San Juan 19:6 - El Nuevo Testamento y unos libros del Antiguo Testamento

⁶ Yun te nuu ni ka jini ña sutu ka kuu nijaꞌnu vi policia yun jin ya, te ni ka kana kana de: ―Katakaa ni de yika cruz, katakaa ni de yika cruz ―ka jiñaꞌa de. Te jiñaꞌa Pilato: ―Nuu saa te vi ndakuaka maa ni de, te vi katakaa ni de yika cruz, chi sein, te tu saꞌun na kuechi nukuꞌun san siki de.

San Juan 19:6 Iomraidhean Croise

San Mateo 26:58

Su Pedro, chi jika ni ndikin ña de kuaꞌan de guaa ndee ini nuu oo veꞌe tniuu sutu kuu nijaꞌnu ka yun. Te ni kiuu de, te ni jinkoo de nuu ka nukoo ndajaꞌa yun, nagua ja kuni de naxa vi saꞌa ña de jin Jesús.

San Mateo 27:22

Te ni jikan tnoꞌo ña Pilato: ͏―͏¿Nuu saa, te naxa saꞌa san jin Jesús, tee ka xnani maa ni Kristu? Te ndiꞌi ni ka kana: ͏―͏Katakaa ni de yika cruz.

San Mateo 27:24

Te nuu ni jini Pilato ja ña kuu nagua saꞌa de, chi vi saa suaꞌa viꞌi ka ka kuvaa ñayiu, te ni jikan de ndute, te ni ndaꞌa de jin nuu ñayiu yun, te jiñaꞌa de: ͏―͏Ma kotavi kuechi san ja kuu tee ndaa yaꞌa. Te vi kotavi kuechi maa ni ͏―͏jiñaꞌa de.

San Lucas 23:4

Yun te jiñaꞌa Pilato nuu sutu ka kuu nijaꞌnu vi nuu ndiꞌi ñayiu ni ka ndututu yun: ―Tu saꞌun na kuechi niꞌi san siki tee yaꞌa ―jiñaꞌa de.

San Juan 18:3

Yun te ni jino Judas jin soldado vi policia ka jito veñuꞌu, ja ni ka tetniuu ña sutu ka kuu nijaꞌnu vi tee ka kuu fariseo, ka ndiso xeen de, te ka tnuu de linterna vi ñuꞌu iti.

San Juan 18:31

Yun te jiñaꞌa Pilato: ―Vi ndakuaka maa ni de, te vi saꞌa ndaa maa ni kuechi de nagua oo nuu Ley ka nevaꞌa maa ni ―jiñaꞌa de. Yun te ka jiñaꞌa tee ka kuu nijaꞌnu nuu ñayiu judio: ―Su sein ñayiu judio, chi ma kuu vi kaꞌni san ni in ñayiu.

San Juan 18:38

Te jiñaꞌa Pilato: ―¿Te nagua kuu tnoꞌo ndaa yun? Te nuu ni ndiꞌi ni jikan tnoꞌo ña Pilato jin Jesús, te ni ndee tuku de nuu ka oo ñayiu judio, te jiñaꞌa de: ―Tu saꞌun na kuechi nukuꞌun san siki tee yaꞌa.

San Juan 19:15

Su ni ka kana jai: ―¡Na kuu de, na kuu de! ¡Katakaa ni de yika cruz! Te jiñaꞌa Pilato: ―¿A rey ni katakaa san yika cruz? Te ka jiñaꞌa sutu ka kuu nijaꞌnu: ―Tu na rey ka ka nevaꞌa san, chi maintnoꞌo César.

San Juan 19:4

Yun te ni kee tuku Pilato inka jichi, te jiñaꞌa de: ―Vi kondiaꞌa ni, te na keneꞌe san de yaꞌa, nagua ja vi kuni maa ni ja tu na kuechi saꞌun nukuꞌun san siki de.

Hechos 2:23

Su nuu ni kanakau ya nuu ndaꞌa ndiꞌi ni, nagua ja ni chikuaꞌa maa ia Dios ja kokuu, te ni ka kakuiko ni ya, te ni ka ndasiaꞌa ni ya nuu ndaꞌa ñayiu kueꞌe, te ni ka jatakaa ñai jin ya yika cruz ja ni ka jaꞌni ni ya.

Hechos 7:52

¿Axi ndee in tee ni ndakani tnoꞌo ia Dios ndee janaꞌa, tu ni ka sondikin ña ndi yua ni ja vi saꞌa ndevaꞌa ña de? Su ndi yua ni ni ka jaꞌni tee ni ka okaꞌan ndee ama ka ja kii ia ndaa. Su nuu ni kii ya, te maa ni ni ka xtuu ya nuu ndaꞌa tee ka netniuu, te ni ka jaꞌni ni ya.