San Juan 5:10 - El Nuevo Testamento y unos libros del Antiguo Testamento

¹⁰ Yun te ni ka kaꞌan tee ka kuu nijaꞌnu nuu ñayiu judio, te ka jiñaꞌa de nuu tee ni nduvaꞌa yun: ―Vitna kuu kiuu ndatatu, te oo ii ja kondiso ni jito ni ―ka jiñaꞌa de.

San Juan 5:10 Iomraidhean Croise

Isaías 58:13

Te nuu ja vi kuaan ii ron ja ma vi kaka ron kiuu ndatatu, te ma vi saꞌa ron nagua ka kuini maa ron kiuu ii rin, te vi xnani ron kiuu ndatatu ja kuu kiuu guaꞌa, kiuu ii maa Jitoꞌo, vi kiuu kaꞌnu, te vi koyiñuꞌu ron, te ma vi kaka ron nuu ichi maa ron, ni ma vi saꞌa ron nagua ka kuini maa ron, ni ma vi kaꞌan ron tnoꞌo ja tu jiniuꞌu,

San Mateo 12:10

Te yun oo in tee ni yichi ndaꞌa. Te ni ka jikan tnoꞌo ña tee ka kuu fariseo yun jin Jesús, nagua ja kuu vi kaꞌan kuechi de siki ya, te ka jiñaꞌa de: ͏―͏¿A tu oo ii ja ndasaꞌo in ñayiu kuꞌu kiuu ndatatu?

San Marcos 2:24

Yun te ka jiñaꞌa tee ka kuu fariseo nuu ya: ―Kondiaꞌa ni, ¿nau ja ka saꞌa tee ka skuaꞌa jin ni in ja oo ii ja ma kuu saꞌo kiuu ndatatu? ―ka jiñaꞌa de.

San Marcos 3:4

Te ni jikan tnoꞌo ña ya jin sava ka de: ―¿Naxa kaꞌan Ley nagua kuu ja kuu vi saꞌo kiuu ndatatu? ¿A ja vi saꞌo javaꞌa axi jakueꞌe? ¿A ja vi skaku niꞌnuo in ñayiu axi ja vi kaꞌnio jin? ―jiñaꞌa ya. Su maa de, chi tu ni ka kaꞌan saꞌun de.

San Lucas 13:14

Su ni kiti ini tee kuu nijaꞌnu nuu veꞌe ii sinagoga yun ja siun ni ndasaꞌa Jesús ñaꞌa yun kiuu ndatatu, te jiñaꞌa de nuu ñayiu ka oo yun: ―Iñu kiuu ka nevaꞌo ja vi satniuo, te kiuu yun kikuei ni ja vi kutatna ni. Su kiuu ndatatu, chi ma kuu ―jiñaꞌa de.

San Lucas 23:56

Yun te ni ka ndajiokuiin ña veꞌe ña, te ni ka saꞌa tuaꞌa ña tatna xiko asin ja vi koso ña nuu yiki kuñu Jesús. Su ni ka jaan ii ña kiuu ndatatu, nagua tatnuni nuu Ley Moisés.

San Lucas 6:2

Te ka jiñaꞌa sava tee ka kuu fariseo: ―¿Nau ja ka saꞌa ni tniuu? Te oo ii ja saꞌo kiuu ndatatu ―ka jiñaꞌa de.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 5:11

Te jiñaꞌa tee ni nduvaꞌa yun: ―Tee ni ndasaꞌa ña kuu tee kachi: “Ndakiꞌin ni jito ni, te kaka ni”.

San Juan 5:15

Yun te ni jaꞌan tee yun, ni ndakani de nuu tee ka kuu nijaꞌnu nuu ñayiu judio ja Jesús kuu tee ni ndasaꞌa ña jin de.

San Juan 5:16

Te yun guaa ni ka okaꞌan uꞌu ña de jin Jesús, te ni ka nduku ndee de ja vi kaꞌni ña de, chi siaꞌa ni osaꞌa ya kiuu ndatatu.

San Juan 7:23

Chi nuu ja ka chitnuni ni nuu yiki kuñu in seyii ni kiuu ndatatu, nagua ja ma vi kuiso kava ni Ley Moisés, ¿te nau ja ka kiti ini ni nuu san ja ni ndasavaꞌa san in tee kiuu ndatatu?

San Juan 9:16

Yun te ka kachi sava tee fariseo: ―Tee yun chi masu nuu Dios vaji de, chi tu jaan ii de kiuu ndatatu ―ka kachi de. Te sava de ka jiñaꞌa: ―¿Naxa kuu saꞌa in tee saꞌa yika kuechi in tniuu kaꞌnu yun? ―ka kachi de. Te tu ni ka junkuaan nuu tnaꞌa ini de.