San Juan 4:22 - El Nuevo Testamento y unos libros del Antiguo Testamento

²² Maa ni, chi ka chiñuꞌu ni ia tu ka jini ni. Su sein, chi ka chiñuꞌu san ia ka jini san, chi neꞌu ñayiu judio vaji ia skaku niꞌnu ña.

San Juan 4:22 Iomraidhean Croise

Génesis 49:10

Te tu na in kindee seyu Judá nuu mesa ja tatnuni de, ni vara ii tee netniuu, vi guaa ndee na ndenta maa tee xiin kuenta yun. Te nuu maa de guaa vi kandija ñayiu ñuu te vi ndututui ja vi chiñuꞌu ñai.

Salmos 147:19

Te ni xneꞌe ia Dios tnoꞌo ya nuu ndikin tata Jacob, vi ni jiñaꞌa ya tnoꞌo tatnuni ya vi tnoꞌo kaxtnoꞌo ya nuu ñayiu Israel.

Salmos 68:20

Te maa ya kuu ia Dios mao, ia skaku niꞌnu ña, te maa Jitoꞌo kuu ia ndatau ña ja ma vi kuo.

Isaías 46:13

Te saꞌa rin ja kuyatni ja sandaa rin, te ma kuu jika. Te ma kokuu kuee ja skaku niꞌnu rin ñayiu ñuu rin. Te saꞌa rin ja vi kaku niꞌnu ñayiu ñuu Sión, te koo jayiñuꞌu rin nuu ñayiu Israel.”

Zacarías 9:9

Vi kokuu sii ini ndevaꞌa ron, ñayiu Sión, te vi kana jaa ron ñayiu Jerusalén ja ka kusii ini ron. Vi kondiaꞌa ja vaji tee kuu rey ron nuu ka oo ron, te kuu de in tee ndaa, in tee kundee, te saꞌa ndaꞌu de maa de. Yoso de in mentu, in mentu luluu, seꞌe mentu siꞌi kiti jiso.

San Lucas 24:47

Te na vi kejaꞌa ñayiu vi kaxtnoꞌi tnoꞌo rin ndee Jerusalén, te vi saa kutenuu ninii ñuyiu, nagua ja vi ndatnaꞌu ini ñayiu nuu jakueꞌe ka saꞌi, te konekaꞌnu ini ia Dios yika kuechi ñayiu yun.

Hechos 17:23

Chi nuu jiondita san ñuu yaꞌa, te ni jini san nuu ka oo chuꞌchi ka chiñuꞌu ni, te suni ni junkuꞌun san in altar nuu ndee letra kaꞌan suaꞌa: “Nuu dios ja tu ka jinio”. Te Dios ja tu ka jini ni, te ka chiñuꞌu ni, kuu ia vaji san kaxtnoꞌo san.

Hechos 17:30

Su ia Dios, chi ni jakaꞌnu ini ya ja ka osaꞌa ñayiu ama ka, chi tu ni ka ojini nagua ni ka osaꞌi. Su vitna tatnuni ya ja vi ndatnaꞌu ini ndiꞌi ñayiu ndiꞌi ñuu, te kiukuei ichi ya.

Hechos 3:26

Te nuu ni ndaxteku ña Dios jin seꞌe ya, te ni tetniuu ña ya xtnañuꞌu ka nuu ndiꞌi ni ja na saꞌa ña ya javii javaꞌa, nagua ja ndasama ña ya jin jakueꞌe ni ka osaꞌa in in ni ―jiñaꞌa Pedro.

Romanos 11:18

Su ma vi saꞌa teyii ni maa ni nuu ñayiu Israel, ja ka kui na kuinio ndaꞌa yutnu ni teꞌnde. Su nuu ja ka saꞌa teyii ni, te vi konaꞌa ni ja masu maa ni ka xteku yoꞌo yutnu yun, chi maa yoꞌo tnu yun xteku ña jin in in ni.

Hebreos 7:14

Chi ka jini ndiꞌi ñayiu ja Jitoꞌo, chi vaji ya nuu tatatnoꞌo Judá, te siki tatatnoꞌo yaꞌa, tu ni kaꞌan saꞌun Moisés nuu ni kaꞌan de na in vi kokuu sutu.