San Juan 6:5 - El Nuevo Testamento y unos libros del Antiguo Testamento

⁵ Te nuu ni ndanenuu Jesús, te ni jini ya ja kuaꞌankuei kuakuaꞌa ñayiu nuu oo ya, te jiñaꞌa ya nuu Felipe: ―¿Ndenu vi niꞌo xtaa vi kiꞌon ja vi kaa ndiꞌi ñayiu yaꞌa? ―jiñaꞌa ya.

San Juan 6:5 Iomraidhean Croise

San Mateo 15:33

Yun te ka jiñaꞌa tee ka skuaꞌa jin ya: ͏―͏¿Su ndenu vi niꞌo xtaa ja vi kaa ñayiu yaꞌa? Te tu na veꞌe oo nuu ka oo yaꞌa, vi kuaꞌa ndevaꞌi ka kuu.

San Marcos 6:32

Yun te kuaꞌankuei maa ni Jesús jin tee ka skuaꞌa jin ya nuu in barco in nuu tu na ñayiu ka oo.

San Lucas 9:10

Nuu ni ka ndajiokuiin tee ni chitniuu Jesús, te ni ka ndakani de nuu ya ndiꞌi ja ni ka saꞌa de ñuu nuu ni jaꞌankuei de yun. Yun te ni keneꞌe siin Jesús ndi uxi uu de, te kuaꞌankuei ya jin de in nuu tu na veꞌe oo ja tnii ñuu Betsaida.

San Juan 1:43

Te inka kiuu tnee suaꞌa, te ni ndakani ini Jesús ja noꞌo ya Galilea, te yun ni ka junkuntnaꞌa ya jin Felipe, te jiñaꞌa ya: ―Kondikin ña ni na kiꞌinkueio.

San Juan 1:44

Te Felipe, chi in tee ñuu Betsaida kuu de, te in ni ñuu de jin Andrés vi Pedro.

San Juan 1:45

Ni ndanduku ña Felipe jin Natanael, te ni ndaniꞌi ña de, te jiñaꞌa de: ―Ni ka nukuꞌun san tee xiin jaꞌa ni tee Moisés nuu Ley, vi nagua ni ka kaꞌan tee ni ka ondakani tnoꞌo ia Dios ndee janaꞌa. Te suu de kuu Jesús, seyii José, tee ñuu Nazaret ―jiñaꞌa de.

San Juan 1:46

Yun te jiñaꞌa Natanael: ―¿A ndee ñuu Nazaret kee in jaguaꞌa? Te jiñaꞌa Felipe: ―Neꞌe ni te kuni ni.

San Juan 1:48

Te ni jikan tnoꞌo ña Natanael: ―¿Ndenu ni jini ña ni? Te jiñaꞌa Jesús: ―Ama ka ja kana ña Felipe, nuu oo ni nduꞌu in tnu tichi iuu, yun ni jini ña san ―jiñaꞌa ya.

San Juan 4:35

Chi ka kachi maa ni: “Jaꞌni ña kuun ka yoo ja vi ndaxtutuo ja ni ka jituo nuu ñundeꞌio”. Vatuka, su sein, chi kaꞌan san: “Vi ndanenuu ni te vi kondiaꞌa ni nuu ñundeꞌi ja vi vivii ja makuaan ja ka jitu ni ja vi ndaxtutu ni nuu ñuꞌu yun”.