San Juan 7:26 - El Nuevo Testamento y unos libros del Antiguo Testamento

²⁶ Te vi kondiaꞌa ni ja vi kaꞌan de jin nuu ndiꞌi ñayiu, te tu na in kaꞌan saꞌun, axi saa ni ka ndakuni ndaa ña tee ka tatnuni nuu ñuo ja tee yaꞌa kuu Kristu, ia ni tetniuu Dios.

San Juan 7:26 Iomraidhean Croise

Proverbios 28:1

Ñayiu saꞌa jakueꞌe, chi jino yuꞌi, visi tu na in sondikin ña jin. Su ñayiu ndaa, chi kukanu ini ja oo guaꞌi na kuinio in ndikaꞌa.

Isaías 42:4

Te ma kutnuu de, ni ma kuita de vi guaa ndee na kundee de ja saꞌa ndaa de kuechi ñayiu ñuyiu. Te vi kondetu kaꞌnu ñayiu ñuu ja ka oo jika ja vi kaxtnoꞌo tnoꞌo de nui.

San Mateo 22:16

Te ni ka tetniuu de tee ka skuaꞌa jin de vi tee ka yinduu nuu Herodes, te ka jiñaꞌa tee yun nuu Jesús: ͏―͏Mastru, ka jini san ja tee kaꞌan ndaa kuu ni, chi kaxtnoꞌo ndaa ni ichi ia Dios, te tu ndiꞌni ni nagua ka kaꞌan ñayiu, chi tu ndiaꞌa ni naxa ka oo ka ndaa ñayiu, chi inuu ni kuu ndiꞌi ñayiu nuu maa ni.

San Lucas 23:13

Yun te ni ndaxtutu Pilato tee ka kuu nijaꞌnu nuu sutu, vi tee ka netniuu, vi ñayiu ñuu,

San Lucas 7:30

Su tee ka kuu fariseo vi tee ka kaxtnoꞌo Ley Moisés, tu ni ka jandute de, chi ni ka skexiko de tniuu ni kuini ia Dios ja saꞌa ya jin de.

San Juan 12:42

Te visi ni saa, te kuaꞌa ñayiu judio ni ka kandija ña jin ya, te vi guaa ndee tee ka tatnuni ni ka kandija ya. Su ja ka yuꞌu de tee ka kuu fariseo, guaa tu ni ka kaxtnoꞌo de ja ka kandija de ya, nagua ja ma vi skunu ña jin de nuu veꞌe ii sinagoga.

San Juan 18:20

Te jiñaꞌa Jesús: ―Sein chi kaꞌan ndijin san jin nuu ndiꞌi ñayiu, te siun ni kaxtnoꞌo san nuu ñayiu veꞌe ii sinagoga vi veñuꞌu kaꞌnu nuu ka ndututu ndiꞌi tnaꞌo judio, te ni in tnoꞌo tu nagua kaꞌan yuꞌu san.

San Juan 3:1

Ni oo in tee fariseo ja ni onani Nicodemo, in tee kanuu neꞌu ñayiu judio.

San Juan 4:29

―Neꞌekuei ni te vi kuni ni in tee ja vi ni kaꞌan ndiꞌi de nagua ni osaꞌa san. ¿A masu tee yaꞌa kuu Kristu, ia tetniuu Dios? ―jiñaꞌa ña.

San Juan 7:25

Yun te ka jiñaꞌa sava ka tee maa Jerusalén: ―¿A masu tee yaꞌa kuu tee ka ndanduku ja vi kaꞌni?

San Juan 7:31

Su visi ni saa, te kuaꞌa ñayiu ni ka kandija ya, te ka kachi: ―Nuu na kii Kristu, ia tetniuu Dios, te ¿a saꞌa ka ya tniuu naꞌnu saa nagua saꞌa tee yaꞌa? ―ka kachi.

San Juan 7:48

Te ¿a ndee tee ka tatnuni nuu ñuo axi ndee tee ka kuu fariseo ni ka kandija ña jin de?

San Juan 9:22

Te tnoꞌo yun ka jiñaꞌa tata de vi nana de, chi ka yuꞌu ña de jin tee ka kuu nijaꞌnu nuu ñayiu judio, chi ja ni ka ndatnoꞌo tnaꞌa tee yun ja vi skunu ña de nuu veꞌe ii sinagoga nuu ja ndee in ñayiu na ndakuni ja Jesús kuu ia ni tetniuu Dios.

Hechos 4:13

Yun te ni ka jini tee ka netniuu yun ja ka kaꞌan ndee ini ndevaꞌa Pedro vi Juan, te vi ni ka saꞌu kuii ini de ka nini de, chi ka jini de ja tee tu ni ka skuaꞌa guaꞌa ka kuu de vi tee ndaꞌu ka kuu de, te ni ka ndakuni ña de ja tee ni ka oo jin Jesús ka kuu de.

Filipenses 1:14

Te nuu ni ka jini ñanio vi kuaꞌo ja oo san vekaa yaꞌa, te kuaꞌi ni ka kundee ini nuu Jitoꞌo, te vi ni ini ni anui ni ka ndakani tnoꞌo vaꞌa ia Dios nuu ñayiu, te tu ni ka yuꞌi.