San Juan 7:39 - El Nuevo Testamento y unos libros del Antiguo Testamento

³⁹ Te tnoꞌo yaꞌa ni kaꞌan Jesús ja jaꞌa Espíritu ia Dios ja vi niꞌi ñayiu vi kandija ña jin ya, chi kuini ka ja kii Espíritu ia Dios, chi chiaꞌan ka ja noꞌo ya nuu yeꞌe tajan ya.

San Juan 7:39 Iomraidhean Croise

Salmos 68:18

Te ni ndaa ni ndee sukun ka, vi Dios, te kuaꞌan ni jin ja ni juꞌni ni ja xiin siki ni kundee ni, te ni jantaꞌu ni ja ka soko ñayiu nuu ni, te suni ndee ñayiu ka ndakoo siki ni, ni ka soko nuu ni, nagua ja koo ni neꞌu nuu ka oi, vi Jitoꞌo san.

Proverbios 1:23

Su vi konini tnoꞌo ja kuxeen rin nuu ron, te tetniuu rin Espíritu rin vi koo jin ron, te kaxtnoꞌo rin tnoꞌo rin nuu ron.

Isaías 44:3

Chi skuun rin sau nuu ñuꞌu teꞌa, vi koo in yute nuu ñuꞌu yichi, te tetniuu rin Espíritu rin nuu ndikin tata ron, vi javii javaꞌa rin nuu seꞌe ron ja vi ndandixin nuu kuee ka.

San Mateo 16:14

Te ka jiñaꞌa de: ͏―͏Sava ñayiu ka kaꞌan ja Juan, tee ni oskuandute kuu ni, te savai, chi Elías, te sava kai ka kaꞌan ja Jeremías axi ndee inka tee ni ondakani tnoꞌo ia Dios ndee janaꞌa kuu ni ͏―͏ka kaꞌan de.

San Mateo 21:11

Te ka jiñaꞌa sava ñayiu: ͏―͏Tee yaꞌa kuu Jesús, tee ndakani tnoꞌo maa ia Dios, tee ñuu Nazaret ja tnii Galilea ͏―͏ka jiñaꞌi.

San Lucas 24:49

Te tetniuu rin Espíritu ia Dios ja vi kutaꞌu ron, nagua ni kee yuꞌu tata rin ja taa ya. Su vi kondetu ni ron Jerusalén yaꞌa ndee na vi niꞌi ron jakaꞌnu ja vaji ndee andivi ―jiñaꞌa ya.

San Lucas 3:16

Yun te jiñaꞌa Juan nuu ndiꞌi ñayiu yun: ―Sein, chi ja ndaa ja jin ndute uun skuandute san ñayiu, su yata sein vaji in tee kuu kaꞌnu ka saa sein ja vini masu nagua kuu saꞌun san ja ndajin san korria ndijan de. Te suu de guaa skuandute ña jin Espíritu ia Dios, te suni teñuꞌu ya ñayiu tu ka kandija.

San Lucas 7:16

Te nuu ni ka jini ñayiu ja siun ni kuu, te ni ka yuꞌu ndevaꞌi, te ni ka chiñuꞌi ia Dios, te ka jiñaꞌi: ―Vitna te ni ka jinio in tee kaꞌnu ndevaꞌa ja ndakani tnoꞌo ia Dios. Te ni kii ia Dios ja ni chituu ña ya jion ja ka kuo ñayiu ñuu ya ―ka kachi suaꞌa.

San Juan 1:21

Te ni ka jikan tnoꞌo ña tee yun: ―¿Nuu saa te na in kuu ni? ¿A ndi Elías kuu ni? Te jiñaꞌa de: ―Masu kuu san. ―¿A tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de. ―Masu kuu san ―jiñaꞌa de.

San Juan 1:25

ni ka jikan tnoꞌo ña de, te ka jiñaꞌa de: ―Nuu saa, te ¿nau ja skuandute ni ñayiu, te nuu masu Kristu, ni masu ndi Elías, ni masu tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de.

San Juan 1:33

Te tu ni ojini san na in kuu. Su ia ni tetniuu ña jin san ja skuandute san ñayiu jin ndute, kachi ya: “Ndee tee xiin siki kuni ron ja kuun Espíritu, te jinkoxnee siki de, te tee yaꞌa kuu tee skuandute ñayiu jin Espíritu ia Dios”, kachi ya.

San Juan 12:16

Te tu ni ka jinkuiꞌnu ini tee ka skuaꞌa jin ya kiuu yun ja siun kei kaꞌan nuu tutu ii, su nuu ni ndukaꞌnu Jesús ja mandaa ya andivi, yun te saa ni ka ndakaꞌan de ja ndiꞌi tnoꞌo ja yoso yun kaꞌan ja jaꞌa ya, vi nagua ni ka saꞌa ña jin ya.

San Juan 12:23

Yun te jiñaꞌa Jesús: ―Ja ni kenta maa kiuu ja ndukaꞌnu Seꞌe Teyii.

San Juan 14:13

Te ndiꞌi ja ka jikan ni nuu Tata san jin sivi san, te saꞌa san nagua ka jikan ni, nagua ja xneꞌe san ja kuu san Seꞌe ya ja kuu kaꞌnu ndevaꞌa Tata san.

San Juan 14:26

Su jin sivi san tetniuu Tata Dios Espíritu maa ya, nagua ja chindee chituu ña ya, te kaxtnoꞌo ya ndiꞌi nani guaa kuu, chi ndaskaꞌan ña ya ndiꞌi tnoꞌo ja ni kaꞌan san nuu in in maa ni.

