San Juan 13:8 - El Nuevo Testamento y unos libros del Antiguo Testamento

⁸ Te jiñaꞌa Pedro: ―Ja maa san, chi ma ndakate saꞌun ni siꞌin san. Te jiñaꞌa Jesús: ―Nuu ja ma ndakate san siꞌin ni, te ma niꞌi taꞌu ni ja koo ni jin san ―jiñaꞌa ya.

San Juan 13:8 Iomraidhean Croise

Génesis 42:38

Te jiñaꞌa Jacob: ―Ma kuandetu rin ja kiꞌinkuei ron jin seyii rin, chi ja ni jiꞌi ñani, te maintnoꞌo ni kai kendoo, te nuu ja na in tnundoꞌo na kokuu ichi kiꞌinkuei ron, te vi kotavi kuechi ña ron ja kuu rin jin tnoꞌo suchi ini, chi ja makunijaꞌnu rin ―jiñaꞌa de.

Salmos 51:2

Ndakate ña ni in kiuu in kiuu ka nuu ndiꞌi jakueꞌe saꞌa san, te kindee ni yika kuechi san.

Salmos 51:7

Ndasavii ña ni jin ndaꞌa tnu hisopo, te na nduvii san. Ndakate ña ni, te na nduyaa ka san saa ti iñu nuu kuun.

Zacarías 13:1

’Te kiuu yun koo in nuu ndute nagua ja yun vi ndakate ndikin tata David vi ñayiu Jerusalén, mai ja vi ndundoo yika kuechi vi jatneꞌe ka oo jin.

San Mateo 16:22

Yun te ni keneꞌe siin ña Pedro jin ya, te kuxeen de nuu ya, jiñaꞌa de: ͏―͏¿Nau ja siun kaꞌan ni, vi Jitoꞌo san? Te ma kuandetu saꞌun ia Dios ja siun ndoꞌo ni ͏―͏jiñaꞌa de.

San Mateo 21:29

Te jiñaꞌa seyii de yun: “Tu kaꞌan san kiꞌin san”, jiñaꞌi. Su nuu kuee ka, te ni ndatnaꞌu ini, te kuaꞌin.

San Mateo 26:33

Yun te jiñaꞌa Pedro: ͏―͏Visi ndiꞌi de na vi ndayuꞌu, su sein, chi ma ndayuꞌu saꞌun san.

San Mateo 26:35

Yun te jiñaꞌa Pedro: ͏―͏Visi na kuu san jin ni, su ma kaꞌan san ja tu jini ña san ͏―͏jiñaꞌa de. Te vi suni saa ni ka jiñaꞌa ndiꞌi tee ka skuaꞌa jin ya.

San Juan 13:6

Yun te nuu ni kenta ya ja ndakate ya siꞌin Simón Pedro, te jiñaꞌa Pedro nuu ya: ―Jitoꞌo san, ¿nau ja saa maa ni ndakate siꞌin san? ―jiñaꞌa de.

San Juan 13:9

Te jiñaꞌa Simón Pedro: ―Jitoꞌo san, masu maintnoꞌo ni siꞌin san ndakate ni, chi suni ndakate ni ndaꞌa san vi xini san ―jiñaꞌa de.

San Juan 3:5

Te jiñaꞌa Jesús: ―Kaꞌan ndandaa ndija san ja na in ma ndakaku jin ndute vi jin Espíritu ia Dios, te ma kuu kiui nuu tatnuni ya.

Hechos 22:16

Te yun guaa vitna ma kokuu kuee ni. Ndakoo ni te kuandute ni, te kakantaꞌu ni jin sivi maa Jitoꞌo Jesús ja na ndasavii ya anu ni vi na kindee ya yika kuechi ni” kachi Ananías nuu san.

1 Corintios 6:11

Te saa ni ka osaꞌa sava maa ni ama ka, su vitna, chi ja ni ka nduvii ni nuu ia Dios, te ñayiu ndaa ni ka nduu ni nuu ya, te tu ka na kuechi ka tavi ni jin jakaꞌnu maa Jitoꞌo Jesukristu vi jin maꞌñu sagua Espíritu ia Dios mao.

Efesios 5:26

Suaꞌa ni saꞌa ya nagua ja saꞌa siin ña ya ja vi kokuo ñayiu maa ya, te ni ndasaꞌa ndoo ña ya jin maꞌñu sagua tnoꞌo ya nuu ni ka janduteo,

Colosenses 2:18

Te ma vi kuandetu ni ja vi kindee ñayiu ja vi kutaꞌu ni nuu ia Dios, nuu ka saꞌi na kuinio ja ka saꞌa ndaꞌu ka saꞌa kei mai vi ka chiñuꞌi ia ka jinokuechi nuu Dios. Te ka kaꞌin ja ia Dios ni skuni ña jin, guaa ka saꞌa teyii ndevaꞌi jin jajintnuni mai.

Colosenses 2:23

Te jandaa ja tnoꞌo yaꞌa, chi vi kokaꞌon ja tnoꞌo ndichi ka kaxtnoꞌo ñayiu kuu, chi ka saꞌi ja vi nii ini ka chiñuꞌi ya, te ka saꞌi ja ka saꞌa ndaꞌui mai, vi ka xndoꞌo ndevaꞌi yiki kuñui, su tu nagua jiniuꞌu saꞌun ja vi junkanio ja ka jioꞌo nuu ñuyiu yaꞌa.

Tito 3:5

te ni skaku niꞌnu ña ya, su masu ja ka saꞌa yoon tniuu guaꞌa, chi ja ni kundaꞌu ini ña ya jin maꞌñu sagua ja ni ndasavii ña ya jion nuu yika kuechio nuu ni ndaskaku jaa ña Espíritu maa ya, te ni ka nduo ñayiu jaa.

Hebreos 10:22

Yun guaa na vi kuyatnio nuu ia Dios jin in anu ndaa, te na vi kandija ndaa kuitio. Chi ni ndasavii ya anuo ja ma vi kokusuchi ka inio nuu jakueꞌe ni ka osaꞌo, te ni ndasavii ya yiki kuñuo jin ndute vii.

El Apocalipsis 1:5

Te suni vaji nuu Jesukristu, ia kuu testiu ndaa, ia ni ndateku xtnañuꞌu ka neꞌu ndiyi, ia tatnuni nuu taka rey ka oo ñuyiu. Te ni kutoo ña Jesukristu jin yoon guaa ni ndakate ya yika kuechio jin niñi ya.

El Apocalipsis 7:14

Te jiñaꞌa san: ―Maa ni kuu ja jini, vi Jitoꞌo san ―jiñaꞌa san. Te kachi ya: ―Ñayiu yaꞌa ka kuu ñayiu ni ka yaꞌa nuu kuaꞌa ndevaꞌa tnundoꞌo. Te ni ka ndakatei saꞌun ka niꞌnui jin niñi Lelu, te ni nduyaa vivii.