San Juan 6:12 - El Nuevo Testamento y unos libros del Antiguo Testamento

¹² Te nuu ni ka ndutu chii ñayiu yun, te jiñaꞌa ya nuu tee ka skuaꞌa jin ya: ―Vi ndaxtutu ni yuꞌu xtaa ja ni ndoo yaꞌa nagua ja ma junaa ni joo luluu ―jiñaꞌa ya.

San Juan 6:12 Iomraidhean Croise

Proverbios 18:9

Te ñayiu kuꞌndu ja satniui vi ñayiu jinkuaan ini ja xnai nagua nevaꞌi, chi vi na ni kuinio ja in ni ñani ka kui.

San Lucas 1:53

Ni jiñaꞌa kuaꞌa ya ja vi kaa ñayiu ka jiꞌi soko, te saꞌa jioo ya ñayiu kuika kuaꞌin jin ndaꞌa iyui.

San Lucas 15:13

Su ndee saa ni kiuu, te ni xiko ndiꞌi suchi lule yun, te ni niꞌi xuꞌun ja kuaꞌin inka ñuu jika, te yun ni xnaa ndiꞌi xuꞌin jin janeꞌe jayichi ni saꞌi.

San Lucas 16:1

Yun te suni jiñaꞌa Jesús nuu tee ka skuaꞌa jin ya: ―Ni oo in tee kuika ni onevaꞌa de in tee jinokuechi ja kuu nijaꞌnu ndeka sava ka tee ka jinokuechi nuu de. Te ni jaꞌankuei tee ka jinokuechi yun, ni ka kaꞌan kuechi de ja ndevaꞌa xnaa tee kuu nijaꞌnu yun ndatniuu tee kuika yun.

San Lucas 9:17

Te ndiꞌi ñayiu ni ka jaa guaꞌa ndee ni ka ndutu chii, te ni ka ndaxtutu tee ka skuaꞌa jin ya, te ni ndachitu uxi uu chika yuꞌu xtaa ja ni kendoo yun.

San Juan 2:2

Te suni ni ka kaꞌan ña jin Jesús vi tee ka skuaꞌa jin ya ja vi koo ya nuu viko tnandaꞌa yun.