San Juan 3:3 - El Nuevo Testamento y unos libros del Antiguo Testamento

³ Yun te jiñaꞌa Jesús: ―Kaꞌan ndandaa ndija san ja ni in ñayiu ma kuu kiukuei nuu tatnuni ia Dios nuu ja ma vi ndakaku jai ―jiñaꞌa ya.

San Juan 3:3 Iomraidhean Croise

San Mateo 16:17

Yun te jiñaꞌa Jesús: ͏―͏Na taꞌu na ndetu ni, vi Simón seꞌe Jonás, chi ni in ñayiu tu na in ni ndaxtuu nuu ni, chi maintnoꞌo maa Tata Dios san, ia oo ndee andivi, kuu ia ni ndaskuni ña jin ni.

San Mateo 19:24

Te kaꞌan tuku san inka jichi ja ñama ka kiuu in cameyu yau in yiki tiku, saa ja kiuu in ñayiu kuika nuu tatnuni ia Dios.

San Mateo 21:31

¿Te ndee suchi yaꞌa ni saꞌa nagua kuini tatai? ͏―͏jiñaꞌa ya. Te ka jiñaꞌa tee yun: ͏―͏Suchi xtnañuꞌu yun. Yun te jiñaꞌa Jesús: ͏―͏Kaꞌan ndaa ndija san ja tee ka xtutu xuꞌun impuestu vi ñasiꞌi ka xiko maa, ka kuu ja kiukuei xna ka nuu tatnuni ia Dios saa in in maa ni.

San Mateo 5:18

Vi kaꞌan ndandaa san ja visi na naa ñuyiu yaꞌa vi andivi, su ni in puntu ni in letra ja yoso nuu Ley ma naa guaa ndee ndikuiti skunkuu.

San Marcos 10:14

Te nuu ni jini Jesús, te ni kiti ini ya, te jiñaꞌa ya: ―Vi kuandetu ni na kikuei maa suchi kueli jian nuu san, te ma vi kasi niꞌnu ni ja kikuei, chi nuu tatnuni ia Dios kuu nuu vi koo ñayiu ka kuu na kuinio suchi kueli yaꞌa.

San Marcos 9:47

Te nuu ja nduchi nuu ni saꞌa ja kanakau ni nuu kuechi, te tau ni, chi guaꞌa ka kuu ja kiuu ni nuu tatnuni ia Dios jin invaa ni nduchi nuu ni, masu ja koo vaꞌa nduu nduchi nuu ni, te kiꞌin ni nuu andeya,

San Juan 1:13

Te masu seꞌe teyii jin niñi xikui nuu ni tnaꞌa jin in ñasiꞌi ka kui, ni masu ka kui in seꞌe nagua kaꞌan maa teyii, chi maa ia Dios ni saꞌa ja ka kui seꞌe maa ya.

San Juan 1:5

Te maa ya kuu ñuꞌu ja yeꞌe niꞌnu nuu janee, te tu ni kundee ja oo ñunee yun ja ndaꞌva ñuꞌu ja yeꞌe niꞌnu.

San Juan 1:51

Te jiñaꞌa ka ya: ―Kaꞌan ndandaa san ja vitna jin kiuu kuaꞌon yun, vi kuni ni ja nune andivi, te makunkuei vi mandakuei ia ka jinokuechi nuu maa ia Dios nuu oo san ja kuu san Seꞌe Teyii ―jiñaꞌa ya.

San Juan 12:40

Ni jasi ia Dios nduchi nui, te ni ka kundee ndevaꞌa ini anui, nagua ja ma vi kuni jin nduchi nui, ni ma vi jinkuiꞌnu ini ja vi ndasamai mai, te vi kiundui nuu ya, te ndasaꞌa ya ndee ini ndee anui kaꞌan nuu tutu ii.

San Juan 3:4

Te jiñaꞌa Nicodemo: ―¿Naxa kuu ndakaku in tee nuu ja makunijaꞌnu de? ¿A kuu ndee de inka jichi chii siꞌi de, te ndakaku de inka jichi? ―jiñaꞌa de.

2 Corintios 4:4

Te tu ka kandijai, chi chuꞌchi ñuyiu yaꞌa ni jasi jajintnuni, nagua ja ma vi kuni ja vi yeꞌe tajan tnoꞌo vaꞌa Jesukristu, ia kaa nagua oo nagua kaa maa ia Dios.

