San Juan 5:36 - El Nuevo Testamento y unos libros del Antiguo Testamento

³⁶ Su sein, chi oo in ja xneꞌe kaji ka na in kuu san saa tnoꞌo ni ndakani Juan, chi tniuu ja ni taa maa Tata Dios ja skunkuu san kuu tniuu kaꞌnu ja saꞌa san yaꞌa. Te tniuu yaꞌa kuu ja ndakani ja jaꞌa san, ja maa Tata Dios kuu ia ni tetniuu ña jin san.

San Juan 5:36 Iomraidhean Croise

San Mateo 11:4

Yun te jiñaꞌa Jesús: ͏―͏Kuaꞌankuei ni te vi ndakani ni nuu Juan nagua ni ka jini ni ja saꞌa san vi na tnoꞌo ni ka onini ni.

San Lucas 2:49

Te jiñaꞌa Jesús: ―¿Nau ja ka ndanduku ña ni? ¿A tu ka jini ni ja nini kuu ja skunkuu san tniuu ja ni tatnuni tata yua san nuu san? ―jiñaꞌi.

San Juan 10:25

Te jiñaꞌa Jesús: ―Ja ni kaꞌan san nuu in in ni, te tu ni ka kandija ni. Su taka tniuu ja saꞌa san jin jakaꞌnu maa Tata san kuu ja xneꞌe kaji ja maa ya ni tetniuu ña jin san.

San Juan 11:37

Su sava kai, chi ka jiñaꞌi: ―Tee yaꞌa ja ni ndasaꞌa de nduchi nuu tee ni okuꞌu nuu yun, ¿a ma kuu suni saꞌa de ja ma kuu Lázaro nuu siun? ―ka kachi de.

San Juan 15:24

Chi nuu suaꞌa te tu ni saꞌa san tniuu naꞌnu neꞌu maa ñayiu, tniuu ja vi ni in tee tu na ama saꞌa de siun, te tu na yika kuechi vi kotavi ñayiu yun. Su vitna ja ni ka jini nui tniuu yaꞌa, te visi ni saa, te ka kaꞌan uꞌu ñai jin san vi suni ka kaꞌan uꞌui Tata san.

San Juan 17:4

Ja ni saꞌa kaꞌnu ña san jin ni nuu ñayiu ñuyiu, chi ja ni xndiꞌi san tniuu ni taa ni nuu san ja saꞌa san.

San Juan 2:23

Te nuu oo ya nuu viko pascua maa ñuu Jerusalén, te kuakuaꞌa ñayiu ni ka kandija ña jin ya nuu ni ka jini tniuu naꞌnu ni saꞌa ya.

San Juan 3:17

Chi tu ni tetniuu ia Dios Seꞌe ya ñuyiu ja xtavi kuechi ya ñayiu ñuyiu, chi ni tetniuu ña ya nagua ja vi kaku niꞌnu ñayiu ñuyiu jin maꞌñu sagua ya.

San Juan 3:2

Te in jakuaa ni jaꞌan de ni jinkoto de Jesús, te jiñaꞌa de: ―Mastru, ka jini san ja vaji ni nuu ia Dios ja kaxtnoꞌo ni, chi tu na in kuu saꞌa tniuu naꞌnu saꞌa ni yaꞌa nuu ja tu ia Dios oo jin ―jiñaꞌa de.

San Juan 4:34

Te jiñaꞌa Jesús: ―Ja kaa san kuu ja saꞌa san nagua kuini maa ia ni tetniuu ña jin san, te na xndiꞌi san tniuu ja ni tenuu ña ya.

San Juan 5:32

Su Dios kuu ia ndakani tnoꞌo ja jaꞌa san, te jini san ja ndakani ndaa ya tnoꞌo ja kaꞌan ya jin san.

Hechos 2:22

’Maa ni ja ka kuu ni tee Israel, vi konini ni tnoꞌo yaꞌa: Jesús, ia ni jaꞌnu Nazaret, kuu ia ni ndakuantnoꞌo Dios nuu ni xneꞌe ya javii javaꞌa ni saꞌa ya vi jakaꞌnu ya jin maꞌñu sagua Jesús neꞌu maa ni, nagua ja ka jini ni.

1 Juan 5:9

Te nuu ja ka jantaꞌuo tnoꞌo ja ka ndakani ndaa ñayiu, te kaꞌnu ka kuu ja vi kuantaꞌuo tnoꞌo ndakani maa ia Dios, chi yaꞌa kuu tnoꞌo ndaa ja ndakani ya ja jaꞌa Seꞌe ya.