San Juan 21:16 - El Nuevo Testamento y unos libros del Antiguo Testamento

¹⁶ Te ni ndiokuiin ya ni jikan tnoꞌo ña ya inka jichi: ―Simón seyii Jonás, ¿a kutoo ña ron? Te jiñaꞌa Pedro: ―Saa, vi Jitoꞌo san, ja jini maa ni ja kutoo ña san. Te jiñaꞌa ya: ―Nuu saa te koto ñayiu ka kuu na kuinio ndikachi rin.

San Juan 21:16 Iomraidhean Croise

Salmos 100:3

Vi ndakuni ni ja Jitoꞌo kuu maa ia Dios. Te maa ya ni saꞌa ña, masu yoon ni ka ndasaꞌo mao. Ñayiu ñuu maa ya ka kuo, te ka kuo na kuinio ndikachi ya ja ka jao ite kuii maa ya.

Salmos 95:7

Chi maa ya kuu ia Dios mao, te yoon ka kuu ñayiu ñuu ya ja ka oo nuu ite kuii ya, chi ka kuo na kuinio ndikachi ja jito maa ya. Vitna te vi konini ni tnoꞌo kaꞌan ya:

Zacarías 13:7

Ndakoo vi yuchi kani, te kiꞌin ron siki tee jito ndikachi rin vi siki tee ndeka tnaꞌa guaꞌa jin rin, jiñaꞌa Jitoꞌo, ia ndakui ndevaꞌa. Te xtuji ron tee jito ndikachi yun, te na vi kutenuu maa ti kiꞌinkuei ti. Te na ndakoo maa rin siki ñayiu ñuu rin ja ka kui na kuinio lelu kueli.

San Mateo 2:6

Maa ron, ñuu Belén, ja tnii Judá, masu in ñuu lule saꞌun ka kuu ron neꞌu ñuu naꞌnu Judá, chi nuu ron kee in tee kotatnuni te koto de ndiꞌi ñuu rin Israel, kaꞌan suaꞌa ͏―͏ka jiñaꞌa de.

San Mateo 25:32

Te ndiꞌi ñayiu ñuyiu vi ndututu nuu san, te saꞌa siin san jin in in nagua saꞌa siin in tee jito kiti ja saꞌa siin de ndikachi de vi ndixiꞌu de.

San Mateo 26:72

Su ni tayuꞌu tnoꞌo tuku de, te jiñaꞌa de: ͏―͏Kaꞌan ndaa san nuu ia Dios ja tu jini san na ndee tee kuu tee yun ͏―͏jiñaꞌa de.

San Lucas 19:10

Chi vaji sein, ja kuu san Seꞌe Teyii, ja ndanduku san vi ja skaku niꞌnu san ñayiu ni ka ndoñuꞌu ―jiñaꞌa ya.

San Juan 18:17

Yun te ni jikan tnoꞌo ñaꞌa jito yeꞌe yun jin Pedro: ―¿A masu suni in tee ka skuaꞌa jin tee yaꞌa kuu ni? ―jiñaꞌa ña. ―Ñaꞌa, ma suu san kuu ―jiñaꞌa de.

San Juan 18:25

Te nukuiin ni Pedro yuꞌu ñuꞌu yun ndasaa de. Te ka jiñaꞌa nuu de: ―¿A masu in tee ka skuaꞌa jin tee yun kuu ni? Te ña ni ndaa yuꞌu Pedro, te jiñaꞌa de: ―Ñaꞌa, ma suu san kuu ―jiñaꞌa de.

San Juan 21:17

Te ni jikan tnoꞌo ña ya jichi kuu uni: ―Simón seyii Jonás, ¿a kutoo ña ron? Te ni kusuchi ini Pedro ja siun vi uni jichi jikan tnoꞌo ña ya ja a kutoo de jin ya, te jiñaꞌa de: ―Jitoꞌo san, maa ni chi jini ndiꞌi ni, te ja jini maa ni ja kutoo ña san. Te jiñaꞌa ya: ―Nuu saa te koto ñayiu ka kuu na kuinio ndikachi rin.

Hechos 20:28

Te yun guaa vi koto vaꞌa ni maa ni, vi suni ndiꞌi ñayiu ka skuaꞌa ja ka kui na kuinio ndikachi vi koto vaꞌa ni. Chi Espíritu ia Dios ni taa tniuu yaꞌa ja vi kokuu ni na kuinio tee jito ndikachi ja vi kokoto ni ñayiu ka skuaꞌa ja ni ndakuaan ya jin niñi ya.

Hebreos 13:20

Te maa ia Dios ja taa ya tnoꞌo mani, kuu ia ni ndaxteku Jitoꞌo Jesukristu neꞌu ndiyi. Te maa Jesukristu kuu na kuinio in tee kuu kaꞌnu ka, ja jito ya ñayiu ka skuaꞌa, ja ka kui na kuinio ndikachi ya, chi jin niñi ya ni saꞌa kutu ya in tratu ja oo nikuii nikani.

1 Pedro 2:25

Chi maa ni ni ka okuu ni na kuinio ndikachi ni ka ndoñuꞌu ja ni ka skiꞌin ti ichi. Su vitna, chi ja ni ka ndajiokuiin ni nuu ndaꞌa maa Jesukristu, ia jito jini ña vi tavaꞌa ña ya jin in in ni.

1 Pedro 5:2

Te vi koto guaꞌa ni ñayiu maa ia Dios ja ni xndendoo ya nuu ndaꞌa ni, na kuinio in tee jito ndikachi. Te ma vi kotenini ni maa ni, chi vi ni ini ni anu ni vi koto ni jin, nagua kuini maa ia Dios. Te ma vi kondioo ini ni ja vi niꞌi kuaꞌa ni xuꞌun, chi suaꞌa vi kokusii ini ni ja ka saꞌa ni tniuu yun.

El Apocalipsis 7:17

Chi koto ña maa Lelu Dios, ia oo maꞌñu nuu oo mesa nuu tatnuni Dios, nagua jito in ñayiu ndikachi. Te kondeka ña maa ya jin ja kiꞌinkuei nuu kee ndute teku. Te ndasichi maa ia Dios ndiꞌi ndute nui ―kachi ia kuu nijaꞌnu yun.