San Juan 9:6 - El Nuevo Testamento y unos libros del Antiguo Testamento

⁶ Te vi siun jiñaꞌa ya, te ni jati ya teyuꞌu ya nuu ñuꞌu, te ni saꞌa ya ndeꞌi jin teyuꞌu ya, te ni skanuu ya ndeꞌi yun nduchi nuu tee kuꞌu nuu yun.

San Juan 9:6 Iomraidhean Croise

San Marcos 7:33

Yun te ni jaka siin ña ya nuu tu na ñayiu ka ndiaꞌa, te ni chiꞌi ya xindaꞌa ya soꞌo de, te ni chiꞌi ya teyuꞌu ya xindaꞌa ya, te ni keꞌe ya yaa de.

San Marcos 8:23

Yun te ni tnii ya ndaꞌa tee kuꞌu nuu yun, te ni keneꞌe ña ya ndee yuꞌu ñuu yun. Te ni skanuu ya teyuꞌu ya nduchi nuu de, te ni tetuu ya ndaꞌa ya. Te ni jikan tnoꞌo ña ya a kuu ndiaꞌa de joo.

San Juan 9:11

Te jiñaꞌa de: ―Tee nani Jesús ni saꞌa de ndeꞌi, te ni skanuu de nduchi nuu san, te ni kachi de: “Kuaꞌan ni nuu pila ndute Siloé, te ndakate ni nuu ni”, kachi de. Te ni jaꞌan san ni ndakate san nuu san, te ni ndundijin nduchi nuu san ―jiñaꞌa de.

El Apocalipsis 3:18

Te yun guaa xteku ña rin jin ron ja nuu maa rin kiꞌin ron oro ja ni nduvii nuu ñuꞌu, nagua ja kokuu ron ñayiu kuika ndija. Te suni nuu maa rin kiꞌin ron saꞌun kuijin kuiꞌnu ron, nagua ja ma kokuu kanoo ron ja oo vichi ron. Vi nuu maa rin kiꞌin ron tatna kee nuu ron, nagua ja kuu kondiaꞌa guaꞌa ron.