San Juan 4:10 - El Nuevo Testamento y unos libros del Antiguo Testamento

¹⁰ Yun te jiñaꞌa Jesús: ―Nuu ja suaꞌa te kuni ni ja skutaꞌu ña ia Dios, te na in kuu tee ja kachi nuu ni: “Kuni mani ña ni joo ndute ni na koꞌo san”, te kakan maa ni ndute nuu san, te taa san ndute taa ja koteku ni ―jiñaꞌa ya.

San Juan 4:10 Iomraidhean Croise

Salmos 10:17

Nini maa ni, vi Jitoꞌo san, tnoꞌo ka kaꞌan ñayiu ndaꞌu nuu ka ndakuatui nuu ni, te ndakuñaꞌa maa ni tnoꞌo ndee ini, vi konini guaꞌa ni nuu ka jikantaꞌui nuu ni.

Salmos 46:4

Te oo in yute ja jiñaꞌa jasii ini nuu ñayiu ñuu maa ia Dios, te yaꞌa ndute yun nuu ii, nuu oo maa ia kaꞌnu ndevaꞌa.

Éxodo 17:6

Te ja koo maa rin kondetu ña rin siki kava oo yuku Horeb, te kani ron yika kava yun, te kee ndute kava yun, nagua ja vi koꞌo ñayiu ñuu yaꞌa ―jiñaꞌa ya. Te saa ni saꞌa Moisés jin nuu tee ka kuu nijaꞌnu nuu ñayiu Israel.

Isaías 42:6

“Maa rin kuu Jitoꞌo, te ni kana ña rin ja saꞌa ndaa ron, te kotnii guaꞌa rin ndaꞌa ron ja ma ndonso ron, te kokoto guaꞌa ña rin jin ron, chi jin maꞌñu sagua maa ron saꞌa rin in tratu jin ñayiu ñuu rin, na kuinio ñuꞌu ja koyeꞌe ron nuu ndiꞌi ñayiu ñuyiu,

Isaías 43:20

Te vi chiñuꞌu ña kiti yuku vi ndivaꞌu vi chiukun-maa, chi kuñaꞌa rin ndute vi koꞌo ti nuu ñuꞌu teꞌa vi yute nuu ñuꞌu yichi, nagua ja kuñaꞌa rin ndute vi koꞌo ñayiu ñuu ni kaji maa rin.

Isaías 44:3

Chi skuun rin sau nuu ñuꞌu teꞌa, vi koo in yute nuu ñuꞌu yichi, te tetniuu rin Espíritu rin nuu ndikin tata ron, vi javii javaꞌa rin nuu seꞌe ron ja vi ndandixin nuu kuee ka.

Isaías 49:10

Te ma vi kokokin ron, ni ma vi koyichi ron, te ni ma koo iꞌni, ni ma teñuꞌu ña nikandii, chi kondeka ña maa ia kundaꞌu ini ña jin ron, te kiꞌinkuei ron nuu kee ndute.

Zacarías 13:1

’Te kiuu yun koo in nuu ndute nagua ja yun vi ndakate ndikin tata David vi ñayiu Jerusalén, mai ja vi ndundoo yika kuechi vi jatneꞌe ka oo jin.

Zacarías 14:8

Te kiuu yun, chi jinonta ndute taa ja tekuo ndee maa Jerusalén, te kokaka ni ndute yun yoo vijin vi yoo iꞌni, te sava de kiꞌin nuu mar ja oo ichi nuu kee nikandii, te sava ka de kiꞌin nuu mar ja oo ichi nuu jinonta nikandii.

San Lucas 11:13

Su nuu ja maa ni ja ka kuu ni ñayiu kueꞌe, te ka jini ni vi kuñaꞌa ni jaguaꞌa nuu seꞌe ni, te viꞌi ka tu maa Tata Dios oo ndee andivi, chi taa ya Espíritu maa ya nuu ja na vi kakan ni ―jiñaꞌa Jesús.

San Juan 16:3

Te saa vi saꞌi, chi tu ka jini saꞌuin Tata Dios, te ni tu ka jini ñai jin san.

San Juan 17:3

Te ja vi kotekui nikuii nikani kuu nuu vi kuni ñai jin ni, ja maa ni kuu invaa ia Dios ndaa, te suni vi kuni ñai jin san ja kuu san Jesukristu, ia ni tetniuu maa ni.

San Juan 3:16

’Chi ni kutoo ndevaꞌa ña ia Dios jin ñayiu ñuyiu, yun guaa ni jiñaꞌa ya invaa Seꞌe ya, nagua ja ndiꞌi ñayiu ka kandija ña jin ya ma vi junai, chi vi niꞌi ja vi kotekui nikuii nikani.

