San Juan 2:16 - El Nuevo Testamento y unos libros del Antiguo Testamento

¹⁶ Te jiñaꞌa ya nuu ñayiu ka xiko sata: ―Vi xtajioo ni ja yaꞌa, te ma vi saꞌa ni veꞌe Tata san na kuinio nuu yaꞌu ―jiñaꞌa ya.

San Juan 2:16 Iomraidhean Croise

San Mateo 21:12

Te ni kiuu Jesús nuu veñuꞌu maa ia Dios, te ni keneꞌe ya ndiꞌi ñayiu ka xiko vi ñayiu ka kiꞌin nuu veñuꞌu yun, te ni xndonso ya mesa ñayiu ka sama xuꞌun vi tei nuu ka nukoo ñayiu ka xiko sata.

San Mateo 21:13

Te jiñaꞌa ya: ͏―͏Yoso nuu tutu ii: “Veꞌe rin, chi veꞌe nuu ka ndakuatu ñayiu konani”, kachi ia Dios. Su maa ni, chi ka saꞌa ni na kuinio in yau kava kuiꞌna ͏―͏jiñaꞌa ya.

San Mateo 22:5

Su tu ni ka chikuenta ña ñayiu yun. Te savai kuaꞌan nuu jitui vi savai kuaꞌan nuu xikoi.

San Marcos 11:17

Te ni kaxtnoꞌo ya nuu ñayiu, te jiñaꞌa ya: ―Yoso nuu tutu ii: “Veꞌe rin, chi veꞌe nuu ka ndakuatu ndiꞌi ñayiu ñuyiu konani”, kachi tutu ii. Su maa ni, chi ka saꞌa ni na kuinio in yau kava kuiꞌna ―jiñaꞌa ya.

San Lucas 2:49

Te jiñaꞌa Jesús: ―¿Nau ja ka ndanduku ña ni? ¿A tu ka jini ni ja nini kuu ja skunkuu san tniuu ja ni tatnuni tata yua san nuu san? ―jiñaꞌi.

San Juan 10:29

Chi ni taa maa Tata san nuu ndaꞌa san, te kaꞌnu ka kuu maa ya saa nuu ndiꞌi, te tu na in ndakindee ña jin nuu ndaꞌa Tata san.

San Juan 2:15

Te nuu ni jini ya yun, te ni kagua ya in yoꞌo kuiñi, te ni keneꞌe ya ndiꞌi ñayiu jin ndikachi vi isndiki, te ni siagua ya xuꞌun ñayiu ka sama yun vi ni skiondiso ya mesa nuu ka oi yun.

San Juan 20:17

Te jiñaꞌa Jesús: ―Siaa ña jin rin, chi kuini ka ja ndaa rin nuu oo Tata rin, su kuaꞌan nuu ka oo ñani rin, te kuñaꞌa ron ja ndaa rin nuu oo Tata rin vi Tata in in ron, nuu oo ia Dios rin vi ia Dios in in ron.

San Juan 5:17

Yun te jiñaꞌa Jesús: ―Tata san, chi satniuu ya ndee kiuu vitna, te suni sein, chi satniuu san ―jiñaꞌa ya.

San Juan 8:49

Te jiñaꞌa Jesús: ―Tu na tachi ñuꞌu ña jin san, chi suaꞌa chiñuꞌu san Tata san, te maa ni, chi saa suaꞌa ka skexiko ña ni jin san.

1 Timoteo 6:5

Te ndi nuu ndi kuee jaxin tnaꞌi, chi ndimaa ni jakueꞌe ndakani ini, te tu jini saꞌuin tnoꞌo ndaa, chi ndakani ini ja nuu kaxtnoꞌi ja vi kaka ndaa ñayiu nuu ia Dios, te yun guaa niꞌi kuaꞌi xuꞌun ja jinkoo vaꞌi. Te kujioo ni nuu ñayiu ja ka saꞌa siun.

2 Pedro 2:3

Te ja ka ndioo ndevaꞌa ini de xuꞌun, te vi keneꞌe de xuꞌun nuu in in ni jin tnoꞌo ja ka xndaꞌu ña de, su ndee janaꞌa ja ndetu ña tnundoꞌo ja vi tnaꞌa de, te ja oo yatni ja vi naa de.