San Juan 3:30 - El Nuevo Testamento y unos libros del Antiguo Testamento

³⁰ Chi nini kuu ja kuu kaꞌnu ya, te nduu lule sein.

San Juan 3:30 Iomraidhean Croise

Isaías 53:12

Te yun kuu ja kuñaꞌa rin kuaꞌa ja saꞌa jajin de nuu ka oo tee ka kuu naꞌnu, te vi ndakaꞌnde de ja ni ka niꞌi de jin tee inu ndakui, chi ni soko de maa de vi ndee ni jiꞌi de, te ni oo de neꞌu tee ka saꞌa jakueꞌe, te ni jiso siki maa de yika kuechi kuaꞌa ñayiu, vi ni kaꞌan niꞌnu de ja jaꞌa ñayiu ka saꞌa yika kuechi.

San Juan 3:29

Chi nuu ka saꞌa ñayiu in viko tnandaꞌa, te na in oo jin ñasiꞌi yun kuu maa tee tnandaꞌa, te amigo de, chi vi xiin tee tnandaꞌa yun oo de, te nuu nini de tnoꞌo kaꞌan tee tnandaꞌa yun, te kusii ndevaꞌa ini de. Te suni saa ni sein, chi kusii ndevaꞌa ini san nini san tnoꞌo kaꞌan ya.

San Juan 3:31

’Chi na in vaji ndee sukun, te suu kuu kaꞌnu ka nuu ndiꞌi ja oo nuu ñuyiu. Te ñayiu ñuyiu, chi ñuyiu yaꞌa oi, te ninoꞌo ni tnoꞌo ñuyiu kaꞌin, su ia vaji ndee andivi, chi kuu kaꞌnu ka ya nuu ndiꞌi tuꞌu.

1 Corintios 3:5

Chi ¿na in kuu Pablo axi na in kuu Apolos? Te maa ni tee ka jinokuechi nuu ia Dios ka kuu san, te jin maꞌñu sagua nduu san ni ka kandija ni Jitoꞌo. Te in in san ni ka saꞌa san na kuu na kuu na tniuu ni tenuu ña maa Jitoꞌo.

Colosenses 1:18

Te Seꞌe ya kuu yiki xini in yiki kuñu ja ka kuu ñayiu ka skuaꞌa ja ka kui veñuꞌu maa ya. Te suu Seꞌe ya kuu ia kaꞌnu ka ja ni ndateku xtnañuꞌu ya neꞌu ndiyi, te yun guaa maa ya kuu ia kaꞌnu ka nuu ndiꞌi.

El Apocalipsis 11:15

Yun te ni xndaꞌi ia kuu uja trompeta ya. Te ni ka kaꞌan jaa ichi andivi, te ka kachi: Ndiꞌi ñuu nuu ni ka otatnuni ñayiu ñuyiu, ndayaꞌa ndaꞌa maa Jitoꞌo Dios jin Kristu, ia ni tetniuu ya. Te maa ya guaa kotatnuni nikuii nikani. Ka kachi.