San Juan 7:4 - El Nuevo Testamento y unos libros del Antiguo Testamento

⁴ Chi nuu ja na in kaꞌan ja vi kuni tniuu saꞌi, te ma saꞌa yuꞌi. Te nuu ja tniuu yaꞌa saꞌa ron, te xneꞌe nagua ja na vi kuni ndiꞌi ñayiu ñuyiu ―ka jiñaꞌa de.

San Juan 7:4 Iomraidhean Croise

San Mateo 23:5

Te ndiꞌi ka saꞌa de nagua ja na vi kuni ñayiu, chi ka saꞌa naꞌnu ka de jatnu nuu ka ñuꞌu tutu ii ka ndee tnee de vi sukun ndaꞌa de, te suni ka saꞌa nani ka de tivolo yuaꞌa yuꞌu saꞌun de saa sava ka ñayiu nuu ka ndakuatu de.

San Mateo 4:6

Yun te jiñaꞌa suaꞌa: ͏―͏Nuu ja ndija ron ja Seꞌe ia Dios kuu ron, te ndagua makee ndee nuu ñuꞌu, chi yoso nuu tutu ii, te kaꞌan suaꞌa: “Maa Dios tetniuu ia ka jinokuechi nuu ya ja vi koto ña jin ron, te vi kotnii ndaꞌa ron nagua ja ma kachi jaꞌa ron jin ni in yuu”, ͏―͏jiñaꞌa.

San Mateo 6:16

’Te nuu ka oo ndite ni, ma vi skata ni maa ni ja ka kusuchi ini ni, nagua ka saꞌa ñayiu inu jani ini. Chi ka xneꞌi mai ja ka kusuchi ini, nagua ja vi kuni ñayiu ja ka oo nditei. Su sein, chi kaꞌan ndaa ndija san ja ñayiu yun, chi ja ni ka niꞌi yaꞌui.

San Mateo 6:5

’Te nuu ka ndakuatu ni, ma vi saꞌa inuu ni jin ñayiu inu jani ini, chi ka kutoo ndevaꞌi ja ka nukuiin, te ka ndakuatui ini veꞌe ii sinagoga vi saa ni taka nuu yaꞌu nagua ja vi kuni kuaꞌa ñayiu jaguaꞌa ka ndakuatui. Su sein, chi kaꞌan ndaa san ja ñayiu yun, chi ja ni ka niꞌi yaꞌui.

San Lucas 6:45

Te suni saa ni kuu jin in tee vaꞌa: Ndimaa tnoꞌo vaꞌa kaꞌan de, chi oo javaꞌa ini anu de. Su tee saꞌa jakueꞌe, chi maa ni tnoꞌo kueꞌe kaꞌan de, chi ni kaya ndevaꞌa jakueꞌe ini anu de. Chi nagua kaya ini anu ñayiu, te makana yuꞌi ja kaꞌin ―jiñaꞌa Jesús.

San Juan 18:20

Te jiñaꞌa Jesús: ―Sein chi kaꞌan ndijin san jin nuu ndiꞌi ñayiu, te siun ni kaxtnoꞌo san nuu ñayiu veꞌe ii sinagoga vi veñuꞌu kaꞌnu nuu ka ndututu ndiꞌi tnaꞌo judio, te ni in tnoꞌo tu nagua kaꞌan yuꞌu san.

San Juan 7:3

Yun te ka jiñaꞌa ñani ya: ―Ma koo ka ron ñuo yaꞌa, te kuanoꞌo Judea, nagua ja suni na vi kuni ñayiu ka skuaꞌa jin ron tniuu saꞌa ron.

San Juan 7:5

Chi vini maa ñani ya, tu ka kandija ña jin ya.