San Juan 4:23 - El Nuevo Testamento y unos libros del Antiguo Testamento

²³ Su ja vaji ore te vitna kuu nuu vi chiñuꞌu ndaa ndija ñayiu Tata Dios jin Espíritu ya, chi suni nduku Tata Dios ñayiu ja vi ndee ini ndee anui vi chiñuꞌi ya.

San Juan 4:23 Iomraidhean Croise

Salmos 147:11

Chi ja junkuaan ini ya kuu ja vi koyuꞌu niꞌnu ña ñayiu jin ya, vi ñayiu ka ndetu kaꞌnu ja kundaꞌu ini ña ya jin.

Salmos 17:1

Konini ni joo tnoꞌo ja jikantaꞌu san nuu ni, vi Jitoꞌo, te saꞌa ndaa ni ja jaꞌa san, te tanuu ni joo tnoꞌo ja kana san nuu ni. Konini ni tnoꞌo ja ndakuatu san, chi tnoꞌo ndaa kaꞌan san, te masu xndaꞌu ña san.

Salmos 32:2

Na taꞌu na ndetu tee ja tu xtavi ña ia Dios jin yika kuechi de, vi tu na tnoꞌo xndaꞌu ña oo ini anu de.

Salmos 51:6

Te jandaa ja kutoo ni ñayiu oo tnoꞌo ndaa ini anui, te yun guaa ndee ini anu san kaxtnoꞌo ni tnoꞌo ndichi nuu san.

Proverbios 15:8

Skexiko Jitoꞌo ja ka soko ñayiu kueꞌe, su junkuaan ini ya nuu ka ndakuatu ñayiu ndaa.

Isaías 43:21

Chi ni saꞌa rin ñayiu ñuu yaꞌa ja vi kokui ñayiu maa rin, nagua ja vi kokaꞌin ja ia kaꞌnu ndevaꞌa kuu maa rin.

Isaías 58:2

Chi in kiuu in kiuu ka ndanduku ñai jin rin, te ka kuini ja vi kuni ichi rin, na kuinio ñayiu ñuu ja ka saꞌa ndaa, te tu ka xndendoi tnoꞌo tatnuni rin, te ka jikain ja na saꞌa ndaa rin, te ka kusii ini ja vi koo yatni nuu rin.

San Juan 1:17

Chi jin maꞌñu sagua Moisés vaji Ley ia Dios, su ja kaꞌan ndaꞌu kaꞌan kee ña ya vi jandaa vaji jin maꞌñu sagua maa Jesukristu.

San Juan 12:23

Yun te jiñaꞌa Jesús: ―Ja ni kenta maa kiuu ja ndukaꞌnu Seꞌe Teyii.

San Juan 16:2

Chi vi skunu ña jin ni nuu veꞌe ii sinagoga. Te kenta kiuu ja nani kuu ñayiu ja vi kaꞌni ña jin ni, vi ndakani ini ja tniuu guaꞌa ka saꞌi nuu ia Dios.

San Juan 16:32

Te vaji kiuu, su vitna te ja ni kenta kiuu yun, ja vi kutenuu ni ichi mamaa ni, te vi xndendoo maintnoꞌo ni ña ni jin san. Su masu kendoo maintnoꞌo san, chi oo san jin Tata san.

San Juan 4:21

Te jiñaꞌa Jesús: ―Kandija ni, vi kuaꞌa, ja ja vaji ore ja vi chiñuꞌu maa ni Tata Dios, su ma kokuu nuu yuku yaꞌa ni Jerusalén.

San Juan 5:25

Te kaꞌan ndandaa ndija san ja vaji ore, te vitna kuu nuu vi konini ñayiu ja ka kuu na kuinio ndiyi tnoꞌo kaꞌan san ja kuu san Seꞌe ia Dios, te na ñayiu nini jin ndee ini ndee anui, te kotekui.

San Juan 5:28

Te ma vi saꞌu kuii ini ni jin tnoꞌo yaꞌa, chi kenta ore nuu ndiꞌi ndiyi ja ka oo yau ñaña vi konini tnoꞌo kaꞌan san.

Romanos 1:9

Chi testiu kuu maa Dios, ia xiin nuu jinokuechi san, ja vi ni ini ni anu san ndakani san tnoꞌo vaꞌa Seꞌe ya, te siun ni jikantaꞌu san ja jaꞌa ndiꞌi ni nuu ndakuatu san.

Romanos 8:15

Chi Espíritu ja ni ka niꞌi ni nuu ia Dios, masu in espíritu ja jaka ña ja vi kunukuechi tuku ni nuu vi kuu ni, ja vi koyuꞌu ni, chi Espíritu saꞌa ja ndakuanseꞌe ña ia Dios jion kuu, te suu saꞌa ja vi kana jao nuu ya: “Tata yua san kuu ni”.

Romanos 8:26

Te saa ni maa Espíritu ia Dios, chi suni chituu ña ya jion nuu ka skuitao mao, chi tu ka jinio naxa vi kaꞌon vi nagua vi kakaon nuu ka ndakuatuo. Su maa Espíritu kaꞌan niꞌnu ja jaꞌo nuu ia Dios, te vi tnana ndaꞌu ya nuu ia Dios ja vi ma niꞌo naxa kaꞌon.

Gálatas 4:6

Te ja siun seꞌe ia Dios ka kuo, guaa ni tetniuu ya Espíritu Seꞌe ya ja oo ini anuo, te Espíritu kana jaa: “¡Tata, tata yua maa san kuu ni!”

Efesios 6:18

Te siun ni vi kondakuatu ni, te vi kokakantaꞌu ni nuu ia Dios jin maꞌñu sagua Espíritu ya, te vi koo tuaꞌa ni, ma vi kusun ini ni, te siun ni vi kokakantaꞌu ni ja jaꞌa ndiꞌi ñayiu maa ia Dios.

Filipenses 3:3

Chi mao ka kuu ñayiu ja ka yitnuni ndija ini anuo, chi ka jinokuechio nuu ia Dios jin maꞌñu sagua Espíritu ya, te ka kusii inio ja ka oo jin Jesukristu. Te tu ka kandijao ja vi koo guaꞌo nuu ia Dios jin naxa ka oo jin yiki kuñuo.

1 Pedro 2:9

Te maa ni, chi ñayiu tatatnoꞌo maa ia Dios ka kuu ni, chi ni ndakaji ña ya jin ni. Te ka kuu ni sutu ja ka jinokuechi ni nuu maa ya ja kuu ya rey. Te ka kuu ni in ñuu vii, in ñuu ja ni niꞌi ya ja ka kuu ni ñayiu maa ya, nagua ja vi ndakani ni ndiꞌi javii javaꞌa saꞌa ya, ia ni ndakana ña ja ni ndekuei ni nuu ichi nee, te ni ndiukuei ni nuu ichi ja yeꞌe niꞌnu maa ya.