San Juan 8:14 - El Nuevo Testamento y unos libros del Antiguo Testamento

¹⁴ Yun te jiñaꞌa Jesús: ―Visi tnoꞌo ja jaꞌa maa san kuu ja ndakani san, su tnoꞌo ja ndakani san, chi jiniuꞌu, chi jini san ndenu vaji san vi ndenu kiꞌin san. Su maa ni, chi tu ka jini ni ndenu vaji san vi ndenu kiꞌin san.

San Juan 8:14 Iomraidhean Croise

Proverbios 8:7

Te tnoꞌo kaꞌan rin yaꞌa kuu tnoꞌo ndaa, chi tu junkuaan saꞌun ini rin ja kaꞌan rin tnoꞌo tnoꞌo.

San Juan 10:15

Nagua jini ña maa Tata Dios jin san, te suni saa ni jini san Tata Dios, te suni soko san maa san, visi ndee na kuu san ja jaꞌa ñayiu ka kuu na kuinio ndikachi san.

San Juan 10:36

¿Te nau ja ka kaꞌan maa ni ja kaneꞌe san jin Dios nuu kaꞌan san ja Seꞌe ia Dios kuu san? Chi ni saꞌa vii saꞌa vaꞌa ña ia Dios jin san, te ni tetniuu ña ya ja vaji san nuu ñuyiu.

San Juan 13:3

Te ja jini guaꞌa maa Jesús ja ni jiñaꞌa Tata ya ndiꞌi ja oo yaꞌa nuu ndaꞌa ya, te nuu maa Dios vaji ya, te suni nuu maa ia Dios ndajiokuiin ya noꞌo ya.

San Juan 14:10

¿A tu kandija ni ja in ni kuu san jin Tata san, te Tata san in ni kuu ya jin san? Te tnoꞌo ja kaꞌan san, chi masu tnoꞌo ja ñuꞌu ini maa san kuu, chi Tata san, ia oo jin san, kuu ia saꞌa tniuu ja saꞌa san.

San Juan 16:28

Ni kee san guaa ndee nuu maa Tata san vaji san nuu ñuyiu yaꞌa, te vitna te xndendoo san ñuyiu, te noꞌo tuku san nuu oo Tata san ―jiñaꞌa ya.

San Juan 17:8

Chi ni ndakani san nui ndiꞌi tnoꞌo ja ni kaꞌan ni nuu san, te ni ka jantaꞌui. Te ni ka jini ndai ja nuu maa ni ni kee ndija san vaji san, te ka kandijai ja maa ni ni tetniuu ña jin san.

San Juan 18:37

Yun te ni jikan tnoꞌo ña Pilato jin ya: ―Nuu saa te ¿a rey kuu ron? ―jiñaꞌa de. Te jiñaꞌa Jesús: ―Saa kaꞌan maa ni ja rey kuu san. Te yun guaa ni kaku san, te vaji san nuu ñuyiu yaꞌa nagua ja ndakani san tnoꞌo ndaa. Te ndiꞌi ñayiu ka oo jin tnoꞌo ndaa ka nini tnoꞌo kaꞌan san ―jiñaꞌa ya.

San Juan 5:31

Chi nuu ja ndakani san tnoꞌo ja jaꞌa maa san, te tu jiniuꞌu ja chituu ña jin maa san.

San Juan 8:42

Yun te jiñaꞌa Jesús: ―Nuu ja suaꞌa te Dios kuu Tata ni, chi vi kokaꞌan too ña ni jin san, chi nuu ia Dios ni kee san vaji san, te masu vaji san ja jaꞌa maa san, chi maa ya ni tetniuu ña jin san.

2 Corintios 11:31

Te ja jini maa ia Dios, Tata Jitoꞌo Jesukristu, ia kuu kaꞌnu nikuii nikani, ja kaꞌan ndaa san, te masu xndaꞌu ña san.

2 Corintios 12:11

Ni saꞌa san na kuinio in tee nduu kueꞌe nuu ni saꞌa teyii san maa san, su maa ni ka tenini ña ja saa saꞌa san. Chi maa ni guaa vi ndakuantnoꞌo ña jin san nuu siun, chi masu kuu lule ka san nuu tee ka kaꞌan maa ni ja ka kuu de tee naꞌnu ja ni chitniuu ña Jesukristu, visi masu nagua kuu saꞌun san.

2 Corintios 12:19

Te ¿a masu ka ndakani ini ni ja ndakantaꞌu san nuu ni? Su masu saa kuu, chi suaꞌa nuu maa ia Dios kaꞌan san, chi oo san jin Jesukristu. Te ndiꞌi tnoꞌo yaꞌa kaꞌan san nagua ja vi kuja niꞌnu ni nuu tnoꞌo ya, vi ñani vi kuaꞌa, ja kaꞌan too ndevaꞌa ña san.

El Apocalipsis 1:5

Te suni vaji nuu Jesukristu, ia kuu testiu ndaa, ia ni ndateku xtnañuꞌu ka neꞌu ndiyi, ia tatnuni nuu taka rey ka oo ñuyiu. Te ni kutoo ña Jesukristu jin yoon guaa ni ndakate ya yika kuechio jin niñi ya.

El Apocalipsis 3:14

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu maa Dios ja jito ñayiu ka skuaꞌa veñuꞌu oo ñuu Laodicea: Suaꞌa kaꞌan ia kaꞌan “saa na kokuu”, ia kuu testiu ndaa, ja kaꞌan ya tnoꞌo ndaa, ia xiin maꞌñu sagua ni saꞌa ia Dios ndiꞌi ja oo ñuyiu.