San Juan 6:68 - El Nuevo Testamento y unos libros del Antiguo Testamento

⁶⁸ Yun te jiñaꞌa Simón Pedro: ―Jitoꞌo, ¿na xiin nuu kiꞌinkuei san? Te maa ni guaa nevaꞌa tnoꞌo ja taa ja vi koteku san nikuii nikani.

San Juan 6:68 Iomraidhean Croise

Salmos 73:25

Te tu nagua nevaꞌa san andivi, chi maintnoꞌo maa ni, vi Dios. Te nuu ja oo san jin ni, te tu ndioo ka ini san nagua oo nuu ñuyiu yaꞌa.

San Mateo 16:16

Yun te jiñaꞌa Simón Pedro: ͏―͏Maa ni kuu Kristu, ia ni tetniuu Dios, vi Seꞌe ia Dios teku kuu ni ͏―͏jiñaꞌa de.

San Marcos 8:29

Yun te jiñaꞌa ya: ―Te maa ni, ¿naxa ka kaꞌan ni na in kuu san? Te jiñaꞌa Pedro: ―Maa ni kuu Kristu, ia ni tetniuu Dios ―jiñaꞌa de.

San Lucas 9:20

Te ni jikan tnoꞌo ña ya: ―Te maa ni, ¿naxa ka kaꞌan ni, na in kuu san? ―jiñaꞌa ya. Te jiñaꞌa Pedro: ―Maa ni kuu Kristu, ia ni tetniuu Dios ja skaku niꞌnu ni ñayiu ―jiñaꞌa de.

San Juan 12:49

Chi masu kaꞌan san nagua kuini maa san, chi maa Tata Dios, ia ni tetniuu ña jin san, kuu ia ni tatnuni na tnoꞌo kuu ja kaꞌan san, vi ja kaxtnoꞌo san nuu ñayiu.

San Juan 12:50

Te jini san ja tnoꞌo ja tatnuni Tata san kuu ja saꞌa ja vi koteku ñayiu nikuii nikani. Te yun guaa tnoꞌo ja kaꞌan san yaꞌa, chi kaꞌan san nagua tatnuni maa Tata san ―jiñaꞌa ya.

San Juan 17:8

Chi ni ndakani san nui ndiꞌi tnoꞌo ja ni kaꞌan ni nuu san, te ni ka jantaꞌui. Te ni ka jini ndai ja nuu maa ni ni kee ndija san vaji san, te ka kandijai ja maa ni ni tetniuu ña jin san.

San Juan 5:24

Te kaꞌan ndandaa ndija san ja na in nini tnoꞌo kaꞌan san, te kandijai ia ni tetniuu ña jin san, te kotekui nikuii nikani, te ma kotavi kuechi, chi yaꞌi ja kui, te kiꞌin ja kotekui.

San Juan 6:40

Te yaꞌa kuu ja kuini ia ni tetniuu ña jin san, ja ndiꞌi ñayiu ka jini ña jin san ja kuu san Seꞌe ya, te ka kandija ñai, vi niꞌi ja vi kotekui nikuii nikani, chi ndaxteku san jin kiuu sandiꞌi ―jiñaꞌa ya.

San Juan 6:63

Te Espíritu kuu ia taa ja tekuo, te yiki kuñuo, chi tu saꞌun nagua niꞌo jin. Te tnoꞌo ja ni kaꞌan san yaꞌa kuu tnoꞌo ja vaji nuu maa Espíritu ia Dios ja taa ja vi kotekuo nikuii nikani.

Hechos 13:26

’Tata ñani, maa ni ja ka kuu ni tatatnoꞌo Abraham, vi ndiꞌi ni ja ka oo ni yaꞌa ja ka yuꞌu niꞌnu ni ia Dios, nuu mao ni tetniuu ia Dios tnoꞌo ya ja naxa skaku niꞌnu ña ya.

Hechos 4:12

Chi tu na inka xiin sivi vi niꞌo ja vi kaku niꞌnuo, chi tu na inka sivi ni taa ia Dios nuu ñayiu ñuyiu ja kuu skaku niꞌnu ña jion ―jiñaꞌa Pedro.

Hechos 5:20

―Kuaꞌankuei veñuꞌu kaꞌnu, te vi ndakani ron nuu ñayiu ñuu ndiꞌi tnoꞌo ja kaxtnoꞌo ichi jaa nuu vi koteku ron nikuii nikani ―jiñaꞌa ya.

Hechos 7:38

Te suu Moisés yaꞌa kuu tee ja ni oo de jin ndiꞌi tnaꞌo Israel ja ni ka okututui nuu ñuꞌu teꞌa, jin ia jinokuechi nuu ia Dios ja ni okaꞌan ya nuu yuku Sinaí, nuu ndee ndi yuao. Te suu Moisés kuu tee ni niꞌi tnoꞌo teku nuu ia Dios, te ni ndasiaꞌa de nuo.

Hechos 8:37

Te jiñaꞌa Felipe: ―Nuu ja kandija ni ndiꞌi ni jin anu ni, te kuu kuandute ni. Te ni kaꞌan tee Etiopía yun: ―Kandija san ja Jesukristu kuu Seꞌe ia Dios.