San Juan 4:14

Su ndia ñayiu vi koꞌo ndute ja kuñaꞌa maa san, chi ma vi koyichi kai, chi saa suaꞌa ndute ja kuñaꞌa san yun junkoo in nuu kaꞌnu de ini anu ñayiu, te jinonta nuu de ja koxteku ña de nikuii nikani ―jiñaꞌa ya.

San Juan 6:35

Te jiñaꞌa Jesús: ―Maa san kuu xtaa ja taa ja teku. Te na in kikuei ja vi koo jin san, te ma vi kokokin saꞌun kai, te na in kandija ña jin san, te ma koyichi saꞌun kai.

San Juan 6:51

Maa san kuu xtaa taa ja teku ja makuun ndee andivi, te na ñayiu kaa xtaa yaꞌa, te kotekui nikuii nikani. Te xtaa ja kuñaꞌa san kuu yiki kuñu san, te kuñaꞌa san nagua ja vi koteku ñayiu ñuyiu ―jiñaꞌa ya.

Hechos 9:11

Te jiñaꞌa Jitoꞌo: ―Ndakoo te kuaꞌan kayi nani Ichi Ndaa, veꞌe Judas, te yun ndanduku ron in tee nani Saulo, tee ñuu Tarso, chi yun oo de ndakuatu de.

Romanos 8:32

Chi nuu ja Dios, tu ni kuxii ya Seꞌe maa ya, chi ni soko ña ya ja ni jiꞌi ja jaꞌa ndiꞌo. Te ja ni taa ya Seꞌe ya, te suni saa ni taa ya ndiꞌi taka ja ka jaꞌni ña jion.

1 Corintios 1:30

Su maa ia Dios ni saꞌa ja ka oo ni jin Jesukristu, te suni ni saꞌa ya ja nuu Jesukristu vi niꞌo tnoꞌo ndichi. Te ni saꞌa ya ja tu na kuechi ka tavi kao nuu ya, te ka ovio nuu ya, te ni ndatau ña ya nuu yika kuechio.

1 Corintios 10:4

Te suni ndiꞌi ni ka jiꞌi ndute ja ni jiñaꞌa maa ia Dios, chi ni ka jiꞌi ndute ni kee yika kava ja ni jiñaꞌa ya ja ni ka jiondita jin, te kava yun kuu maa Jesukristu.

2 Corintios 9:15

Te na vi ndakuantaꞌuo nuu ia Dios ja ni skutaꞌu ña ya in jakaꞌnu ndevaꞌa ja vini ma vi niꞌo na tnoꞌo vi kaꞌon ja vi ndakuantaꞌuo nuu ya.

Efesios 2:8

Chi ni kaꞌan ndaꞌu ni kaꞌan kee ña ia Dios jion, ja ni skaku niꞌnu ña ya jin maꞌñu sagua ja ka kandijao. Te masu in ja vaji nuu mao kuu, chi in javaꞌa ja ni skutaꞌu ña ia Dios kuu.

Hebreos 6:4

Chi ka oo ñayiu ja ni ka yeꞌe nui ja ni ka jini tnoꞌo ia Dios, te ni ka junkuaan ini javii javaꞌa ni jiñaꞌa ya, vi ni ka niꞌi Espíritu ya.

1 Juan 5:20

Su ka jinio ja ni kii Seꞌe maa Dios, te ni taa ya ja ni ka jinkuiꞌnu inio, nagua ja vi kunio ia Dios ndaa. Te ka oo jin ia ndaa, ja kuu maa Seꞌe ya Jesukristu. Te ia yaꞌa kuu Dios ndandaa ja taa ya ja vi kotekuo nikuii nikani.

El Apocalipsis 21:6

Yun te kachi ka ya: ―Ja ni jino ndiꞌi. Te maa rin kuu jaxtnañuꞌu vi jasandiꞌi, ja ni skejaꞌa vi jaxndiꞌi. Te na ñayiu yichi, te suaꞌa ni kuñaꞌa uun rin ndute ja kee yaꞌa koꞌi, te kotekui nikuii nikani.

El Apocalipsis 22:17

Te Espíritu ia Dios vi ñayiu maa ya ka kui na kuinio suchi siꞌi ja vi tnandaꞌa jin Lelu ya ka kachi: ―Neꞌe ni. Te na ñayiu nini tnoꞌo yaꞌa na kaꞌin: ―Neꞌe ni. Te na ñayiu yichi, te kuini ja koꞌi ndute, na kiꞌin nuu ya, te suaꞌa ni niꞌi uin ndute koꞌi, te kotekui nikuii nikani.

El Apocalipsis 7:17

Chi koto ña maa Lelu Dios, ia oo maꞌñu nuu oo mesa nuu tatnuni Dios, nagua jito in ñayiu ndikachi. Te kondeka ña maa ya jin ja kiꞌinkuei nuu kee ndute teku. Te ndasichi maa ia Dios ndiꞌi ndute nui ―kachi ia kuu nijaꞌnu yun.