San Juan 15:18 - El Nuevo Testamento y unos libros del Antiguo Testamento

¹⁸ ’Te nuu ka kaꞌan uꞌu ña ñayiu ñuyiu jin in in ni, te vi konaꞌa ni ja xtnañuꞌu ka maa san ni ka kaꞌan uꞌu ñai.

San Juan 15:18 Iomraidhean Croise

Proverbios 29:27

Ñayiu ndaa, chi ka skexikoi ñayiu ka saꞌa jakueꞌe. Su ñayiu kueꞌe, chi ka skexikoi ñayiu ka jika ndaa.

Isaías 49:7

Suaꞌa kaꞌan Jitoꞌo, ia ii ja ni ndatau ñayiu Israel nuu ñayiu ja ni ka oskexiko ña jin, vi ni ka okaꞌan uꞌun ña ñayiu sava ka ñuu jin, vi ni ka ojinokuechi nuu tee kueꞌe ja ka tatnuni, te kachi ya: “Nuu na vi kuni ña rey jin ron vi tee ka tatnuni jin de, te vi ndakoo de, te vi jinkindei vi jinkititi de nuu ron, chi maa rin ja kuu rin Jitoꞌo, ia ii ñayiu Israel, ni kaji ña rin jin ron, te ia ndaa kuu rin, te skunkuu rin tnoꞌo kaꞌan rin”.

Isaías 53:3

Te ni ka skexiko ña ñayiu, tu ni ka kaꞌan vaꞌa ñai jin de. In tee jatu janiꞌni vi tee tnundoꞌo ndevaꞌa kuu de, na kuinio in tee ja ma kuu vi kuni ña ñayiu. Chi ni ka skexiko jin de, te tu ni ka kaꞌan vaꞌo de.

Isaías 66:5

Vi konini tnoꞌo kaꞌan maa rin ja kuu rin Jitoꞌo: “Roon, chi vi suaꞌa ka niꞌi ron ja ka yuꞌu niꞌnu ron nuu tnoꞌo rin, su ñani ron ja ka kaꞌan uꞌu ña jin ron, te ka saꞌa siin ñai ja jaꞌa ruꞌun, te ka kachi: Na xneꞌe Jitoꞌo Dios jakaꞌnu ya, nagua ja na vi kuni san ja ka kusii ini ni, ka kachi. Su mai, guaa vi ndendoo kanoi.

Zacarías 11:8

Te jin invaa ni yoo ni skunu san uni tee ka jito ndikachi, chi ni tunini san de, te ni ka skexiko ña maa de jin san.

San Mateo 10:22

Te ndiꞌi ñayiu vi kuni uꞌu ña jin ni ja jaꞌa sein, su na in kundee ini ja koyutnui guaa ndee kiuu sandiꞌi, te ñayiu yun kuu ja kaku niꞌnui.

San Mateo 24:9

’Yun te vi xtuu ña ñayiu jin ni ja vi ndevaꞌa ndetnuni vi saꞌa ñai, te vi kaꞌni ñai, te vi kuni uꞌu ña ndiꞌi ñayiu ja jaꞌa sein.

San Mateo 5:11

’Nase inu taꞌu inu ndetu ni nuu ja ja jaꞌa san na vi nani vi ndujin ña ñayiu jin ni, te vi kaꞌan uꞌu ña jin ni, vi vi xtavi kuechi ña nani kuu kuechi.

San Marcos 13:13

Te ndiꞌi ñayiu ñuyiu vi kuni uꞌu ña jin ni ja jaꞌa sein, su na ñayiu oo yutnu guaa ndee kiuu sandiꞌi, te sui guaa kaku niꞌnu.

San Lucas 6:22

’Na taꞌu na ndetu maa ni nuu ka kaꞌan uꞌu ña ñayiu ja jaꞌa sein ja kuu san Seꞌe Teyii nuu vi keneꞌe ndaꞌa ñai, te vi nani ñai jin ni, te vi skexiko ñai jin ni na kuinio ja ñayiu kueꞌe ka kuu ni.

San Juan 16:1

’Tnoꞌo yaꞌa ni kaꞌan san, nagua ja ma vi ndayuꞌu ni nuu na kii tnundoꞌo.

San Juan 16:33

Te ndiꞌi tnoꞌo yaꞌa ni kaꞌan san nagua ja vi koo ni jin jamani ja ni taa san. Chi vi tnaꞌa ni tnundoꞌo nuu ñuyiu, su vi kondee ini ni, chi ja ni kundee san nuu jakueꞌe oo ñuyiu ―jiñaꞌa ya.

San Juan 3:20

Chi ndiꞌi na ñayiu ka saꞌa jakueꞌe, te ka skexikoi ja yeꞌe niꞌnu ya, te tu kiukuei nuu yeꞌe niꞌnu ya, nagua ja ma tuu ndijin tniuu kueꞌe ja ka saꞌi yun.

San Juan 7:7

Te ja ñayiu ñuyiu, chi tu ka kaꞌan uꞌu ña jin ni, su sein chi ka kaꞌan uꞌu ña jin san, chi ndakani san siki tniuu kueꞌe ka saꞌi.

Hechos 14:22

Te ndiꞌi nuu ñayiu ka kandija ñuu yun ni ka ndakuñaꞌa de tnoꞌo ndee ini vi ni ka xteku ña de ja vi koo yutnui jin ja ni ka kandijai, te suni ka jiñaꞌa de: ―Nini kuu ja kuakuaꞌa tnundoꞌo vi tnaꞌo, te saa ndiukueio nuu tatnuni ia Dios.

Hebreos 12:2

Te na vi kinuu guaꞌo Jesús, ia xiin nuu vaji ja ka kandijao, ia saꞌa ja vi kujao nuu tnoꞌo ya. Chi maa Jesús kuu ia ni tnaꞌa tnundoꞌo nuu cruz, te ni tu ni ndiꞌni ya ja kanoo oo nuu ni jiꞌi ya, chi ja jini ya ja nuu yaꞌa tnundoꞌo, te ndusii ini ya ja junkoo ya ichi lado kuaꞌa mesa nuu tatnuni ia Dios.

Santiago 4:4

¡Ñayiu ni ka xndendoo ia Dios ka kuu ni! Chi ¿a tu ka jini ni ja nuu ja ka kutoo ja oo ñuyiu yaꞌa, te ka skiti ini tnaꞌo jin ia Dios? Te nani kuu ñayiu ja kutoi ja oo ñuyiu yaꞌa, te jini uꞌui ia Dios.

1 Juan 3:1

Vi kondiaꞌa ni naxa kutoo ña Tata Dios, ja vi konanio seꞌe maa ya, te saa ka kuo. Te yun guaa tu ka jini ña ñayiu ñuyiu jion, chi tu ni ka jini ia Dios.

1 Juan 3:13

Ñani vi kuaꞌa maa san ja ka skuaꞌo, ma vi kukuiꞌa ini ni nuu ja ka kaꞌan uꞌu ña ñayiu ñuyiu jin ni.

1 Juan 3:3

Te ndiꞌi ñayiu ja ka ndetu kaꞌnu nuu ndajiokuiin Jesukristu, chi siun ni ka ndasavii anui, nagua oo maa ya ja ia vii kuu ya.