San Juan 15:25 - El Nuevo Testamento y unos libros del Antiguo Testamento

²⁵ Te saa kokuu nagua ja skunkuu tnoꞌo yoso nuu tutu Ley ia Dios ja ka nevaꞌi nuu kaꞌan suaꞌa: Ni ka kaꞌan uꞌu ñai jin rin, visi tu na kuechi rin kachi tutu ii.

San Juan 15:25 Iomraidhean Croise

Salmos 109:3

Te ka jionduu ña de jin tnoꞌo kiti ini, vi ka ndakoo de siki san, visi masu nagua saꞌa san.

Salmos 35:19

Te ma kuandetu ni ja kendoo kueꞌe san, te vi kokusii ini tee ka kaꞌan uꞌu ña jin san. Te ni ma vi kondakuene tee ka skexiko ña jin san nuu san, chi masu nagua saꞌa san.

Salmos 69:4

Te ni ka kaya kuaꞌa ka ñayiu ka skexiko ña jin san, saa ixi xini san, te inu ndakui ka ñayiu ka kaꞌan uꞌu ña jin san ja ka kuini ja vi xnaa ñai, visi masu nagua saꞌa san, te ka xtavi kuechi ñai ja ni suꞌu san, su ¿nagua ndatniuyaꞌu san, te masu nagua suꞌu san?

Salmos 7:4

nuu ja na in jakueꞌe ni saꞌa san jin ñayiu ka oo mani jin san, axi ni kindee ndevaꞌa san ja ka nevaꞌa ñayiu ka kaꞌan uꞌu ña jin san,

San Mateo 10:8

Te vi ndasaꞌa ni ñayiu ka kuꞌu, te vi ndasavii ni ñayiu ka kuꞌu kueꞌe teꞌi, te vi ndaxteku ni ñayiu ni ka jiꞌi, te vi skunu ni tachi. Suaꞌa ni vi saꞌa ni, ma vi keꞌen ni xuꞌun, chi suaꞌa ni ni ka kutaꞌu ni.

San Lucas 24:44

Te jiñaꞌa ya: ―Tnoꞌo yaꞌa kuu ja ni kaꞌan rin ndee nuu ni ka oo kao, ja nini kuu ja skunkuu rin ndiꞌi tnoꞌo yoso nuu tutu ii ja kaꞌan siki maa rin, tnoꞌo ja ni tee Moisés, vi tnoꞌo ni ka tee taka tee ni ka ndakani tnoꞌo ia Dios ndee janaꞌa, vi tnoꞌo ja yoso nuu tutu Salmo ―jiñaꞌa ya.

San Juan 10:34

Yun te jiñaꞌa Jesús: ―Nuu tutu Ley ka nevaꞌa maa ni yoso: “Ja ni kachi rin ja dios ka kuu maa ron”, kachi tutu ii.

San Juan 13:18

Te masu kaꞌan san ja jaꞌa ndiꞌi ni, chi ja jini maa san na in ni ndakaji san. Su saa te skunkuu nagua kaꞌan nuu tutu ii: Tee ka jaa in ni jin san xtaa ni ndakoo de siki san. Kachi nuu tutu ii.

San Juan 19:36

Chi saa ni ndoꞌo ya, nagua ja skunkuu nuu tutu ii ja kaꞌan: “Ma vi kaꞌnu de ni in yiki ya”.

Romanos 3:19

Su ka jinio ja ndiꞌi nagua kaꞌan nuu Ley Moisés, kaꞌan siki ñayiu ka oo jin Ley yun, nagua ja ndiꞌi ñayiu na vi kasi yuꞌu, te na saꞌa ndaa ia Dios yika kuechi ndiꞌi ñayiu ñuyiu.

Romanos 3:24

Su ni chindee ni chituu ña ia Dios, te suaꞌa ni ni saꞌa ya ja vi kokuo ñayiu ndaa nuu ya jin maꞌñu sagua Jesukristu, ja ni ndatau ña ya nuu yika kuechio.

2 Corintios 11:7

¿Te a in jakueꞌe ni saꞌa san ja tu ni kiꞌin san xuꞌun nuu ni kaxtnoꞌo san tnoꞌo vaꞌa ia Dios nuu ni? Te ni saꞌa ndaꞌu san maa san nagua ja vi kokuu naꞌnu ni.

Gálatas 2:21

Te tu skexiko san ja kundaꞌu ini ña ia Dios, chi nuu suaꞌa te jin maꞌñu sagua Ley yun kokuu san ñayiu ndaa nuu ya, nuu saa te tu jiniuꞌu saꞌun ja ni jiꞌi Jesukristu.

2 Tesalonicenses 3:8

ni tu ni ka ojaa uun san xtaa ni in ñayiu ja tu ni ka otniuyaꞌu san, chi ni ka osatniuu san nduu vi ñuu, visi ni ka okutnuu ndevaꞌa san, nagua ja ma vi koxnaꞌa san ni in ni.

El Apocalipsis 21:6

Yun te kachi ka ya: ―Ja ni jino ndiꞌi. Te maa rin kuu jaxtnañuꞌu vi jasandiꞌi, ja ni skejaꞌa vi jaxndiꞌi. Te na ñayiu yichi, te suaꞌa ni kuñaꞌa uun rin ndute ja kee yaꞌa koꞌi, te kotekui nikuii nikani.

El Apocalipsis 22:17

Te Espíritu ia Dios vi ñayiu maa ya ka kui na kuinio suchi siꞌi ja vi tnandaꞌa jin Lelu ya ka kachi: ―Neꞌe ni. Te na ñayiu nini tnoꞌo yaꞌa na kaꞌin: ―Neꞌe ni. Te na ñayiu yichi, te kuini ja koꞌi ndute, na kiꞌin nuu ya, te suaꞌa ni niꞌi uin ndute koꞌi, te kotekui nikuii nikani.