2 Corintios 5:17

Yun guaa nuu ja in ñayiu oo jin Kristu, te ni ndui ñayiu jaa, chi ndiꞌi ja tuꞌu ni osaꞌi yun ja ni yaꞌa, te ndiꞌi ni ndujaa vitna.

Gálatas 6:15

Chi nuu ja ka oo jin Jesukristu, te tu nagua jiniuꞌu a ka yitnuni nuu yiki kuñuo axi tu ka yitnuni, chi ja jiniuꞌu kuu ja na vi nduo in ñayiu jaa.

Efesios 2:1

Ni taa ia Dios ja ka teku ni, nuu ni ka okuu ni na kuinio ndiyi jin jakueꞌe ni ka osaꞌa ni vi jin yika kuechi ni,

Tito 3:5

te ni skaku niꞌnu ña ya, su masu ja ka saꞌa yoon tniuu guaꞌa, chi ja ni kundaꞌu ini ña ya jin maꞌñu sagua ja ni ndasavii ña ya jion nuu yika kuechio nuu ni ndaskaku jaa ña Espíritu maa ya, te ni ka nduo ñayiu jaa.

Santiago 3:17

Su tnoꞌo ndichi ja vaji ndee sukun nuu ia Dios, chi saꞌa ja ñayiu xtnañuꞌu ka ka nduvii anui, yun te ka kui ñayiu mani ini, vi ñayiu vaꞌa ini, vi ñayiu tu niꞌi ini, vi ñayiu kundaꞌu ini in ñani in tnaꞌi, vi saꞌi tniuu guaꞌa, vi tu saꞌa siin siin ñayiu, te ni ma xndaꞌu ñai.

1 Pedro 1:3

Te na vi ndakuantaꞌuo nuu Dios, ia kuu tata yua Jitoꞌo Jesukristu, chi ni kundaꞌu ndevaꞌa ini ña ya, te yun guaa ni saꞌa ya ja na kuinio ni ka ndakaku jao jin maꞌñu sagua ja ni ndateku Jesukristu neꞌu ndiyi. Te yun guaa ka ndaniꞌo tnoꞌo ndee ini ja ka ndetu kaꞌnuo ya,

1 Juan 2:29

Chi nuu ka jini maa ni ja Jesukristu kuu ia ndaa, te suni vi jinkuiꞌnu ini ni ja ndiꞌi ñayiu ja ka saꞌa ndaa ka kuu ndija seꞌe maa ia Dios.

1 Juan 3:9

Te ndiꞌi ñayiu ja ka kuu seꞌe ia Dios, tu ka saꞌa kai yika kuechi, chi ndikin tata maa Dios ka kui, te siun ni ka oi nuu ya, te ma kuu vi kondikin kai ichi yika kuechi, chi seꞌe maa Dios ka kui.

1 Juan 5:1

Te ndiꞌi ñayiu ja ka kandija ja Jesús kuu Kristu, ia ni tetniuu Dios, te seꞌe maa Dios ka kui. Te ndiꞌi ñayiu ka kutoo ia kuu Tata, te suni ka kaꞌan toi ñayiu ka kuu seꞌe maa ya.

1 Juan 5:18

Chi ka jinio ja ñayiu ka kuu seꞌe ia Dios, tu ka saꞌa kai yika kuechi, chi jito ña Jesús, ia kuu Seꞌe maa Dios, te tu skaꞌan ña Tachi.

1 Juan 5:4

Chi ndiꞌi ñayiu ka kuu seꞌe maa ia Dios ka kundei nuu ñuyiu. Chi ja ka kandijao saꞌa ja ka kundeo ka kuu nijaꞌnuo nuu jakueꞌe oo nuu ñuyiu.

El Apocalipsis 3:14

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu maa Dios ja jito ñayiu ka skuaꞌa veñuꞌu oo ñuu Laodicea: Suaꞌa kaꞌan ia kaꞌan “saa na kokuu”, ia kuu testiu ndaa, ja kaꞌan ya tnoꞌo ndaa, ia xiin maꞌñu sagua ni saꞌa ia Dios ndiꞌi ja oo ñuyiu.