San Juan 5:15 - El Nuevo Testamento y unos libros del Antiguo Testamento

¹⁵ Yun te ni jaꞌan tee yun, ni ndakani de nuu tee ka kuu nijaꞌnu nuu ñayiu judio ja Jesús kuu tee ni ndasaꞌa ña jin de.

San Juan 5:15 Iomraidhean Croise

San Marcos 1:45

Su tee yun, chi vi nuu ni ndee de kuaꞌan de, te ni jinkondee de ndakani de nuu ndiꞌi ñayiu naxa ni ndoꞌo de ja ni nduvaꞌa de. Te yun guaa ña ni kuu ka kiuu ndijin Jesús nuu ni in ka ñuu yun, chi chitu ndevaꞌa ñayiu nuu ya, te ni kee ya ni ojika ya nuu tu na ñayiu ka oo, su ni ojaꞌankuei ñayiu taka ñuu nuu oo ya.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 4:29

―Neꞌekuei ni te vi kuni ni in tee ja vi ni kaꞌan ndiꞌi de nagua ni osaꞌa san. ¿A masu tee yaꞌa kuu Kristu, ia tetniuu Dios? ―jiñaꞌa ña.

San Juan 5:10

Yun te ni ka kaꞌan tee ka kuu nijaꞌnu nuu ñayiu judio, te ka jiñaꞌa de nuu tee ni nduvaꞌa yun: ―Vitna kuu kiuu ndatatu, te oo ii ja kondiso ni jito ni ―ka jiñaꞌa de.

San Juan 5:12

Yun te ni ka jikan tnoꞌo ña de: ―¿Ndee tee kuu tee kaꞌan nuu ni ja ndakiꞌin ni jito ni, te kaka ni? ―ka jiñaꞌa de.

San Juan 5:16

Te yun guaa ni ka okaꞌan uꞌu ña de jin Jesús, te ni ka nduku ndee de ja vi kaꞌni ña de, chi siaꞌa ni osaꞌa ya kiuu ndatatu.

San Juan 5:18

Te yun guaa viꞌi ka ka nduku ndee tee ka kuu nijaꞌnu yun ja vi kaꞌni de Jesús, chi masu nani ja jisokava ya kiuu ndatatu, chi vi suni kaꞌan ya ja tata maa ya kuu ia Dios, te saꞌa inuu ya maa ya jin ia Dios.

San Juan 9:15

Te suni inka jichi ni ka jikan tnoꞌo ña tee ka kuu fariseo naxa ni kuu ja ni ndundijin nuu de. Te jiñaꞌa de: ―Ni skanuu de ndeꞌi nduchi nuu san, te ni ndakate san, te ni kuu ndiaꞌa san ―jiñaꞌa de.

San Juan 9:25

Yun te jiñaꞌa de: ―Tu jini san a tee saꞌa yika kuechi kuu de axi ñaꞌa, su ja jini san kuu ja ni okuꞌu nuu san, te vitna, chi ni ndundijin ―jiñaꞌa de.

San Juan 9:30

Te jiñaꞌa tee ni okuꞌu nuu yun: ―Tu yaꞌa guaa luu ndevaꞌa kaa, ja tu ka jini maa ni ndenu vaji de, su sein, chi ni ndasaꞌa de nduchi nuu san.

San Juan 9:34

Yun te ka jiñaꞌa de: ―Guaa ndee nuu ni kaku ni ja oo ni jin yika kuechi, ¿te a vaji ni ja kaxtnoꞌo ni nuu in in san? ―ka jiñaꞌa de. Te ni ka skunu ña de nuu veꞌe ii sinagoga.