San Juan 16:19 - El Nuevo Testamento y unos libros del Antiguo Testamento

¹⁹ Yun te ni jini Jesús ja ka kuini de vi kakan tnoꞌo ña de, te jiñaꞌa ya: ―¿A ka jikan tnoꞌo tnaꞌa ni siki tnoꞌo ni kaꞌan san: “Ja joo ni ka, te ma vi kuni ka ña ni jin san, te suni joo ni ka, te vi ndakuni tuku ña ni”?

San Juan 16:19 Iomraidhean Croise

San Mateo 6:8

Ma vi kosaꞌa ni nagua ka saꞌa tee yun, chi ja jini maa Tata Dios nagua kuu ja jaꞌni ña jin in in ni ndee nuu chiaꞌan ka ja vi kakan ni.

San Mateo 9:4

Yun te nuu ni jini Jesús ja siun ka ndakani ini de, te jiñaꞌa ya: ͏―͏¿Nau ja ka ndakani kueꞌe ini ni jin anu ni?

San Marcos 9:32

Su tu ni ka jinkuiꞌnu ini de na tnoꞌo kuu ja siun kaꞌan ya, su ka yuꞌu de ja vi kakan tnoꞌo ña de jin ya.

San Juan 13:33

Nunuu ni ka vi koo, vi ilu. Te vi ndanduku ña maa ni, su nagua ja ni kaꞌan san nuu tnaꞌo judio, te yun kaꞌan san nuu maa ni vitna ja ma kuu kiꞌinkuei ni nuu kiꞌin san.

San Juan 14:19

Chi joo ni ka koo san, te ma vi kuni ka ña ñayiu ñuyiu jin san. Su maa ni, chi vi kuni ña ni, te vi koteku ni, chi ndateku maa san.

San Juan 16:16

Chi joo ni ka, te ma vi kuni ka ña ni jin san, te suni joo ni ka, te vi ndakuni tuku ña ni, chi noꞌo san ndee nuu oo Tata san ―jiñaꞌa ya.

San Juan 16:18

¿Na tnoꞌo kuu tnoꞌo kaꞌan ya “ja joo ni ka”? Tu ka junkuiꞌnu saꞌun inio na tnoꞌo kuu ja kaꞌan ya siun ―ka kachi de.

San Juan 16:23

Te kiuu yun, tu saꞌun ka nagua vi kokakan tnoꞌo ña ni jin san. Te kaꞌan ndandaa ndija san ja ndiꞌi nagua ka jikan ni jin sivi san nuu Tata san, te taa ya.

San Juan 16:26

Te kiuu yun, chi vi kakan ni nuu Tata san jin sivi san, te masu nini ka kuu ja kakantaꞌu san nuu Tata san ja jaꞌa in in ni.

San Juan 16:30

Vitna te ka jinkuiꞌnu ini san ja jini ni ndiꞌi kuiti, te tu jiniuꞌu ni ja na in tee kokakan tnoꞌo ña jin ni. Yun guaa ka kandija san ja vaji ni guaa ndee nuu maa ia Dios ―ka jiñaꞌa de.

San Juan 21:17

Te ni jikan tnoꞌo ña ya jichi kuu uni: ―Simón seyii Jonás, ¿a kutoo ña ron? Te ni kusuchi ini Pedro ja siun vi uni jichi jikan tnoꞌo ña ya ja a kutoo de jin ya, te jiñaꞌa de: ―Jitoꞌo san, maa ni chi jini ndiꞌi ni, te ja jini maa ni ja kutoo ña san. Te jiñaꞌa ya: ―Nuu saa te koto ñayiu ka kuu na kuinio ndikachi rin.

San Juan 6:61

Te ni jini maa Jesús ja vi ndee maa ñayiu ka skuaꞌa jin ya ka kaꞌan kueꞌe siki tnoꞌo ni kaꞌan ya, te jiñaꞌa ya: ―¿A ka tunini ni tnoꞌo ni kaꞌan san yaꞌa?

San Juan 7:33

Yun te jiñaꞌa Jesús: ―Vi koo nunuu kao ndesaa ka kiuu, te saa noꞌo san nuu oo ia ni tetniuu ña jin san.

Hebreos 4:13

Te ni in ja ni saꞌa ia Dios ma kuu ja koyuꞌu nuu ya, chi ndiꞌi ka tuu ndijin nuu ia xiin nuu vi jinokauo ja vi ndakuñaꞌo kuenta.

El Apocalipsis 2:23

Te saꞌa rin ja vi kuu ñayiu ka kandija tnoꞌo kaꞌan ñaꞌa yun. Saa te vi kuni ndiꞌi ñayiu ka skuaꞌa ja maa rin kuu ia jini ndiꞌi ndee jajintnuni vi ndee anu ñayiu. Te taa rin nuu in in ron nakuu nakuu nagua ni ka saꞌa ron.