San Juan 13:5 - El Nuevo Testamento y unos libros del Antiguo Testamento

⁵ Yun te ni tnaa ya ndute nuu in tijaꞌan, te ni jinkondee ya ni ndakate ya siꞌin tee ka skuaꞌa jin ya, te ni ndasichi ya jin toalla ja yindee xiin chii ya.

San Juan 13:5 Iomraidhean Croise

Génesis 18:4

Na kana san vi kisiaꞌa joo ndute vi ndakate ni jaꞌa ni, te vi ndatatu nuu ni joo kati yutnu yaꞌa.

Génesis 19:2

te jiñaꞌa de: ―Jitoꞌo san, jikantaꞌu san ja neꞌekuei ni na kiꞌinkueio vi ndoo veꞌe san ja kuu san tee jinokuechi nuu ni, te yun na taa san joo ndute vi ndakate ni jaꞌa ni, te tuu xtnee saa kiꞌinkuei ni ―jiñaꞌa de. Te ka jiñaꞌa ia yun: ―Ñaꞌa, ma kondiꞌni ni, chi nuu yaꞌu ni yaꞌa vi ndoo san ―ka jiñaꞌa ya.

Génesis 43:24

Te ni jaka ña de jin tee yun veꞌe José, te ni jiñaꞌa de ndute ja ni ka ndakate tee yun siꞌin de, vi ni jiñaꞌa de ja ni ka jaa mentu tee yun.

Salmos 51:2

Ndakate ña ni in kiuu in kiuu ka nuu ndiꞌi jakueꞌe saꞌa san, te kindee ni yika kuechi san.

Zacarías 13:1

’Te kiuu yun koo in nuu ndute nagua ja yun vi ndakate ndikin tata David vi ñayiu Jerusalén, mai ja vi ndundoo yika kuechi vi jatneꞌe ka oo jin.

San Lucas 7:38

Te nuu ni jino ña, te ni jinkuiin jiti ña nuu jaꞌa Jesús, te ni jinkondee ña jaku ña, te joso ña ndute nuu ña siki jaꞌa ya. Yun te ndasaꞌa yichi ña jin ixi xini ña, te tetuyuꞌu ña jaꞌa ya, te ni chiꞌi ña tatna xiko nee ña yun.

San Lucas 7:44

Te ni ndakondiaꞌa ya nuu ñaꞌa yun, te jiñaꞌa ya nuu Simón: ―¿A ndiaꞌa ni ñaꞌa yaꞌa? Ja vi ndute nuu ña ni ndakate ña jaꞌa san, te vi ixi xini ña ni ndasaꞌa yichi ña. Te maa ni, chi vi ndee nuu ni kiuu san veꞌe ni ndee vitna, tu taa ni joo ndute ja ndakate san jaꞌa san.

San Juan 13:10

Te jiñaꞌa Jesús: ―Tee ja vi inka ni jichi de, tu jiniuꞌu ka ja ndundoo de, maa ni siꞌin de, chi ja oo vii nii de. Te maa ni, chi ja ka oo vii ni, visi masu ndiꞌi ni ―jiñaꞌa ya.

San Juan 13:6

Yun te nuu ni kenta ya ja ndakate ya siꞌin Simón Pedro, te jiñaꞌa Pedro nuu ya: ―Jitoꞌo san, ¿nau ja saa maa ni ndakate siꞌin san? ―jiñaꞌa de.

San Juan 13:8

Te jiñaꞌa Pedro: ―Ja maa san, chi ma ndakate saꞌun ni siꞌin san. Te jiñaꞌa Jesús: ―Nuu ja ma ndakate san siꞌin ni, te ma niꞌi taꞌu ni ja koo ni jin san ―jiñaꞌa ya.

San Juan 19:34

Su in soldado yun ni tuu de lanza de yika ya, ni june de, te vi nuu saa ni kee niñi vi ndute.

Hechos 22:16

Te yun guaa vitna ma kokuu kuee ni. Ndakoo ni te kuandute ni, te kakantaꞌu ni jin sivi maa Jitoꞌo Jesús ja na ndasavii ya anu ni vi na kindee ya yika kuechi ni” kachi Ananías nuu san.

1 Corintios 6:11

Te saa ni ka osaꞌa sava maa ni ama ka, su vitna, chi ja ni ka nduvii ni nuu ia Dios, te ñayiu ndaa ni ka nduu ni nuu ya, te tu ka na kuechi ka tavi ni jin jakaꞌnu maa Jitoꞌo Jesukristu vi jin maꞌñu sagua Espíritu ia Dios mao.

Efesios 5:26

Suaꞌa ni saꞌa ya nagua ja saꞌa siin ña ya ja vi kokuo ñayiu maa ya, te ni ndasaꞌa ndoo ña ya jin maꞌñu sagua tnoꞌo ya nuu ni ka janduteo,

1 Timoteo 5:10

Te na kokuu in ñaꞌa ja ka jini ña ñayiu ja saꞌa ña tniuu guaꞌa, ja ni skuaꞌnu vii ni skuaꞌnu vaꞌa ña seꞌe ña, vi ni jantaꞌu guaꞌa ña ñayiu ni jaꞌankuei veꞌe ña, vi ni ndakate ña jaꞌa ñayiu ka kandija ia Dios, vi ni chituu ña ñayiu ka tnaꞌa tnundoꞌo, vi ni saꞌa ña ndiꞌi tniuu guaꞌa.

Hebreos 10:22

Yun guaa na vi kuyatnio nuu ia Dios jin in anu ndaa, te na vi kandija ndaa kuitio. Chi ni ndasavii ya anuo ja ma vi kokusuchi ka inio nuu jakueꞌe ni ka osaꞌo, te ni ndasavii ya yiki kuñuo jin ndute vii.

1 Juan 1:7

Su nuu ja ka jikao nuu yeꞌe niꞌnu, te ka jikao jin maa ya ja oo ya nuu yeꞌe niꞌnu, te yun guaa ka jika inuu in in mao, te niñi maa Seꞌe ya Jesukristu ndasavii ndiꞌi yika kuechio.

1 Juan 5:6

Te Jesukristu kuu ia ni kii ñuyiu jin ndute vi niñi, te masu maintnoꞌo ni kii ya ja ni jandute ya jin ndute, chi suni ni jati niñi ya nuu ni jiꞌi ya. Te Espíritu kuu ia ndakani ndaa ja jaꞌa ya, chi maa Espíritu Dios kuu ia kaꞌan ndaa ndija.

El Apocalipsis 1:5

Te suni vaji nuu Jesukristu, ia kuu testiu ndaa, ia ni ndateku xtnañuꞌu ka neꞌu ndiyi, ia tatnuni nuu taka rey ka oo ñuyiu. Te ni kutoo ña Jesukristu jin yoon guaa ni ndakate ya yika kuechio jin niñi ya.

El Apocalipsis 7:14

Te jiñaꞌa san: ―Maa ni kuu ja jini, vi Jitoꞌo san ―jiñaꞌa san. Te kachi ya: ―Ñayiu yaꞌa ka kuu ñayiu ni ka yaꞌa nuu kuaꞌa ndevaꞌa tnundoꞌo. Te ni ka ndakatei saꞌun ka niꞌnui jin niñi Lelu, te ni nduyaa vivii.