San Juan 9:34 - El Nuevo Testamento y unos libros del Antiguo Testamento

³⁴ Yun te ka jiñaꞌa de: ―Guaa ndee nuu ni kaku ni ja oo ni jin yika kuechi, ¿te a vaji ni ja kaxtnoꞌo ni nuu in in san? ―ka jiñaꞌa de. Te ni ka skunu ña de nuu veꞌe ii sinagoga.

San Juan 9:34 Iomraidhean Croise

Génesis 19:9

Te ka jiñaꞌa tee yun: ―Kujioo ni jian kuaꞌan ni, chi konaꞌa ni ja in tee jikanuu ndaꞌu kuu ni, te vitna saa kuini ni ja konduu nijaꞌnu ni ja kokaꞌnde ni kuechi. Su vitna guaa kuaꞌa ka jakueꞌe vi saꞌa ña san jin ni masu tee jian ―ka jiñaꞌa de. Te ni ka tundaꞌa ña de vi ndevaꞌa ndetnuni ka saꞌa de Lot, te ni ka jintnaꞌa de ja vi taꞌu de yeꞌe yun.

Salmos 51:5

Chi jandaa ja ñayiu kueꞌe kuu san ndee nuu ni kaku san, te vi ja tavi kuechi san ndee chii siꞌi san.

Éxodo 2:14

Te jiñaꞌa tee yun: ―¿Na in ni tau ña jin ron ja kotatnuni ron axi ja kokaꞌnde ron kuechi ja jaꞌa in in ruꞌun? ¿Axi kaꞌan ron ja kaꞌni ña ron nagua ni jaꞌni ron tee Egipto yun iku? ―jiñaꞌa de. Yun te ni yuꞌu Moisés, te ni ndakani ini: “Ja ni ka jini ja siun ni saꞌo”.

Proverbios 22:10

Vi skunu ni ñayiu kuasun ini, te na naa ja ka tee tnaꞌi, vi na yaꞌa ja ka jaxin tnaꞌi vi ja ka jiñaꞌa tnaꞌi jakanoo.

Proverbios 26:12

¿A jini ron in tee ja kaꞌan de ja tee ndichi kuu maa de? Te guaꞌa ka kuu ja kukanu inio in tee vasa, masu tee kaꞌan ja tee ndichi kuu de.

Proverbios 29:1

Ñayiu saꞌa ndee ini nuu ka kuxeen nui, vi sanaa ni te nai, te tu na tatna ja kakui.

Isaías 65:5

Te ka kachi: Jian ni koo maa ni, te ma kitnaꞌa ña ni jin san, chi ñayiu ii ka kuu san saa maa ni. Te ñayiu yaꞌa ka kuu na kuinio ñuaꞌa ja saꞌa kueꞌe xnii rin ja ka skiti ini ñai jin rin na kuinio ñuꞌu ja ndiꞌi ni kiuu kai.

Isaías 66:5

Vi konini tnoꞌo kaꞌan maa rin ja kuu rin Jitoꞌo: “Roon, chi vi suaꞌa ka niꞌi ron ja ka yuꞌu niꞌnu ron nuu tnoꞌo rin, su ñani ron ja ka kaꞌan uꞌu ña jin ron, te ka saꞌa siin ñai ja jaꞌa ruꞌun, te ka kachi: Na xneꞌe Jitoꞌo Dios jakaꞌnu ya, nagua ja na vi kuni san ja ka kusii ini ni, ka kachi. Su mai, guaa vi ndendoo kanoi.

San Lucas 11:45

Te ni kaꞌan in tee kaxtnoꞌo Ley Moisés, te jiñaꞌa de: ―Mastru, nuu kaꞌan ni siun, te suni kaneꞌe ña ni jin ndee sein ―jiñaꞌa de.

San Lucas 14:11

Chi nani kuu ñayiu ja saꞌa kaꞌnui mai, te vi saꞌa lule ña jin. Te ñayiu ja saꞌa luluu mai, te vi saꞌa kaꞌnu ña jin ―jiñaꞌa Jesús.

San Lucas 18:17

Chi kaꞌan ndaa san ja na in ñayiu tu jantaꞌu ja tatnuni ia Dios nui nagua jantaꞌu in suchi luluu, te ma kiuu saꞌuin nuu tatnuni ya ―jiñaꞌa ya.

San Lucas 6:22

’Na taꞌu na ndetu maa ni nuu ka kaꞌan uꞌu ña ñayiu ja jaꞌa sein ja kuu san Seꞌe Teyii nuu vi keneꞌe ndaꞌa ñai, te vi nani ñai jin ni, te vi skexiko ñai jin ni na kuinio ja ñayiu kueꞌe ka kuu ni.

