San Juan 12:23 - El Nuevo Testamento y unos libros del Antiguo Testamento

²³ Yun te jiñaꞌa Jesús: ―Ja ni kenta maa kiuu ja ndukaꞌnu Seꞌe Teyii.

San Juan 12:23 Iomraidhean Croise

Isaías 55:5

Te kana ron ñayiu taka ñuu ja tu jini ron, te ka jino ñayiu ñuu ja tu ka jini ña jin ron jakuei nuu oo ron, ja jaꞌa maa rin ja kuu Jitoꞌo ron, ia Dios maa ron, ia ii ñayiu Israel ja ni saꞌa ja oo jayiñuꞌu nuu ron.”

Isaías 60:9

Te jandaa ndija ja maa rin ka ndetu ñayiu ka oo taka ñuu jika. Te xtnañuꞌu ka barco ñayiu ñuu Tarsis kikuei ja ndikuei jin seꞌe ron ja ka oi ndee ñuu jika yun, te kikuei jin plata vi oro ja ka nevaꞌi, nagua ja na koo jayiñuꞌu nuu maa rin ja kuu rin Jitoꞌo, ia Dios ron, ia ii ñayiu Israel, chi ni saꞌa kaꞌnu ña rin jin ron.

San Mateo 25:31

Yun te jiñaꞌa tuku ya: ͏―͏Nuu ndajiokuiin sein ja kuu san Seꞌe Teyii jin jayeꞌe tajan san, vi jin ndiꞌi ia ka jinokuechi nuu san, yun te junkoo san nuu yeꞌe tajan ja tatnuni san.

San Mateo 26:45

Yun te ni ndajino ya nuu ka oo tee ka skuaꞌa jin ya, te jiñaꞌa ya: ͏―͏¿A vi ka kixin ni ni vi ka ndatatu ni? Te ja ni jino ore ja vi kakuiko ña ñayiu ka saꞌa yika kuechi jin sein ja kuu san Seꞌe Teyii.

San Marcos 14:35

Yun te ni jika ya joo ni jaꞌan ya, te ni jinkuiin jiti ya vi ndee ni kunjino tnee ya nuu ñuꞌu, te ni ndakuatu ya nuu ia Dios ja nuu ja suaꞌa te na kuu, te ma tnaꞌa ya tnundoꞌo ja vaji siki ya.

San Marcos 14:41

Te ni ndajino ya jichi kuu uni nuu ka oo de, te jiñaꞌa ya: ―¿A vi ka kixin ni ni vi ka ndatatu ni? Su ja ni kuu ni, chi ja ni jino ore ja vi kakuiko ña ñayiu ka saꞌa jakueꞌe jin sein ja kuu san Seꞌe Teyii.

San Juan 12:16

Te tu ni ka jinkuiꞌnu ini tee ka skuaꞌa jin ya kiuu yun ja siun kei kaꞌan nuu tutu ii, su nuu ni ndukaꞌnu Jesús ja mandaa ya andivi, yun te saa ni ka ndakaꞌan de ja ndiꞌi tnoꞌo ja yoso yun kaꞌan ja jaꞌa ya, vi nagua ni ka saꞌa ña jin ya.

San Juan 12:27

Te suni jiñaꞌa Jesús: ―Tnaꞌu ndevaꞌa ini san vitna, ¿te naxa kaꞌan san? ¿A kuñaꞌa san nuu Tata san: “Skaku niꞌnu ña ni nuu tnundoꞌo yaꞌa vitna”? Ñaꞌa, ma kuu, chi ja jaꞌa yaꞌa guaa ni kenta san vitna ja tnaꞌa san tnundoꞌo.

San Juan 13:1

Te jañini ama ka ja kejaꞌa viko pascua ñayiu judio, te ja ni jini kaji Jesús ja ni kenta kiuu ja xndendoo ya ñuyiu yaꞌa, te noꞌo ya ja ndanitnaꞌa ya jin Tata ya. Te ja siun ni okutoo ya ñayiu maa ya ja ka oi nuu ñuyiu, te vi saa ni kutoo ña ya guaa ndee kiuu sandiꞌi.

San Juan 7:39

Te tnoꞌo yaꞌa ni kaꞌan Jesús ja jaꞌa Espíritu ia Dios ja vi niꞌi ñayiu vi kandija ña jin ya, chi kuini ka ja kii Espíritu ia Dios, chi chiaꞌan ka ja noꞌo ya nuu yeꞌe tajan ya.