San Juan 16:14

Te saꞌa kaꞌnu ña ya jin san, chi niꞌi ya tnoꞌo maa ia Dios ja vaji nuu san, te ndakaxtnoꞌo ya nuu in in ni.

San Juan 16:7

Su sein, chi kaꞌan ndaa ndija san ja javaꞌa maa ni kuu ja noꞌo san. Chi nuu ja ma noꞌo san, te ma kii ia chindee chituu ña ja koo ya jin in in ni. Su nuu ja noꞌo san, te tetniuu san ya kii ya ja koo ya jin in in ni.

San Juan 17:1

Te nuu ni ndiꞌi ni kaꞌan Jesús tnoꞌo yaꞌa, te ni ndakondiaꞌa ya ichi andivi, te jiñaꞌa ya: ―Tata, ja ni jino kiuu ja tnaꞌa san tnundoꞌo. Saꞌa kaꞌnu ni Seꞌe ni nuu ñayiu nagua ja suni na saꞌa kaꞌnu ña Seꞌe ni jin ni.

San Juan 17:5

Te vitna, vi Tata, saꞌa kaꞌnu ña ni jin san nuu oo ni, nagua ni ka okuu kaꞌnuo ama ka ja junkoo ñuyiu.

San Juan 20:22

Yun te ni tiutachi ya nuu ka oo de, te jiñaꞌa ya: ―Vi niꞌi ron Espíritu ia Dios.

San Juan 6:14

Te nuu ni ka jini ñayiu yun tniuu kaꞌnu ni saꞌa Jesús, te ka kachi: ―Tee yaꞌa kuu ndija ndaa kuiti tee ndakani tnoꞌo ia Dios ja kii nuu ñuyiu ―ka kachi.

San Juan 7:12

Su ni ka kaꞌan ndevaꞌa ñayiu kuaꞌa yun ja jaꞌa ya, te sava de ka kachi: “Tee guaꞌa kuu de”. Su sava ka de ka kachi: “Ñaꞌa, chi ninoꞌo ni xndaꞌu de ñayiu ñuo”.

San Juan 8:54

Te jiñaꞌa Jesús: ―Nuu ja nduku san jayiñuꞌu maa san, te tu nagua jiniuꞌu saꞌun, chi maa Tata san saꞌa ja koo jayiñuꞌu nuu san, ia ka kaꞌan maa ni ja kuu Dios ni.

Hechos 19:2

Te jiñaꞌa de: ―¿A ni ka niꞌi ni Espíritu ia Dios nuu ni ka kandija ni? Te ka jiñaꞌa de nuu Pablo: ―Ni tu ka jini soꞌo san ja oo Espíritu ia Dios.

Hechos 2:17

Kachi ia Dios ja kiuu sandiꞌi, tetniuu rin Espíritu rin nuu ndiꞌi ñayiu, te seꞌe yii ron vi seꞌe siꞌi ron vi ndakani tnoꞌo rin, te suchi kuechi, chi skuni rin jin, suaꞌa ni, te tee nijaꞌnu, chi vi jani de nuu ka kixin de.

Hechos 2:33

Te kuanoꞌo ya ja ni nukoo ya ndaꞌa kuaꞌa maa Tata Dios. Te ni niꞌi ya maa Espíritu, nagua ja ni kee yuꞌu ia Dios. Te ni tetniuu ya vitna ja ni ka jini nuu ni vi ka onini ni.

Hechos 2:38

Yun te jiñaꞌa Pedro: ―Vi ndatnaꞌu ini ni, te vi kujioo ni nuu ichi kueꞌe, te vi kuandute in in ni jin sivi maa Jesukristu, nagua ja vi ndondee yika kuechi ni. Yun te vi kutaꞌu ni Espíritu ia Dios.

Hechos 2:4

Te ni kee ña Espíritu ia Dios jin ndiꞌi, te ni ka jinkondei ni ka kaꞌin siin siin nuu saꞌan, na kuu na kuu naxa ni saꞌa maa Espíritu ia Dios ja vi kaꞌin.

Hechos 3:13

Su masu saa, chi ia Dios ni ochiñuꞌu ndi tatao Abraham vi Isaac vi Jacob, vi Dios ndiꞌi tatatnoꞌo kuu ia ni saꞌa kaꞌnu ya seꞌe ya Jesús, te ia yaꞌa ni ka kakuiko ni, te ka kaꞌan kuechi ni siki ya nuu Pilato. Te nuu ni kuini de ja siaa ña de, te tu ni ka jandetu ni.

Hechos 4:31

Te nuu ni ndiꞌi ni ka ndakuatu de, te ni tnaa nuu ka otutu de yun. Te ndiꞌi de ni kee ña Espíritu ia Dios, te tu ni ka yuꞌu de ja ni ka kaꞌan de tnoꞌo vaꞌa ia Dios.

Romanos 8:9

Su maa ni, ja tu ka saꞌa ka ni nagua kuini yiki kuñu ni, chi ka saꞌa ni nagua kuini Espíritu, nuu ja jandaa ja oo Espíritu ia Dios ini anu in in ni. Te ñayiu ja tu oo Espíritu Kristu ini anui, te tu oi jin ya.

2 Corintios 3:8

te viꞌi ka yeꞌe tajan tratu jaa ja vaji nuu Espíritu ia Dios.

Efesios 4:30

Te ma vi saꞌa ni ja tnaꞌu ini Espíritu ia Dios, chi Espíritu ya ni chitnuni ña nagua ja ndakuni ña ya ja ñayiu maa ya ka kuu ni nuu jino kiuu ja skaku niꞌnu ña ya in jichi ni nuu jakueꞌe.