San Juan 8:54 - El Nuevo Testamento y unos libros del Antiguo Testamento

⁵⁴ Te jiñaꞌa Jesús: ―Nuu ja nduku san jayiñuꞌu maa san, te tu nagua jiniuꞌu saꞌun, chi maa Tata san saꞌa ja koo jayiñuꞌu nuu san, ia ka kaꞌan maa ni ja kuu Dios ni.

San Juan 8:54 Iomraidhean Croise

Proverbios 25:27

Masu guaꞌa kuu ja kaa ndevaꞌo nduxi, te ni tu na jayiñuꞌu oo nuu ndukuo jayiñuꞌu mao.

Isaías 66:5

Vi konini tnoꞌo kaꞌan maa rin ja kuu rin Jitoꞌo: “Roon, chi vi suaꞌa ka niꞌi ron ja ka yuꞌu niꞌnu ron nuu tnoꞌo rin, su ñani ron ja ka kaꞌan uꞌu ña jin ron, te ka saꞌa siin ñai ja jaꞌa ruꞌun, te ka kachi: Na xneꞌe Jitoꞌo Dios jakaꞌnu ya, nagua ja na vi kuni san ja ka kusii ini ni, ka kachi. Su mai, guaa vi ndendoo kanoi.

San Juan 17:1

Te nuu ni ndiꞌi ni kaꞌan Jesús tnoꞌo yaꞌa, te ni ndakondiaꞌa ya ichi andivi, te jiñaꞌa ya: ―Tata, ja ni jino kiuu ja tnaꞌa san tnundoꞌo. Saꞌa kaꞌnu ni Seꞌe ni nuu ñayiu nagua ja suni na saꞌa kaꞌnu ña Seꞌe ni jin ni.

San Juan 17:5

Te vitna, vi Tata, saꞌa kaꞌnu ña ni jin san nuu oo ni, nagua ni ka okuu kaꞌnuo ama ka ja junkoo ñuyiu.

San Juan 2:11

Te tniuu kaꞌnu yaꞌa ni saꞌa Jesús jaxtnañuꞌu ñuu Caná ja tnii Galilea. Te saa ni kuu ja ni xneꞌe ya jakaꞌnu ya, te ni ka kandija ña tee ka skuaꞌa jin ya.

San Juan 5:41

’Sein, chi tu nduku san ja vi kaꞌan yiñuꞌu ñayiu ñuyiu jin san.

San Juan 7:18

Chi na in kaꞌan tnoꞌo mai, te javaꞌa mai ndukui. Su na in nduku javaꞌa na in ni tetniuu ña, te tee yun kuu tee ndaa, te tu na tnoꞌo kueꞌe kaꞌan de.

San Juan 7:39

Te tnoꞌo yaꞌa ni kaꞌan Jesús ja jaꞌa Espíritu ia Dios ja vi niꞌi ñayiu vi kandija ña jin ya, chi kuini ka ja kii Espíritu ia Dios, chi chiaꞌan ka ja noꞌo ya nuu yeꞌe tajan ya.

San Juan 8:41

Te maa ni, chi ka saꞌa ni tniuu saꞌa tata ni ―jiñaꞌa ya. Yun te ka jiñaꞌa de: ―Masu seꞌe ndaꞌu ka kuu san, chi ka nevaꞌa san invaa tata san ja kuu ia Dios ―ka jiñaꞌa de.

San Juan 8:50

Su sein, chi tu nduku san ja vi kaꞌan yiñuꞌu ñayiu jin san. Su oo inka ia ja ndiꞌni ja vi koo yiñuꞌu ñayiu nuu san, te saꞌa ndaa ya ja jaꞌa san.

Hechos 3:13

Su masu saa, chi ia Dios ni ochiñuꞌu ndi tatao Abraham vi Isaac vi Jacob, vi Dios ndiꞌi tatatnoꞌo kuu ia ni saꞌa kaꞌnu ya seꞌe ya Jesús, te ia yaꞌa ni ka kakuiko ni, te ka kaꞌan kuechi ni siki ya nuu Pilato. Te nuu ni kuini de ja siaa ña de, te tu ni ka jandetu ni.

2 Corintios 10:18

Chi masu ñayiu ja saꞌa kaꞌnu mai kuu ñayiu ja jantaꞌu ña ia Dios, chi ñayiu ja saꞌa kaꞌnu maa Jitoꞌo.

1 Pedro 1:12

Te ni skuni ña ia Dios jin de ja masu nuu maa de skunkuu ya tnoꞌo yaꞌa, chi mao ka kuu ja vi kuni. Te tnoꞌo yaꞌa ka kaxtnoꞌo tee ni ka ndakani tnoꞌo vaꞌa Kristu vitna jin maꞌñu sagua Espíritu ia Dios ja ni kuun ndee andivi. Te ndiꞌi yaꞌa ka ndioo ini ia ka jinokuechi nuu Dios ja vi kondiaꞌa ya.

1 Pedro 1:21

Te jin maꞌñu sagua ya ni ka kandija ni Dios, ia ni ndaxteku ya neꞌu ndiyi. Te ni saꞌa kaꞌnu ña ya jin Jesús ja koo jayiñuꞌu nuu ya. Te yun guaa ka kandija ni vi ka ndetu kaꞌnu ni ia Dios.

2 Pedro 1:17

Chi ni ka jini san nuu ni jiñaꞌa Tata Dios jayiñuꞌu vi jakaꞌnu nuu ya, te ni ka onini san tnoꞌo ni kaꞌan maa ia Dios ndee nuu yeꞌe tajan vii ndevaꞌa nuu oo ya, te kachi ya: “Suchiaꞌa kuu seꞌe maa rin ja kutoo ndevaꞌa rin vi kusii ndevaꞌa ini rin jin”.