11

Te jandaa ja ni kee yuꞌu Jitoꞌo nuu David, te ma ndasama ya tnoꞌo ni kaꞌan ya, te jiñaꞌa ya: “Kani rin in ndikin tata ron ja kotatnuni nuu tniuu maa ron”.

Salmos 132:12

Te nuu ja na vi skunkuu seꞌe ron tratu ni saꞌa rin jin ron, vi tnoꞌo tatnuni rin ja kaxtnoꞌo rin nui, te suni vi kotatnuni seꞌi nikuii nikani, nagua ni otatnuni maa ron.

Daniel 2:44

Te kiuu ja vi kotatnuni rey yaꞌa, chi saꞌa ia Dios oo ndee andivi ja ndakoo inka rey kotatnuni ja ma naa saꞌun. Te ni in ñuu ma kundee ja kokuu nijaꞌnu nuu, te xnaa ndiꞌi nuu ka tatnuni sava ka rey. Su maa, chi nikuii nikani ni koo.

San Mateo 1:1

Yaꞌa ka kuu sivi ndiꞌi ñayiu janaꞌa ja ka okuu tatatnoꞌo Jesukristu ja ka kuu ndikin tata ndee David vi ndee ndikin tata Abraham.

San Mateo 12:42

Te suni ndakoo in ñaꞌa ni okuu reyna ni otatnuni ichi sur, kiuu sandaa ia Dios kuechi, te xtavi kuechi ña jin ñayiu ka oo tiempu vitna, chi jika ndevaꞌa ñuu ñaꞌa yun, su ni kii ña ni onini ña tnoꞌo ndichi ni kaꞌan rey Salomón. Te kaꞌnu ka kuu maa san ja oo san yaꞌa, saa rey Salomón.

San Mateo 28:18

Yun te ni kuyatni Jesús, te jiñaꞌa ya: ͏―͏Ja ni taa ia Dios tniuu kaꞌnu ja tatnuni rin andivi vi nuu ñuyiu.

San Mateo 3:11

Su sein, chi ja ndaa ja jin ndute uun ni skuandute san ñayiu ka ndatnaꞌu ini, te kiukuei ichi ia Dios. Su yun te kii tee kuu kaꞌnu ka saa maa san ja vini masu nagua kuu saꞌun san ja kuu konee san ndijan de. Su maa de kuu ia ja skuandute ña jin Espíritu ia Dios, te suni teñuꞌu ya ñayiu tu ka kandija.

San Marcos 14:61

Su Jesús, chi ni jasi yuꞌu ya, te tu ni ndajioneꞌe saꞌun ya ni in tnoꞌo. Yun te ni jikan tnoꞌo tuku ña sutu kuu nijaꞌnu ka yun, te jiñaꞌa de: ―¿A suu ron kuu Kristu vi Seꞌe Dios, ia vii ia vaꞌa? ―jiñaꞌa de.

San Marcos 5:7

Te vi ni kana koꞌo tachi ndee ini anu de, te jiñaꞌa: ―¿Nagua kuini ron ja vaji ron nuu oo rin, vi Jesús, Seꞌe ia Dios oo ndee sukun yun? Te jikantaꞌu rin nuu ia Dios ja ma taa ron tnundoꞌo koo rin ―jiñaꞌa.

San Lucas 1:15

chi in suchi kanuu ja kunukuechi nuu ia Dios kokui. Ma koꞌi ni vinu te ni ndixi, te ja kochitui jin Espíritu ia Dios ndee nuu ñuꞌi chii siꞌi.

San Lucas 1:35

Te ni kaꞌan ya: ―Kii Espíritu ia Dios siki ron, te jakaꞌnu maa ya ja oo ndee sukun jinkoo siki ron, na kuinio in viko, te yun saꞌa ja jinkuꞌun lulu ron. Te suchi kaku jian kokui suchi ii, te vi xnani ñayiu jin Seꞌe maa ia Dios.

