San Juan 18:8 - El Nuevo Testamento y unos libros del Antiguo Testamento

⁸ Te jiñaꞌa Jesús: ―Ja ni kaꞌan san ja maa san kuu. Te nuu ja maa san ka ndanduku ni, te vi kakuiko ña ni jin maa san, su vi siaa ni tee yaꞌa na kiꞌinkuei maa de.

San Juan 18:8 Iomraidhean Croise

Isaías 53:6

Te ndiꞌi yoon ni ka ndoñuꞌu na kuinio ndikachi, te ni ka kiꞌon ichi mamao. Su siki maa de ni skanakau Jitoꞌo yika kuechi ja ka saꞌa ndiꞌo.

San Mateo 26:56

Su saa kokuu ndiꞌi yaꞌa, nagua ja skunkuu nagua yoso nuu tutu ii ja ni ka kaꞌan tee ni ka ndakani tnoꞌo maa ia Dios ndee janaꞌa ͏―͏jiñaꞌa ya. Yun te maintnoꞌo ni ka ya, ni ka xndoo ña tee ka skuaꞌa jin ya, te ni ka jino yuꞌu de kuaꞌankuei de.

San Juan 10:28

Te kuñaꞌa san ja vi kotekui nikuii nikani, te ma vi junaa saꞌuin, te tu na in ndakindee ña jin nuu ndaꞌa san.

San Juan 13:1

Te jañini ama ka ja kejaꞌa viko pascua ñayiu judio, te ja ni jini kaji Jesús ja ni kenta kiuu ja xndendoo ya ñuyiu yaꞌa, te noꞌo ya ja ndanitnaꞌa ya jin Tata ya. Te ja siun ni okutoo ya ñayiu maa ya ja ka oi nuu ñuyiu, te vi saa ni kutoo ña ya guaa ndee kiuu sandiꞌi.

San Juan 13:36

Te jiñaꞌa Simón Pedro: ―¿Ndenu kuu nuu kiꞌin ni, vi Jitoꞌo san? Te jiñaꞌa Jesús: ―Nuu kiꞌin san, chi ma kuu kondikin ña ni vitna, su nuu kuee ka, te kondikin ña ni jaa ni ―jiñaꞌa ya.

San Juan 16:32

Te vaji kiuu, su vitna te ja ni kenta kiuu yun, ja vi kutenuu ni ichi mamaa ni, te vi xndendoo maintnoꞌo ni ña ni jin san. Su masu kendoo maintnoꞌo san, chi oo san jin Tata san.

San Juan 18:7

Te ni ndakan tnoꞌo tuku ña Jesús: ―¿Na in ka ndanduku ni? Te ka jiñaꞌa de: ―Jesús, tee ñuu Nazaret.

San Juan 18:9

Saa ni kuu nagua ja skunkuu tnoꞌo ni kaꞌan ya nuu Tata ya: “Tu ni skiꞌin san ni in ñayiu ja ni taa ni nuu san”.

1 Corintios 10:13

Te ja jito tnuni ña jin ni, chi inuu ni kuu jin ja jito tnuni ña jin sava ka ñayiu. Su ia ndaa kuu maa Dios, te ma kuandetu ya ja koto tnuni kuaꞌa ka ña saa nagua kundee ini ni, chi nuu vaji ja jito tnuni ña, te suni yun chituu ña ia Dios ja kejioo ni nuu ja jito tnuni ña yun, nagua ja kuandee ini ni.

2 Corintios 12:9

Su kachi Jitoꞌo nuu san: “Saa ni kuu, chi chindee chituu ña rin jin ron, te nuu ñayiu vita xneꞌe guaꞌa ka rin jakaꞌnu rin”, kachi ya. Yun guaa kuu teyii san ja vita san nagua ja jin sein xneꞌe Jesukristu jakaꞌnu ya.

Efesios 5:25

Te maa ni ja ka kuu ni teyii, vi kokutoo ni ñasiꞌi ni, nagua ni kutoo Jesukristu ñayiu ka skuaꞌa, te ni soko ya maa ya ja jaꞌo.

1 Pedro 5:7

Vi xndendoo ni ndiꞌi ja ka ndiꞌni ndevaꞌa ni nuu ndaꞌa ia Dios, chi maa ya jito jini ña jin in in ni.