San Juan 8:59 - El Nuevo Testamento y unos libros del Antiguo Testamento

⁵⁹ Yun te ni ka kundaꞌa de yuu ja vi kuun ña de, su ni tayuꞌu nuu Jesús, te ni kee ya nuu veñuꞌu yun, te vi maꞌñu sagua ñayiu yun ni yaꞌa ya kuaꞌan ya.

San Juan 8:59 Iomraidhean Croise

Génesis 19:11

Yun te ni ka saꞌa ya ja ni ka kuaa ndiꞌi tee ka oo yeꞌe yun vi ndee tee kuechi guaa ndee tee nijaꞌnu, saa te ña ni ka ndaniꞌi ka de ndenu oo yeꞌe.

San Mateo 12:14

Yun te ni ndekuei tee ka kuu fariseo yun, te ni ka ndatnoꞌo de naxa vi kaꞌni de Jesús.

San Lucas 24:31

Yun te ni saꞌa ia Dios ja ni ka ndanune nuu de, te ni ka ndakuni ña de ja maa ya kuu. Su vi nuu saa ni naa ya kuaꞌan ya.

San Juan 11:54

Te yun guaa tu ni kuu kaka ndijin ka Jesús neꞌu tee ka kuu nijaꞌnu nuu ñayiu judio. Chi ni kee ya Judea yun, te kuaꞌan ya in ñuu nani Efraín, yatni nuu oo ñuꞌu teꞌa, te ñuu yun ni ka kendoo ya jin tee ka skuaꞌa jin ya.

San Juan 11:8

Te ka jiñaꞌa tee ka skuaꞌa jin ya: ―Mastru, oo yatni ni kiuu ja ka nduku tee ka kuu nijaꞌnu nuu tnaꞌo judio ja vi kuun ña de yuu, ¿te a vi kuini tuku ni kiꞌin ni yun? ―ka jiñaꞌa de.

San Juan 12:36

Te vitna ja ka oo ka ni jin san, vi kandija ña ni ja kuu san ñuꞌu ja yeꞌe niꞌnu, nagua ja vi kokuu ni seꞌe ia yeꞌe niꞌnu ―jiñaꞌa ya. Te tnoꞌo yun ni kaꞌan Jesús, te kuaꞌan ya ja ni tayuꞌu nuu ya nuu ñayiu yun.

San Juan 18:31

Yun te jiñaꞌa Pilato: ―Vi ndakuaka maa ni de, te vi saꞌa ndaa maa ni kuechi de nagua oo nuu Ley ka nevaꞌa maa ni ―jiñaꞌa de. Yun te ka jiñaꞌa tee ka kuu nijaꞌnu nuu ñayiu judio: ―Su sein ñayiu judio, chi ma kuu vi kaꞌni san ni in ñayiu.

San Juan 5:13

Su tee ni nduvaꞌa yun, chi tu jini de ndee tee kuu ja ni ndasaꞌa ña, chi ja ni kujioo Jesús nuu ka oo kuaꞌa ñayiu yun.

San Juan 9:1

Yun te nuu ni yaꞌa Jesús kuaꞌan ya, te ni jini ya in tee ndesi nduchi nuu de ndee nuu ni kaku de.

Hechos 7:57

Yun te ni ka jasi tee yun soꞌo de ja ma vi konini ka de, te ni ka kana koꞌo de ni ka jino de ni ka jinkakuiko ña de jin Esteban.