San Juan 11:52 - El Nuevo Testamento y unos libros del Antiguo Testamento

⁵² Te masu maintnoꞌo ja jaꞌa ñayiu ñuu judio kuu ya, chi suni ja ndaxtutu ya ndiꞌi ñayiu ja ka kui seꞌe maa ia Dios ja ni ka jitenui taka ñuu.

San Juan 11:52 Iomraidhean Croise

Génesis 49:10

Te tu na in kindee seyu Judá nuu mesa ja tatnuni de, ni vara ii tee netniuu, vi guaa ndee na ndenta maa tee xiin kuenta yun. Te nuu maa de guaa vi kandija ñayiu ñuu te vi ndututui ja vi chiñuꞌu ñai.

Salmos 22:15

Te ni yichi jandakui san na kuinio in tichioo, te ni tnindee yaa san ini laꞌla san, te ni siaa ña ni ja vi ja oo ni ka san ja nduu san ñuyaka ja kuu san.

Salmos 22:27

Te ndiꞌi tuꞌu maa ni ja ka oo ndee jaꞌa ñuyiu, vi ndakaꞌan ni Jitoꞌo Dios, te vi ndajiokuiin ni nuu ya. Te ndiꞌi tatatnoꞌo vi ñayiu ñuu, na vi jinkuiin jiti nuu ni, vi Dios, ja vi chiñuꞌu ñai.

Salmos 72:19

Te kaꞌnu kuu sivi ya, chi siun ni yeꞌe tajan ya, te ninii nuu ñuyiu yeꞌe tajan ya. Saa na kokuu vi saa na kokuu.

Isaías 49:18

Ndanenuu te kondiaꞌa nii nuu oo ron, chi ndiꞌi ñayiu maa rin ni ka ndututu, te vajikuei nuu oo ron. Te kee yuꞌu rin jin ja teku maa rin, kachi rin ja kuu rin Jitoꞌo, ja ndiꞌi ñayiu yun vi kokuu na kuinio ja ñuꞌu sukun ron vi na kuinio ja ni ndukutu vii in suchi siꞌi ja tnandaꞌi.

Isaías 49:6

Te kachi ya nuu san: “Masu na ja vaviꞌi kuu ja kokuu ron tee jinokuechi nuu rin, ja ndaxtutu ron ñayiu Israel ja ka teku ka, ja ka kui ndikin tata Jacob, nagua ja na vi ndajiokuiin ñui. Chi suni saꞌa rin ja kokuu ron na kuinio ñuꞌu ja koyeꞌe ron nuu ñayiu sava ka tatatnoꞌo, vi nagua ja kaxtnoꞌo ron nuu ñayiu ka oo ndee jaꞌa ñuyiu ja skaku niꞌnu rin jin.”

Isaías 55:5

Te kana ron ñayiu taka ñuu ja tu jini ron, te ka jino ñayiu ñuu ja tu ka jini ña jin ron jakuei nuu oo ron, ja jaꞌa maa rin ja kuu Jitoꞌo ron, ia Dios maa ron, ia ii ñayiu Israel ja ni saꞌa ja oo jayiñuꞌu nuu ron.”

Isaías 56:8

Te ndaxtutu ka rin ñayiu ñuu rin jin sava ka ñayiu ka oo ii sava ka ñuu ja ni ndatau rin, nagua ja na vi ndututui”, kachi Jitoꞌo, ia ndaxtutu ñayiu Israel ja ni ka ndutenui sava ka ñuu.

Isaías 60:4

Kondiaꞌa nii nuu oo ron, te kuni ron ja ndiꞌi ñayiu ni ka ndututu, te vajikuei nuu ron. Te ndikuei seyii ron ndee ñuu jika, te vi kunundee ñayiu sesiꞌi ron ndikuei jin.

San Lucas 15:8

’Axi vi kokaꞌon ja in ñaꞌa nevaꞌa ña uxi xuꞌun kaa, te ni skiꞌin ña in, ¿a masu vi xnuu ña iti, te ndaxtaa vii ña veꞌe ña, te ndanduku vivii ña xuꞌun ña guaa ndee ndaniꞌi ña?

San Lucas 2:32

Chi maa ya kuu ñuꞌu ja sieꞌe nuu ñayiu sava ka tatatnoꞌo, te saꞌa ya ja koo jayiñuꞌu nuu ñayiu ñuu ni Israel ni kachi Simeón.

San Juan 1:12

Su ndiꞌi ñayiu ja ni ka jantaꞌu ya, vi ni ka kandijai ya, ni jiñaꞌa ya in jakaꞌnu nui ja ka kui seꞌe maa ia Dios.

San Juan 1:29

Yun te inka kiuu tnee suaꞌa, te ni jini ña Juan jin Jesús ja kuaꞌan ya nuu oo de, te jiñaꞌa de: ―Vi kondiaꞌa ni, chi yaꞌa vaji Lelu ia Dios, ia kindee yika kuechi ñayiu ñuyiu.

