San Juan 18:11 - El Nuevo Testamento y unos libros del Antiguo Testamento

¹¹ Yun te jiñaꞌa Jesús nuu Pedro: ―Ndatavaꞌa ni yuchi kani ni nuu ñii ñuꞌi, chi nini kuu ja tnaꞌa san tnundoꞌo ja ni jandetu Tata san ja ndoꞌo ja tnaꞌa san ―jiñaꞌa ya.

San Juan 18:11 Iomraidhean Croise

Salmos 75:8

Te nee tuaꞌa Jitoꞌo in vasu nuu ñuꞌu chitu vinu ja kuu ja kiti ini ya, vi jaa jaa tiꞌiñu nuu ja ni saka tnaꞌa jin ndinuu nuu yuku, te nuu koso ya, te ndiꞌi ñayiu ka saꞌa jakueꞌe vi koꞌo, te vi ni in yuyu ka ma kendoo.

San Mateo 20:22

Yun te jiñaꞌa Jesús: ͏―͏Tu ka jini ni nagua kuu ja ka jikan ni. ¿A kuu vi koꞌo ni nuu vasu ja koꞌo san ja kuu tnundoꞌo xeen ja tnaꞌa san? ¿Te a kuu vi kuandute ni jin tnundoꞌo nagua kii siki san? ͏―͏jiñaꞌa ya. ͏―͏Kuu ͏―͏ka jiñaꞌa de.

San Mateo 26:39

Yun te ni kuu jika ya joo, te ni jinkuiin jiti ya vi ndee ni kunjino tnee ya nuu ñuꞌu, te ni ndakuatu ya, jiñaꞌa ya: ͏―͏Tata maa san, nuu ja suaꞌa te kuu, te xtajioo ni tnundoꞌo vaji siki san. Su ma kokuu nagua kaꞌan maa san, chi na kokuu nagua kuini maa ni ͏―͏jiñaꞌa ya.

San Mateo 26:42

Yun te kuaꞌan tuku ya ja kuu uu ja ni ndakuatu ya, te jiñaꞌa ya: ͏―͏Tata maa san, nuu ja ma kuu ja xtajioo ni tnundoꞌo yaꞌa ja tnaꞌa san, te saꞌa ni nagua kuini maa ni ͏―͏jiñaꞌa ya.

San Lucas 12:30

Chi ndiꞌi yaꞌa kuu ja ka nduku ñayiu ñuyiu. Su Tata Dios, chi ja jini ya nagua kuu ja ka jaꞌni ña jin ni.

San Lucas 22:42

te jiñaꞌa ya: ―Tata Dios, jikantaꞌu san nuu ni ja nuu ja kuini ni, te skaku niꞌnu ña ni nuu tnundoꞌo ja ma kanakau siki san. Su na kokuu nagua kuini maa ni, masu nagua kuini san ―jiñaꞌa ya.

San Juan 15:10

Te nuu ja ka jantnoꞌo ni tnoꞌo ja tatnuni san, te siun ni vi koo ni jin san ja kutoo ña san, nagua jantnoꞌo maa san tnoꞌo ja tatnuni Tata san, te siun ni oo san jin ya ja kutoo ña ya jin san.

San Juan 17:24

’Kuini san, vi Tata, ja ndenu koo san, te suni yun na vi koo ñayiu ja ni taa ni nuu san, nagua ja na vi kuni naxa kuu kaꞌnu san ni saꞌa maa ni. Chi ja kutoo ña ni guaa ndee nuu chiaꞌan ka ja junkoo ñuyiu vi guaa ndee vitna.

San Juan 18:36

Te jiñaꞌa Jesús: ―Nuu tatnuni san, chi masu ñuyiu yaꞌa oo, chi nuu suaꞌa te ñuyiu yaꞌa oo, vaa vi kaxin tnaꞌa tee ka jinokuechi nuu san, nagua ja ma kanakau san nuu ndaꞌa tnaꞌa san judio nuu siun. Su nuu tatnuni san, chi masu yaꞌa oo ―jiñaꞌa ya.

San Juan 20:17

Te jiñaꞌa Jesús: ―Siaa ña jin rin, chi kuini ka ja ndaa rin nuu oo Tata rin, su kuaꞌan nuu ka oo ñani rin, te kuñaꞌa ron ja ndaa rin nuu oo Tata rin vi Tata in in ron, nuu oo ia Dios rin vi ia Dios in in ron.

2 Corintios 10:4

Chi ndatniuu ja jantniuu san nuu jaxin tnaꞌa san, masu ja oo ñuyiu yaꞌa kuu, chi oo jin jakaꞌnu maa ia Dios, nagua ja xnaa taka jandakui maa jakueꞌe.

2 Corintios 6:7

vi ka kaꞌan san tnoꞌo ndaa. Te ka oo san jin jakaꞌnu maa ia Dios, te ka jantniuu san tniuu ndaa ja kuu na kuinio kuji nuu ka jaxin tnaꞌa san jin jakueꞌe axi ja ka skaku niꞌnu san maa san.

Hebreos 12:2

Te na vi kinuu guaꞌo Jesús, ia xiin nuu vaji ja ka kandijao, ia saꞌa ja vi kujao nuu tnoꞌo ya. Chi maa Jesús kuu ia ni tnaꞌa tnundoꞌo nuu cruz, te ni tu ni ndiꞌni ya ja kanoo oo nuu ni jiꞌi ya, chi ja jini ya ja nuu yaꞌa tnundoꞌo, te ndusii ini ya ja junkoo ya ichi lado kuaꞌa mesa nuu tatnuni ia Dios.