San Juan 7:7 - El Nuevo Testamento y unos libros del Antiguo Testamento

⁷ Te ja ñayiu ñuyiu, chi tu ka kaꞌan uꞌu ña jin ni, su sein chi ka kaꞌan uꞌu ña jin san, chi ndakani san siki tniuu kueꞌe ka saꞌi.

San Juan 7:7 Iomraidhean Croise

Salmos 109:5

Te nuu tniuu ja saꞌa san javaꞌa jin de, te ka ndatniuyaꞌu de jin jakueꞌe, te sein, chi kaꞌan too san jin de; su maa de, chi ka skexiko ña de jin san.

Proverbios 15:12

Ñayiu kuasun ini, chi tu jinkuaan ini ja vi kuxeen nui, te ni tu ka ndeka tnaꞌi jin ñayiu ndichi ja vi kaxtnoꞌo nui.

Proverbios 8:36

Su na in skexiko ña jin rin, te saꞌa kueꞌi mai, chi ndiꞌi ñayiu ja ka skexiko ña, te ka kutoi ja vi kui.”

Isaías 49:7

Suaꞌa kaꞌan Jitoꞌo, ia ii ja ni ndatau ñayiu Israel nuu ñayiu ja ni ka oskexiko ña jin, vi ni ka okaꞌan uꞌun ña ñayiu sava ka ñuu jin, vi ni ka ojinokuechi nuu tee kueꞌe ja ka tatnuni, te kachi ya: “Nuu na vi kuni ña rey jin ron vi tee ka tatnuni jin de, te vi ndakoo de, te vi jinkindei vi jinkititi de nuu ron, chi maa rin ja kuu rin Jitoꞌo, ia ii ñayiu Israel, ni kaji ña rin jin ron, te ia ndaa kuu rin, te skunkuu rin tnoꞌo kaꞌan rin”.

Zacarías 11:8

Te jin invaa ni yoo ni skunu san uni tee ka jito ndikachi, chi ni tunini san de, te ni ka skexiko ña maa de jin san.

Malaquías 3:5

Te kachi ia Dios: “Kii rin nuu ka oo ron ja kaꞌnde ndaa rin kuechi in in ron. Te kokuu rin testiu ja kaꞌan kuechi ñama rin siki ñayiu tasi vi ñayiu ka skindee tnaꞌa, vi ñayiu ka kee yuꞌu, te tu ka skunkuu, vi ñayiu ka suꞌu yaꞌu ñayiu satniuu, vi ñayiu ka saꞌa ndevaꞌa ña jin ñaꞌa ni ka ndondaꞌu vi suchi ka kuu laꞌu, vi ñayiu tu ka kuini ja vi saꞌa ndaa jin ñayiu ka jika nuu ndaꞌu, vi ñayiu tu ka yuꞌu niꞌnu ña”, kachi Jitoꞌo, ia ndakui ndevaꞌa.

San Lucas 6:26

’Ndaꞌu ni ka maa ni nuu ka kaꞌan vii ka kaꞌan vaꞌa ndiꞌi ñayiu ja jaꞌa ni vitna. ¡Naka tnundoꞌo vi kuni ni! Chi suni saa ni ka okaꞌan ndi tata velu ñayiu yun jin tee tnoꞌo ja ka kaꞌan ja tnoꞌo ia Dios ka ndakani.

San Juan 17:14

Te ja ni kaxtnoꞌo san tnoꞌo ni nui, te ni ka skexiko ña ñayiu ñuyiu jin, chi masu ñayiu ñuyiu ka kui. Te suni sein, chi masu ñayiu ñuyiu kuu san.

San Juan 3:19

Te yaꞌa kuu nuu ka tavi kuechi ñayiu, chi ni kii ia ja ni yeꞌe niꞌnu ya ñuyiu, te ni ka kutoo ka ñayiu ñunee, masu ja yeꞌe niꞌnu ya, chi tniuu kueꞌe ka saꞌi.

Romanos 8:7

Su ñayiu ndiꞌni ja kuu yiki kuñui, te jini uꞌui ia Dios, chi tu jantnoꞌi ley ya, te ni ma kuu ja skunkui.

Gálatas 4:16

Te vitna, ¿a ka kaꞌan ni ja jini uꞌu ña san, nani ja kaꞌan san tnoꞌo ndaa nuu ni?

Santiago 4:4

¡Ñayiu ni ka xndendoo ia Dios ka kuu ni! Chi ¿a tu ka jini ni ja nuu ja ka kutoo ja oo ñuyiu yaꞌa, te ka skiti ini tnaꞌo jin ia Dios? Te nani kuu ñayiu ja kutoi ja oo ñuyiu yaꞌa, te jini uꞌui ia Dios.

1 Juan 4:5

Chi ñayiu ñuyiu ka kui, yun guaa ka kaꞌin tnoꞌo ja oo ñuyiu, te ñayiu ñuyiu yaꞌa, chi ka nini tnoꞌo ka kaꞌin yun.