San Juan 10:16

Te suni ka oo ka ñayiu ja ka kuu na kuinio ndikachi ja masu ka oo nuu korra yaꞌa. Te suni kanuu ja junkuaka san ñayiu yun, te vi konini tnoꞌo kaꞌan san, te in ni kaꞌnu vi koo ndiꞌi ñayiu ka kandija, te invaa ni tee jito ña koo.

San Juan 12:32

Te nuu na ndakoo sukun san nuu ñuꞌu yaꞌa, te saꞌa san ja ndiꞌi ñayiu kikuei nuu maa san ―jiñaꞌa ya.

Hechos 18:10

Chi oo maa rin jin ron, te tu na in koxnaꞌa ña ja vi saꞌa ñai in jakueꞌe jin ron, chi nevaꞌa kuaꞌa rin ñayiu vi kandija tnoꞌo rin ñuu yaꞌa ―jiñaꞌa ya nuu jani yun.

Romanos 3:29

Te ¿a maa ni Dios ñayiu judio kuu ia Dios? ¿Te a masu suni Dios ñayiu sava ka tatatnoꞌo kuu ya? Saa kuu, chi jandaa ndija ja suni Dios ñayiu sava ka tatatnoꞌo kuu ya.

Romanos 4:17

nagua yoso nuu tutu ii: “Ni jani ña rin ja kokuu ron yua ñayiu kuaꞌa ñuu”. Te maa de kuu yuao nuu ia Dios, ia xiin nuu ni kandija de, ja ndaxteku ya ndiyi, te kaꞌan ya ja koo in ja chiaꞌan ka ja koo.

Efesios 1:5

Chi ja ndaꞌu ini ya, te ni kaji ña ya ja ni ndakuanseꞌe ña ya jion jin maꞌñu sagua Jesukristu, chi saa ni kuini ya ja saꞌa ya.

Efesios 3:11

Suaꞌa ni saꞌa ya nagua ni ndakani ini ya ja saꞌa ya ndee jaxtnañuꞌu, te ni skunkuu ya jin Jitoꞌo Jesukristu nuu ni kii ya ñuyiu.

Santiago 1:1

Maa san kuu Santiago ja jinokuechi san nuu ia Dios vi nuu Jitoꞌo Jesukristu. Tee san tutu yaꞌa nuu maa ni, ja ka kandija ni neꞌu ndi uxi uu tatatnoꞌo Israel, ja ni ka jitenuu ni ja ni ka jinkoo ni nuu sava ka ñuu ninii ñuyiu. ¿A kukueni ka oo ni?

1 Pedro 1:1

Maa san kuu Pedro, tee ni chitniuu ña Jesukristu, tee san tutu yaꞌa nuu maa ni ja ni ka jitenuu ni ka jika ndaꞌu ni ñuu ja tnii Ponto vi ñuu ja tnii Galacia vi ñuu ja tnii Capadocia vi ñuu ja tnii Asia vi ñuu ja tnii Bitinia.

1 Juan 2:2

Te maa Jesukristu kuu ia ni soko maa ya ja jaꞌa yika kuechio, te masu nani ja jaꞌa yoon, chi suni ja jaꞌa yika kuechi ndiꞌi ñayiu ñuyiu.

1 Juan 3:1

Vi kondiaꞌa ni naxa kutoo ña Tata Dios, ja vi konanio seꞌe maa ya, te saa ka kuo. Te yun guaa tu ka jini ña ñayiu ñuyiu jion, chi tu ni ka jini ia Dios.

1 Juan 3:10

Te yaꞌa kuu nuu ka xneꞌi mai ndei ka kuu seꞌe ia Dios, te ndei ka kuu seꞌe Tachi, chi ndiꞌi ñayiu tu ka saꞌa tniuu ndaa, te tu ka kaꞌan toi ñani, te masu seꞌe Dios ka kui.

1 Juan 3:2

Ñani kuaꞌa ja kutoo ña san, ja seꞌe maa ia Dios ka kuo, te chiaꞌan ka ja skuni kaji ña maa ya naxa vi koo nuu ndajiokuiin ya. Su ka jinio ja nuu na ndenta maa Jesukristu, te vi koo nagua oo maa ya, chi vi kunio ya, nagua oo nagua kaa ya.

El Apocalipsis 5:9

Te ni ka jita ya in yaa jaa, ja kaꞌan suaꞌa: Kanuu maa ni, ja tnii ni tutu yaꞌa, te kaꞌnde ni ñuma ja kuu seyu ja yitnuni tutu yaꞌa. Chi ni ka jaꞌni ña ñayiu jin ni, te jin niñi ni ni ndakiꞌin ni ñayiu ndiꞌi tatatnoꞌo, vi ndiꞌi nuu saꞌan vi ndiꞌi ñuu, ja vi kokui ñayiu maa ia Dios.