San Lucas 1:76

Te ja maa ron, vi seꞌe yii luluu rin, chi kokuu ron in tee ndakani tnoꞌo maa ia Dios oo ndee sukun, chi koxnoꞌo ron nuu ia Jitoꞌo ja kosavaꞌa ron ichi kiꞌin ya,

San Lucas 3:16

Yun te jiñaꞌa Juan nuu ndiꞌi ñayiu yun: ―Sein, chi ja ndaa ja jin ndute uun skuandute san ñayiu, su yata sein vaji in tee kuu kaꞌnu ka saa sein ja vini masu nagua kuu saꞌun san ja ndajin san korria ndijan de. Te suu de guaa skuandute ña jin Espíritu ia Dios, te suni teñuꞌu ya ñayiu tu ka kandija.

San Lucas 6:35

Su maa ni, ma vi saꞌa ni siun. Chi vi kaꞌan too ni ndee ñayiu ka kaꞌan uꞌu ña jin ni. Vi saꞌa ni javaꞌa, te vi kuñaꞌa nuu ni, su ma vi kondetu ni ja nagua vi ndaniꞌi ni. Chi kaꞌnu in ja vi kutaꞌu ni, te vi kokuu ni seꞌe ia Dios oo ndee sukun, chi kundaꞌu ini ya ndee ñayiu tu ka jini ja vi ndakuantaꞌu nuu ya vi ñayiu kueꞌe.

San Juan 12:34

Te ka jiñaꞌa ñayiu yun nuu ya: ―Ka jini san ja kaꞌan nuu Ley, ja Kristu, ia tetniuu Dios, chi koteku ya nikuii nikani. ¿Te nau ja kaꞌan ni ja nini kuu ja ndakoo sukun Seꞌe Teyii? ¿Te na in kuu Seꞌe Teyii yun nuu saa? ―ka jiñaꞌi.

San Juan 6:69

Te sein, chi ka kandija ña san vi ka jini san ja maa ni kuu ia ni tetniuu Dios vi Seꞌe maa ia Dios teku ―jiñaꞌa de.

Hechos 16:17

Te suchi yaꞌa ndikin ñai jin ndiꞌi san ja kuaꞌankuei san jin Pablo, te kana jai yata nuu kuaꞌankuei san, te kachi: ―Tee yaꞌa ka kuu tee ka jinokuechi nuu ia Dios oo ndee sukun, te ka ndakani de ichi ja naxa vi kaku niꞌnuo.

Hechos 2:30

Su ndi David, chi in tee ni ndakani tnoꞌo ia Dios ndee janaꞌa ni okuu de. Te ni jini de ja ni kee yuꞌu ia Dios nuu ni kaꞌan ya ja neꞌu ndikin tata de keneꞌe ya ia kokuu Kristu ja jinkoo ya nuu mesa ja kotatnuni ya.

Hechos 2:36

’Te yun guaa vi kuni ndiꞌi ñayiu ñuu Israel ja vi jandaa ja Jesús, ia ni ka jatakaa ni yika cruz, kuu ia ni saꞌa kaꞌnu Dios ja kokuu ya Jitoꞌo vi Kristu ―ni kaꞌan Pedro.

Hechos 7:48

Su visi ni saa, te ia Dios oo ndee sukun, chi tu oo ya veñuꞌu ni saꞌa teyii jin ndaꞌa de, nagua ni kaꞌan tee ni ndakani tnoꞌo ia Dios ndee janaꞌa nuu kaꞌan:

Romanos 1:4

Te ni ndateku ya neꞌu ndiyi ni saꞌa Espíritu vii ia Dios, ja xneꞌe kaji ja Seꞌe Dios kuu ya, te oo ya jin jakaꞌnu maa Tata ya.

El Apocalipsis 3:7

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu Dios ja jito ñayiu ka skuaꞌa veñuꞌu oo ñuu Filadelfia: Suaꞌa kaꞌan ia vii, ia ndaa, ia yindaꞌa ndakaa rey David, ja ndiso ya tniuu kaꞌnu ja ndakune ya nuu kiukuei ñayiu, te ni in ma kuu ndakasi, te nuu ndakasi ya, te ni in ma kuu ndakune.