San Juan 18:25 - El Nuevo Testamento y unos libros del Antiguo Testamento

²⁵ Te nukuiin ni Pedro yuꞌu ñuꞌu yun ndasaa de. Te ka jiñaꞌa nuu de: ―¿A masu in tee ka skuaꞌa jin tee yun kuu ni? Te ña ni ndaa yuꞌu Pedro, te jiñaꞌa de: ―Ñaꞌa, ma suu san kuu ―jiñaꞌa de.

San Juan 18:25 Iomraidhean Croise

Génesis 18:15

Yun te ni tayuꞌu tnoꞌo Sara, chi ni yuꞌu ña, te jiñaꞌa ña: ―Ñaꞌa, masu ni jaku sii san. Su jiñaꞌa ia Dios: ―Masu saa kuu, chi ni jaku sii ron.

Proverbios 29:25

Ja yuꞌu ñayiu inka ñayiu kuu na kuinio in ja skanakau ña jin. Su ñayiu kukanu ini Jitoꞌo, chi koo guaꞌi.

San Mateo 26:69

Te Pedro, chi yeꞌe juera ni yun nukoo de. Te ni jino in ñasiꞌi jinokuechi nuu sutu yun, te jiñaꞌa ña: ͏―͏Maa ni, chi suni ni ka oo ni jin Jesús, tee Galilea ͏―͏jiñaꞌa ña.

San Marcos 14:66

Te Pedro, chi oo de ndee ndiꞌi nuu oo veꞌe yun. Te ni jino in ñaꞌa satniuu veꞌe sutu kuu nijaꞌnu ka.

San Lucas 22:55

Te nuu ni jinokuei de, te ni ka xtnaꞌa de ñuꞌu yeꞌe yun, te ni ka jinkoo de ka ndasaa de. Te suni ni jintnaꞌa Pedro, te ni jinkoo de neꞌu nuu ka oo tee yun.

San Lucas 22:56

Su nuu ni jini ña in ñaꞌa jinokuechi ja nukoo Pedro nuu yuñuꞌu yun, te ni ndiaꞌa guaguaꞌa ña nuu de, te jiñaꞌa ña: ―Tee yaꞌa, chi suni in tee ka jika jin Jesús kuu de ―jiñaꞌa ña.

San Lucas 22:57

Su ni tayuꞌu tnoꞌo Pedro, te jiñaꞌa de: ―Tu jini san na tee kuu de ―jiñaꞌa de.