San Juan 8:22 - El Nuevo Testamento y unos libros del Antiguo Testamento

²² Yun te ka jikan tnoꞌo tnaꞌa tee ka kuu nijaꞌnu nuu ñayiu judio: ―¿A ndakaꞌni de maa de axi nau ja kaꞌan de siaꞌa: “Ma kuu kiukuei ni nuu kiꞌin san”? ―ka ndatnoꞌo tnaꞌa de.

San Juan 8:22 Iomraidhean Croise

Salmos 123:4

Ja ni kuu kuaꞌa ndevaꞌa tnundoꞌo ka tnaꞌa san, ja ka saꞌa kuasun ña ñayiu ka oo guaꞌa ja tu nagua ka jaꞌni ña jin, vi ka skexiko ña ñayiu ka saꞌa teyii mai.

Salmos 22:6

Su sein, chi masu in teyii kuu san, chi kuu san na ni kuinio in tindaku, ka saꞌa kuasun ña ñayiu vi ka skexiko ñai jin san.

Salmos 31:18

Te na vi kasi yuꞌu ñayiu inu tnoꞌo ja ka kaꞌin siki ñayiu ndaa jin tnoꞌo teyii, vi ka skexiko ñai vi ka kaꞌan kueꞌe ñai.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 10:20

Te kuaꞌa de ni ka kachi: ―¿Nau ja ka nini ni tnoꞌo kaꞌan tee jian? Te tachi ñuꞌu ña jin de, te ndukueꞌe xini de.

San Juan 7:20

Yun te ni ka kana ñayiu kuaꞌa yun, te ka jiñaꞌi: ―Vaa tachi ñuꞌu ña jin ni, ¿na in nduku ja kaꞌni ña jin ni? ―ka jiñaꞌi.

San Juan 7:35

Yun te ka ndatnoꞌo tnaꞌa maa tee ka kuu nijaꞌnu nuu ñayiu judio: ―¿Na ndenu kiꞌin tee yaꞌa ja ma vi nukuꞌon de? ¿A kiꞌin de nuu ni ka ndutenuu ñayiu ñuo neꞌu sava ka ñuu, te yun kaxtnoꞌo de nuu ñayiu sava ka ñuu yun?

San Juan 8:48

Yun te ka jiñaꞌa tee ka kuu nijaꞌnu nuu ñayiu judio: ―¿A masu inu ndija san nuu ka kaꞌan san ja in tee tnoꞌo ñuu Samaria kuu ni, te ñuꞌu ña tachi jin ni? ―ka jiñaꞌa de.

San Juan 8:52

Yun te ka jiñaꞌa tee ka kuu nijaꞌnu nuu ñayiu judio: ―Vitna ndia te ka jini san ja ñuꞌu ña tachi jin ni, chi Abraham vi tee ni ka ndakani tnoꞌo ia Dios ni ka jiꞌi de, te maa ni, chi kachi ni ja na in tavaꞌa tnoꞌo ja kaxtnoꞌo ni, te ma kuu saꞌuin.

Hebreos 12:3

Te vi ndakaꞌan maa ni naxa ni ndoꞌo Jesús nuu ni tnaꞌa ya tnundoꞌo, ja ni ka ndakoo ñayiu ka saꞌa jakueꞌe siki ya. Yun guaa ma vi kuita ni, ni ma vi ndakaka yata ni.

Hebreos 13:13

Te yun guaa na kiꞌinkueio ndee yata ñuu nuu ni jiꞌi Jesús, te na vi tnaꞌa inuo jin ya jakanoo ja ni tnaꞌa ya.