San Juan 2:18 - El Nuevo Testamento y unos libros del Antiguo Testamento

¹⁸ Yun te ka jiñaꞌa ñayiu judio: ―¿Na tniuu kaꞌnu saꞌa ni ja xneꞌe ja ndiso tniuu ni ja saꞌa ni yaꞌa nuu saa? ―ka jiñaꞌa de.

San Juan 2:18 Iomraidhean Croise

Éxodo 7:9

―Nuu ja na kachi Faraón: “Vi xneꞌe ni in tniuu kaꞌnu”, te kuñaꞌa ron nuu Aarón: “Kiꞌin ni yutnu tuu ni jian, te skunta ni tnu jin nuu Faraón, nagua ja na nduu tnu koo”, kuñaꞌa ron ―jiñaꞌa ya.

San Mateo 21:23

Yun te ni ndiuu Jesús nuu oo veñuꞌu. Te nini kaxtnoꞌo ya tnoꞌo ia Dios nuu ñayiu, te ni jinokuei tee ka kuu nijaꞌnu nuu sutu vi tee ka kuu nijaꞌnu ñuu yun nuu oo ya, te ka jiñaꞌa de: ͏―͏¿Na in tatnuni ja saꞌa ni tniuu yaꞌa, axi na in ni chitniuu ña ja saꞌa ni yaꞌa? ͏―͏ka jiñaꞌa de.

San Marcos 8:11

Yun te ni jinokuei tee ka kuu fariseo, te ni ka jinkondee de ka tee tnaꞌa de jin Jesús. Te ka kuini de ja vi koto tnuni ña de. Te ni ka jikan de ja na saꞌa ya in tniuu kaꞌnu ja vaji ndee andivi.

San Lucas 11:29

Te nuu ni ka kututu ka ñayiu, te jiñaꞌa Jesús: ―Ñayiu ka oo tiempu vitna, chi inu kueꞌe ndevaꞌi, chi ka jikain ja na saꞌa san in tniuu kaꞌnu, su tu ka na tniuu kaꞌnu saꞌa san, chi maa ni nagua ni ndoꞌo Jonás ndee janaꞌa.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 1:25

ni ka jikan tnoꞌo ña de, te ka jiñaꞌa de: ―Nuu saa, te ¿nau ja skuandute ni ñayiu, te nuu masu Kristu, ni masu ndi Elías, ni masu tee ndakani tnoꞌo vaꞌa ia Dios ja kaꞌan nuu tutu ii ja kii kuu ni? ―ka jiñaꞌa de.

San Juan 6:30

Yun te ka jiñaꞌa de: ―¿Nagua kuu jakaꞌnu saꞌa ni ja vi kuni san, te vi kandija ña san? ¿Te na tniuu kuu ja saꞌa ni?

Hechos 4:7

Te ni ka jani ña de jin Pedro vi Juan maꞌñu sagua, te ni ka jikan tnoꞌo ña de: ―¿Na in ni chitniuu ña axi na xiin sivi ka saꞌa ni tniuu yaꞌa? ―ka jiñaꞌa de.

Hechos 5:28

Te jiñaꞌa de: ―¿A masu ja ni ka kaꞌan kaji san nuu ni, ja ma kuu vi kaxtnoꞌo ka ni sivi tee yun? Te vitna vi ja kuu nii ñuu Jerusalén ka kaxtnoꞌo ni tnoꞌo Jesús, te ka kuini ni vi skuiso kuechi ña ni ja suu san ni ka jaꞌni tee yun.