San Juan 10:6 - El Nuevo Testamento y unos libros del Antiguo Testamento

⁶ Tnoꞌo jioniꞌni yaꞌa ni kaꞌan Jesús jin ñayiu, su tu ni ka junkuiꞌnu ini naxa kei tnoꞌo ni kaꞌan ya.

San Juan 10:6 Iomraidhean Croise

Salmos 106:7

Chi tu ni ka tanuu ndi tata velu san tniuu vii tniuu vaꞌa ni saꞌa ia Dios nuu ni ka oi ñuu Egipto, te tu ni ka ndakaꞌin ja kundaꞌu ini ndevaꞌa ña ya jin, te ni ka ndakoi siki ya yatni yuꞌu ndute mar kuaꞌa.

Salmos 82:5

’Chi tu ka jini ron ja ka kuu ron chuꞌchi, te ni tu ka jinkuiꞌnu ini ron, te ka jika ron ñunee, te ka kisi ndiꞌi ja oo ñuyiu.”

Proverbios 28:5

Ñayiu kueꞌe, chi tu ka jinkuiꞌnu saꞌun ini ja vi saꞌa ndai. Su ñayiu ndanduku Jitoꞌo, chi ndiꞌi ni ja jinkuiꞌnu ini.

Isaías 56:11

Te ka kuu de na kuinio tiꞌina ja ka kokin ndevaꞌa ti, te ni ja tu ka ndutu chii ti. Te ka kuu de tee ka jito ndikachi ja tu ka jinkuiꞌnu saꞌun ini de, te in in de ni ka kiꞌin de ichi mamaa de, te ndiꞌi de ka nduku de ja vi jinkoo vaꞌa mamaa de.

Daniel 12:10

Te kuaꞌa ñayiu vi yaꞌa nuu tnundoꞌo, te vi nduvii ja vi ndee vi nduyayai. Su ñayiu kueꞌe, chi vi kosaꞌa ni mai jakueꞌe, te ni in ñayiu kueꞌe yun, ma vi junkuiꞌnu ini. Su ñayiu ndichi, chi vi junkuiꞌnu ini.

San Mateo 13:34

Ndiꞌi tnoꞌo yaꞌa ni kaꞌan jioniꞌni Jesús nuu ñayiu. Te ndimaa ni tnoꞌo jioniꞌni ni okaxtnoꞌo ya nuu ñayiu,

San Mateo 13:51

Yun te jikan tnoꞌo ña Jesús: ͏―͏¿A ka jinkuiꞌnu ini ni ndiꞌi tnoꞌo yaꞌa? Te ka jiñaꞌa tee ka skuaꞌa jin ya: ͏―͏Ka jinkuiꞌnu ini san, vi Jitoꞌo san.

San Marcos 4:34

Te ndiꞌi tnoꞌo ni okaꞌan jioniꞌni ya ja ni okaxtnoꞌo ya nuu ñayiu. Su nuu ka oo ni maa ya jin tee ka skuaꞌa jin ya, te ni ondakaxtnoꞌo ndiꞌi ya.

San Juan 16:25

Te jiñaꞌa tuku Jesús: ―Ni kaꞌan san tnoꞌo yaꞌa jin tnoꞌo jioniꞌni. Su vaji kiuu ja ma kaꞌan ka san tnoꞌo jioniꞌni, chi saa te kaxtnoꞌo kaji kuiti san ja jaꞌa Tata san.

San Juan 16:29

Yun te ka jiñaꞌa tee ka skuaꞌa jin ya: ―Vitna te kaꞌan kaji kuiti ni, te tu kaꞌan jioniꞌni ka ni.

San Juan 6:52

Yun te ni ka jinkondee tee judio ka tee tnaꞌa maa de, te ka kachi de: ―¿Naxa kuu taa tee yaꞌa yiki kuñu de ja vi kao? ―ka kachi de.

San Juan 6:60

Yun te nuu ni ka onini ndiꞌi ñayiu ka skuaꞌa jin Jesús tnoꞌo ni kaxtnoꞌo ya, te ka kachi: ―Ndakui ndevaꞌa tnoꞌo yaꞌa, ¿na in kundee ini konini? ―ka kachi.

San Juan 7:36

¿Axi naxa kei tnoꞌo kaꞌan de: “Vi ndanduku ña ni jin san, su ma vi ndaniꞌi ña ni, chi ma kuu kentakuei ni nuu koo san”? ―ka kachi de.

San Juan 8:27

Su tu ni ka jinkuiꞌnu ini ñayiu yun ja kaꞌan ya ja jaꞌa Tata Dios.

San Juan 8:43

¿Te nau ja tu ka jinkuiꞌnu ini ni nagua kaꞌan san? Saa, chi tu ka kuini ni vi konini ni tnoꞌo ja kaxtnoꞌo san.

1 Corintios 2:14

Su ñayiu ja tu ka oi jin Espíritu ia Dios, chi tu ka jantaꞌui tnoꞌo ja vaji nuu Espíritu ya, chi ka ndakani ini ja tnoꞌo vasa kuu. Te ma kuu vi jinkuiꞌnu ini, chi tu na Espíritu ia Dios oo jin ja kaxtnoꞌo ya naxa vi jinkuiꞌnu ini.

2 Pedro 2:22

Te jin ñayiu yaꞌa ni skunkuu ndaa tnoꞌo vi kokankaꞌan ñayiu nuu ka kaꞌin suaꞌa: “Tiꞌina, chi ndajiokuiin ti ndakaa ti ja ni ndujan ti”. Te “kini ja ni ka skuchi vii, ni ndajiokuiin tuku ti ndakuchi ñii ti nuu ndeꞌi”.

1 Juan 5:20

Su ka jinio ja ni kii Seꞌe maa Dios, te ni taa ya ja ni ka jinkuiꞌnu inio, nagua ja vi kunio ia Dios ndaa. Te ka oo jin ia ndaa, ja kuu maa Seꞌe ya Jesukristu. Te ia yaꞌa kuu Dios ndandaa ja taa ya ja vi kotekuo nikuii nikani.