San Juan 6:37

Ndiꞌi ñayiu ni taa maa Tata Dios kikuei ja vi koo jin san, te na in vaji nuu san, te ma skunu san jin ja kiꞌin.

San Juan 8:41

Te maa ni, chi ka saꞌa ni tniuu saꞌa tata ni ―jiñaꞌa ya. Yun te ka jiñaꞌa de: ―Masu seꞌe ndaꞌu ka kuu san, chi ka nevaꞌa san invaa tata san ja kuu ia Dios ―ka jiñaꞌa de.

San Juan 9:2

Te ni ka jikan tnoꞌo ña tee ka skuaꞌa jin ya, te ka jiñaꞌa de: ―Mastru, ¿na in ni saꞌa yika kuechi, a maa tee yaꞌa axi tata de vi nana de, ja siun kuꞌu nuu de ni kaku de? ―ka jiñaꞌa de.

San Juan 9:22

Te tnoꞌo yun ka jiñaꞌa tata de vi nana de, chi ka yuꞌu ña de jin tee ka kuu nijaꞌnu nuu ñayiu judio, chi ja ni ka ndatnoꞌo tnaꞌa tee yun ja vi skunu ña de nuu veꞌe ii sinagoga nuu ja ndee in ñayiu na ndakuni ja Jesús kuu ia ni tetniuu Dios.

San Juan 9:35

Te ni jini soꞌo Jesús ja ni ka skunu ña jin tee ni okuꞌu nuu yun. Te nuu ni ka nukuntnaꞌa ya jin de, te jiñaꞌa ya: ―¿A kandija ni Seꞌe ia Dios?

San Juan 9:40

Yun te nuu ni ka onini sava tee ka kuu fariseo ja ka oo jin Jesús tnoꞌo ni kaꞌan ya yun, te ka jiñaꞌa de: ―¿A vi suni ndee sein inu kuaa san? ―ka jiñaꞌa de.

1 Corintios 5:13

Chi maa ia Dios guaa sandaa ya kuechi ñayiu tu ka skuaꞌa. Yun guaa vi keneꞌe maa ni ñayiu ja saꞌa yika kuechi yun, ja ma koo kai neꞌu ni.

Gálatas 2:15

’Chi maa san vi maa ni, ka kuo tatatnoꞌo judio ndee nuu ni ka kakuo, te masu ñayiu tu ka jini ia Dios ka kuo, nagua ka oo ñayiu sava ka tatatnoꞌo.

Efesios 2:3

Te suni saa ni ka osaꞌa ndiꞌi yoon ama ka, chi ni ka ondikion ni ka osaꞌo nagua junkuaan ini yiki kuñuo vi ndiꞌi jakueꞌe ni ka ondakani inio, te ni ka okuo ñayiu ni ka oskiti ini ia Dios, inuu jin sava ka ñayiu.

1 Pedro 5:5

Te suni saa ni maa ni ja ka kuu ni tee kuechi, vi kuanyuꞌu vi kuandetu ni nuu tee nijaꞌnu. Te ndiꞌi ni vi saꞌa ndaꞌu vi saꞌa kee ni nuu in in ni, te vi kuantnoꞌo nuu tnaꞌa ni, chi yoso nuu tutu ii: Ndakoo ia Dios siki ñayiu ka saꞌa teyii mai, te kaꞌan ndaꞌu kaꞌan kee ña ya jin ñayiu ka saꞌa ndaꞌu mai. Kachi tutu ii.

3 Juan 1:10

Te yun guaa nuu kiꞌin san, te kuxeen san nuu de, ja jika de kaꞌan kueꞌe de vi kaꞌan tnoꞌo de sikio. Te ni tu ndenuu ini de ja siun saꞌa de, chi ni tu jantaꞌu de taka ñani ja jinokuei, te ñayiu ka kuini ja vi kuantaꞌu ñai, te tu jandetu de, te skunu ña de nuu ka oo ñayiu ka skuaꞌa yun.

3 Juan 1:9

Ja ni tee san in tutu nuu ñayiu ka skuaꞌa, su Diótrefes, chi tu jantaꞌu de tnoꞌo ja tatnuni san, chi junkuaan ini maa de ja kotatnuni de nuu ñayiu yun.

El Apocalipsis 13:17

Te ni in ñayiu ma kuu kuaan axi xiko nuu ja tu na tnuni ndisoi axi sivi maa kiti xeen yun a número sivi ti.