San Juan 7:17 - El Nuevo Testamento y unos libros del Antiguo Testamento

¹⁷ Te na in kuini ja saꞌa nagua kuini ia Dios, te kuni a nuu Dios vaji tnoꞌo kaxtnoꞌo san yaꞌa axi tnoꞌo kaꞌan ni maa san kuu.

San Juan 7:17 Iomraidhean Croise

Salmos 119:10

Te jin ndiꞌi san jin anu san ndanduku ña san jin ni, vi Dios, te ma kuandetu ni ja kujioo san nuu tnoꞌo tatnuni ni.

Salmos 25:12

Ñayiu ja yuꞌu niꞌnu Jitoꞌo, chi kaxtnoꞌo maa ya ja kaji na ichi kakai.

Salmos 25:14

Te kaꞌan vii kaꞌan vaꞌa ña Jitoꞌo jin ñayiu ka yuꞌu niꞌnu ña jin ya, te kaxtnoꞌo ya nui naxa oo tratu ni saꞌa ya.

Proverbios 28:5

Ñayiu kueꞌe, chi tu ka jinkuiꞌnu saꞌun ini ja vi saꞌa ndai. Su ñayiu ndanduku Jitoꞌo, chi ndiꞌi ni ja jinkuiꞌnu ini.

Proverbios 3:32

Chi kukini ini ña Jitoꞌo jin ñayiu kueꞌe ndevaꞌa, su junkuaan ini ya ja koo in ni ya jin ñayiu ndaa.

Daniel 12:10

Te kuaꞌa ñayiu vi yaꞌa nuu tnundoꞌo, te vi nduvii ja vi ndee vi nduyayai. Su ñayiu kueꞌe, chi vi kosaꞌa ni mai jakueꞌe, te ni in ñayiu kueꞌe yun, ma vi junkuiꞌnu ini. Su ñayiu ndichi, chi vi junkuiꞌnu ini.

Malaquías 4:2

“Su roon ja ka yuꞌu niꞌnu ña ron, chi yeꞌe nikandii nuu ron ja saꞌa ndaa, te nuu ndaꞌa nikandii yun vaji ja skaku niꞌnu ña, te kekuei ron te vi kanta ron ja ka kusii ini ron, na kuinio chikeru nuu kekuei ti korra ti.

San Mateo 6:22

’Nduchi nuu ni kuu in lámpara ja yeꞌe nii nuu yiki kuñu ni. Yun guaa nuu ja ka oo vaꞌa nduchi nuu ni, te yeꞌe nii nuu yiki kuñu ni.

San Lucas 8:15

Te ndikin tata ja ni junkuei nuu ñuꞌu guaꞌa ka kuu ñayiu ka kandija tnoꞌo ia Dios jin ndee ini ndee anui, te ka oo ini ja vi konini, te vi koyutnui nuu tnoꞌo ya ja vi xtutenui nuu sava ka ñayiu ―jiñaꞌa Jesús.

San Juan 3:21

Su ñayiu jika ndaa, chi kiui nuu yeꞌe niꞌnu ya, nagua ja tuu ndijin ja tniuu saꞌi yun vaji nuu ia Dios ―jiñaꞌa Jesús.

San Juan 8:43

¿Te nau ja tu ka jinkuiꞌnu ini ni nagua kaꞌan san? Saa, chi tu ka kuini ni vi konini ni tnoꞌo ja kaxtnoꞌo san.

San Juan 8:44

Chi tata maa ni kuu Tachi, te ka kuini ni vi saꞌa ni nagua junkuaan ini tata ni, chi in ja jaꞌni ndiyi kuu ndee jaxtnañuꞌu. Te tu oo jin tnoꞌo ndaa, chi tu na tnoꞌo ndaa oo nuu. Te nuu kaꞌan tnoꞌo ja xndaꞌu ña, te ja jaꞌa maa kaꞌan, chi jaxndaꞌu ña kuu, chi maa kuu yua ndiꞌi jaxndaꞌu ña.

San Juan 8:47

Chi na in kuu Seꞌe ia Dios, te nini tnoꞌo ya ndee ini ndee anui. Su maa ni, chi masu Seꞌe ia Dios ka kuu ni, yun guaa tu ka nini ni tnoꞌo ya ―jiñaꞌa ya.

Hechos 17:11

Te ñayiu judio ka oo ñuu yun, chi ñayiu vaꞌa ka ini ka kui saa ñayiu Tesalónica. Yun guaa vi ni ini ni anui ni ka onini tnoꞌo vaꞌa Jesús, te vi ndiꞌi kiuu ni ka ondiaꞌa guaguaꞌi nuu tutu ii, nagua ja vi kuni a jandaa ja saa kaꞌan nagua kaxtnoꞌo Pablo.