San Juan 16:23 - El Nuevo Testamento y unos libros del Antiguo Testamento

²³ Te kiuu yun, tu saꞌun ka nagua vi kokakan tnoꞌo ña ni jin san. Te kaꞌan ndandaa ndija san ja ndiꞌi nagua ka jikan ni jin sivi san nuu Tata san, te taa ya.

San Juan 16:23 Iomraidhean Croise

Isaías 65:24

Te vi ama ka ja vi kanai nuu rin, te vi ja kuñaꞌa rin nagua ka kuini, te vi ama ka ja ndiꞌi tnoꞌo ka kaꞌin, te ja konini rin nagua ka jikain.

San Mateo 21:22

Chi ndiꞌi nagua ka jikan ni nuu ia Dios nuu ka ndakuatu ni, nuu ja ka kandija ni, te ndiꞌi vi niꞌi ni ͏―͏jiñaꞌa ya.

San Mateo 7:7

’Vi kakan ni nuu ia Dios, te na taa ya. Vi nduku ni, te vi ndaniꞌi ni. Vi kana ni, te na ndakune ia Dios yeꞌe.

San Juan 14:20

Te kiuu yun vi kuni ni ja oo san jin Tata san, te ka oo maa ni jin san, te suni oo san jin in in maa ni.

San Juan 14:22

Te jiñaꞌa Judas, masu tee kuu Iscariote: ―Jitoꞌo san, ¿nau ja xneꞌe ni maa ni nuu in in sein, te masu nuu ñayiu ñuyiu? ―jiñaꞌa de.

San Juan 14:5

Te jiñaꞌa Tomás: ―Jitoꞌo san, tu ka jini san ndenu kiꞌin ni, ¿te naxa vi kuni sein ichi yun? ―jiñaꞌa de.

San Juan 15:7

Te nuu ja vi koo ni maa ni jin san, te vi koo guaꞌa ni jin tnoꞌo ni kaxtnoꞌo san, nuu saa te vi kakan ni ndiꞌi nagua ka kuini ni, te vi niꞌi ni.

San Juan 16:19

Yun te ni jini Jesús ja ka kuini de vi kakan tnoꞌo ña de, te jiñaꞌa ya: ―¿A ka jikan tnoꞌo tnaꞌa ni siki tnoꞌo ni kaꞌan san: “Ja joo ni ka, te ma vi kuni ka ña ni jin san, te suni joo ni ka, te vi ndakuni tuku ña ni”?

San Juan 16:26

Te kiuu yun, chi vi kakan ni nuu Tata san jin sivi san, te masu nini ka kuu ja kakantaꞌu san nuu Tata san ja jaꞌa in in ni.

San Juan 16:30

Vitna te ka jinkuiꞌnu ini san ja jini ni ndiꞌi kuiti, te tu jiniuꞌu ni ja na in tee kokakan tnoꞌo ña jin ni. Yun guaa ka kandija san ja vaji ni guaa ndee nuu maa ia Dios ―ka jiñaꞌa de.

Efesios 2:18

Chi jin maꞌñu sagua Jesukristu, te ndiꞌi ñayiu judio vi ñayiu sava ka tatatnoꞌo kuu kiukuei jin maꞌñu sagua invaa Espíritu nuu oo Tata Dios.

1 Juan 2:1

Tee san tnoꞌo yaꞌa nuu in in ni ja ka kuu ni na kuinio seꞌe maa san ja ka kandija ni, nagua ja ma vi saꞌa ni yika kuechi. Su nuu ja ndee in ni ka saꞌa yika kuechi, te ka nevaꞌo Jesukristu, ia ndaa, ja kaꞌan niꞌnu ya ja jaꞌo nuu Tata Dios.