San Juan 7:18 - El Nuevo Testamento y unos libros del Antiguo Testamento

¹⁸ Chi na in kaꞌan tnoꞌo mai, te javaꞌa mai ndukui. Su na in nduku javaꞌa na in ni tetniuu ña, te tee yun kuu tee ndaa, te tu na tnoꞌo kueꞌe kaꞌan de.

San Juan 7:18 Iomraidhean Croise

Proverbios 25:27

Masu guaꞌa kuu ja kaa ndevaꞌo nduxi, te ni tu na jayiñuꞌu oo nuu ndukuo jayiñuꞌu mao.

San Mateo 6:9

Suaꞌa vi ndakuatu ni: Tata Dios ja oo ni andivi, ka chiñuꞌu san sivi ni, chi ia ii kuu ni.

San Juan 11:4

Te nuu ni jini Jesús tnoꞌo yun, te jiñaꞌa ya: ―Kueꞌe yaꞌa, chi masu kueꞌe ja kuu de kuu, chi saa nagua ja vi kuni ñayiu ja kaꞌnu ndevaꞌa kuu ia Dios, nagua ja jin kueꞌe yaꞌa, te suni xneꞌe Seꞌe Dios ja kuu kaꞌnu ya ―jiñaꞌa ya.

San Juan 12:28

Tata, xneꞌe ni maa ni ja ia kaꞌnu kuu ni ―jiñaꞌa ya. Yun te ni kenta in tnoꞌo ichi andivi ja kaꞌan: ―Ja ni xneꞌe rin ja kuu kaꞌnu rin, te xneꞌe tuku rin inka jichi ―jiñaꞌa ia Dios nuu tnoꞌo yun.

San Juan 12:43

Chi ka ndioo ka ini de ja vi saꞌa kaꞌnu ña ñayiu, masu ja saꞌa kaꞌnu ña maa ia Dios.

San Juan 5:41

’Sein, chi tu nduku san ja vi kaꞌan yiñuꞌu ñayiu ñuyiu jin san.

San Juan 8:54

Te jiñaꞌa Jesús: ―Nuu ja nduku san jayiñuꞌu maa san, te tu nagua jiniuꞌu saꞌun, chi maa Tata san saꞌa ja koo jayiñuꞌu nuu san, ia ka kaꞌan maa ni ja kuu Dios ni.

1 Tesalonicenses 2:6

Ni tu ka nduku san ja vi konee yiñuꞌu ñayiu nuu san, ni ja vi konee yiñuꞌu maa ni nuu san, ni ja vi konee yiñuꞌu inka ñayiu nuu san. Chi tu ka kaꞌan san ja vi koxnaꞌa ña san na in guaa kuu ja vi koxndiꞌni ña san, visi kuu vi kakan san, chi tee ni chitniuu ña Jesukristu ka kuu san.

1 Pedro 4:11

Te nuu ja kaꞌan ndee in ni, te kaꞌan ni tnoꞌo nagua kuini maa ia Dios, te nuu ja ndee in ni chituu tnaꞌa, te chituu ni ñayiu jin jandakui taa maa ia Dios, nagua ja jin ndiꞌi tniuu ka saꞌa ni na vi chiñuꞌu ñayiu ia Dios jin maꞌñu sagua Jesukristu, ia xiin nuu oo jayiñuꞌu vi jakaꞌnu ya ja tatnuni ya nikuii nikani. Saa na kokuu.

1 Juan 2:29

Chi nuu ka jini maa ni ja Jesukristu kuu ia ndaa, te suni vi jinkuiꞌnu ini ni ja ndiꞌi ñayiu ja ka saꞌa ndaa ka kuu ndija seꞌe maa ia Dios.