San Juan 12:34 - El Nuevo Testamento y unos libros del Antiguo Testamento

³⁴ Te ka jiñaꞌa ñayiu yun nuu ya: ―Ka jini san ja kaꞌan nuu Ley, ja Kristu, ia tetniuu Dios, chi koteku ya nikuii nikani. ¿Te nau ja kaꞌan ni ja nini kuu ja ndakoo sukun Seꞌe Teyii? ¿Te na in kuu Seꞌe Teyii yun nuu saa? ―ka jiñaꞌi.

San Juan 12:34 Iomraidhean Croise

Salmos 110:4

Ni kee yuꞌu Jitoꞌo Dios, te ma ndatnaꞌnu ini ya: Maa ron kuu sutu ja oo nikuii nikani, te kokuu inuu ron jin naxa oo Melquisedec.

Salmos 72:7

Te kosaꞌa ndaa de tiempu ja kotatnuni de, te vi koo mani ñayiu, te vi koo vii vi koo vaꞌi, guaa ndee nuu ma yeꞌe ka yoo andivi.

Isaías 53:8

Yun te ni ka kakuiko ña, te ndevaꞌa ndetnuni ni ka saꞌa ña jin de, te tu ni ka saꞌa ndaa ja jaꞌa de, chi ni ka xnaa ña jin de. Te tu na in kondakakuneꞌe ndikin tata de nuu ñuyiu yaꞌa, chi ni ka jaꞌni ña jin de ja jaꞌa jakueꞌe ka saꞌa ñayiu ñuu san.

Daniel 2:44

Te kiuu ja vi kotatnuni rey yaꞌa, chi saꞌa ia Dios oo ndee andivi ja ndakoo inka rey kotatnuni ja ma naa saꞌun. Te ni in ñuu ma kundee ja kokuu nijaꞌnu nuu, te xnaa ndiꞌi nuu ka tatnuni sava ka rey. Su maa, chi nikuii nikani ni koo.

Daniel 7:14

Te ni ka chitniuu ña jin ya vi ni ka jiñaꞌa jayiñuꞌu nuu ya, vi ja kotatnuni ya, nagua ja ndiꞌi ñayiu ñuu naꞌnu vi ñuu kueli vi saꞌan ka kaꞌin, na vi kunukuechi nuu ya. Te tniuu nee ya kuu in ja konee ya nikuii nikani ja ma yaꞌa, te nuu tatnuni ya kuu in nuu ma naa saꞌun.

Daniel 7:27

Yun te vi kuñaꞌa ya nuu tatnuni vi jakaꞌnu vi javii ndevaꞌa oo ndiꞌi nuu ka tatnuni ñayiu ñuyiu ja oo chii andivi, nuu ñayiu ñuu maa ia Dios oo ndee sukun. Te nuu vi kotatnuni kokuu in nuu kotatnuni nikuii nikani, te ndiꞌi tee ka tatnuni ñuyiu vi kokunukuechi de nui, te vi kokuantnoꞌo de.

San Mateo 16:13

Yun te nuu ni jinokuei Jesús taka ñuu ka oo Cesarea Filipo, te ni jikan tnoꞌo ya tee ka skuaꞌa jin ya, te jiñaꞌa ya: ͏―͏¿Naxa ka kaꞌan ñayiu na in kuu sein ja kuu san Seꞌe Teyii?

San Mateo 21:10

Te nuu ni kiuu ya maa Jerusalén, te ndiꞌi ñayiu ñuu yun ni ka kuvaa, te ni ka jikan tnoꞌo tnaꞌi: ͏―͏¿Na in kuu tee yaꞌa?

San Mateo 8:20

Yun te jiñaꞌa Jesús: ͏―͏Ñukuii, chi ka oo kava veꞌe ti, saa ni kiti ndagua, chi ka oo taka ti. Su sein ja kuu san Seꞌe Teyii, chi vini nuu kakintuu san xini san, tu nagua nevaꞌa san.

San Juan 10:34

Yun te jiñaꞌa Jesús: ―Nuu tutu Ley ka nevaꞌa maa ni yoso: “Ja ni kachi rin ja dios ka kuu maa ron”, kachi tutu ii.

San Juan 12:32

Te nuu na ndakoo sukun san nuu ñuꞌu yaꞌa, te saꞌa san ja ndiꞌi ñayiu kikuei nuu maa san ―jiñaꞌa ya.

San Juan 15:25

Te saa kokuu nagua ja skunkuu tnoꞌo yoso nuu tutu Ley ia Dios ja ka nevaꞌi nuu kaꞌan suaꞌa: Ni ka kaꞌan uꞌu ñai jin rin, visi tu na kuechi rin kachi tutu ii.

San Juan 8:28

Te jiñaꞌa ka Jesús: ―Nuu na vi ndaneꞌe sukun ni Seꞌe Teyii, yun te saa vi kuni ni ja sein, chi Maa San Kuu, te tu saꞌa san nagua kuini maa san, chi kaꞌan san nagua ni kaxtnoꞌo maa Tata san.

Romanos 3:19

Su ka jinio ja ndiꞌi nagua kaꞌan nuu Ley Moisés, kaꞌan siki ñayiu ka oo jin Ley yun, nagua ja ndiꞌi ñayiu na vi kasi yuꞌu, te na saꞌa ndaa ia Dios yika kuechi ndiꞌi ñayiu ñuyiu.

Romanos 5:18

Nuu saa te ja yika kuechi invaa tee kuu Adán, ni saꞌa ja ni ka tau tniaꞌa ndiꞌi ñayiu, te suni jin tniuu ndaa ja ni saꞌa Jesukristu ni jakaꞌnu ini ia Dios yika kuechi ndiꞌi ñayiu, nagua ja vi kotekui jin ya.

Hebreos 7:24

Su Jesús, chi ma kuu saꞌun ya, te tniuu yiꞌi ya ja kuu ya sutu, chi ma ndayaꞌa nuu ni in ka sutu.