San Juan 10:30 - El Nuevo Testamento y unos libros del Antiguo Testamento

³⁰ Maa san jin Tata san, chi in ni ka kuu san ―jiñaꞌa ya.

San Juan 10:30 Iomraidhean Croise

San Mateo 11:27

’Te ndiꞌi yaꞌa ni niꞌi san nuu Tata Yua san. Te ni in ñayiu, tu na in jini guaꞌa Seꞌe ia Dios, chi maintnoꞌo maa Yua, guaa jini ya. Te ni in ñayiu, tu na in jini guaꞌa Yua, chi maintnoꞌo maa Seꞌe ya, guaa jini, te nani kuu nuu ñayiu kaꞌan maa Seꞌe ia Dios ja vi kuni, te xneꞌe ya.

San Mateo 28:19

Yun kuu ja kuaꞌankuei ninii ñuyiu, te vi kaxtnoꞌo ron tnoꞌo vaꞌa rin nuu ñayiu ja na vi koskuaꞌi, te vi skuandute ron jin sivi Tata Dios vi jin Seꞌe ya vi jin Espíritu ya.

San Juan 10:29

Chi ni taa maa Tata san nuu ndaꞌa san, te kaꞌnu ka kuu maa ya saa nuu ndiꞌi, te tu na in ndakindee ña jin nuu ndaꞌa Tata san.

San Juan 10:36

¿Te nau ja ka kaꞌan maa ni ja kaneꞌe san jin Dios nuu kaꞌan san ja Seꞌe ia Dios kuu san? Chi ni saꞌa vii saꞌa vaꞌa ña ia Dios jin san, te ni tetniuu ña ya ja vaji san nuu ñuyiu.

San Juan 14:23

Yun te jiñaꞌa Jesús: ―Na ñayiu kutoo ña jin san, te jantnoꞌi tnoꞌo kaꞌan san, te kokutoo ña Tata san jin, te kikuei maa san jin Tata san, te vi koo san jin.

San Juan 14:9

Te jiñaꞌa Jesús: ―Felipe, ja ni kunaꞌa ka oo, ¿te a vi tu jini ña ni jin san? Chi na in jini ña jin san, te jini Tata san. ¿Te nau ja kaꞌan ni: “Xneꞌe ni Tata ni”?

San Juan 16:15

Chi ndiꞌi nagua nevaꞌa Tata san kuu kuenta maa san, te yun guaa ni kaꞌan san ja niꞌi Espíritu tnoꞌo ia Dios ja vaji nuu san, te kaxtnoꞌo ya nuu in in ni.

San Juan 17:10

Chi ndiꞌi nagua kuu kuenta san, suni kuenta maa ni kuu. Te nagua kuu kuenta ni, suni kuenta maa san kuu. Te jin maꞌñu sagua mai vi kuni ñayiu ja ia kaꞌnu kuu san.

San Juan 5:17

Yun te jiñaꞌa Jesús: ―Tata san, chi satniuu ya ndee kiuu vitna, te suni sein, chi satniuu san ―jiñaꞌa ya.

San Juan 5:23

Saa nagua ja ndiꞌi ñayiu na vi chiñuꞌu ña jin san ja kuu san Seꞌe ya, nagua ka chiñuꞌi Tata Dios, chi na in tu chiñuꞌu ña jin san ja kuu san Seꞌe ya, te tu ka chiñuꞌi maa Tata Dios, ia ni tetniuu ña jin san.

San Juan 8:58

Te jiñaꞌa Jesús: ―Kaꞌan ndandaa ndija san ja ama ka ja koo Abraham, te sein, chi ja oo san ―jiñaꞌa ya.

1 Timoteo 3:16

Ja ndaa ja kaꞌnu kuu tnoꞌo ni oyuꞌu ndee janaꞌa ja ka kandijao: Ni xneꞌe Dios maa ya nuu ni kuu ya teyii, Te Espíritu ia Dios kaxtnoꞌo ja oo guaꞌa ndiꞌi tniuu ni saꞌa ya. Te ni ka jini ia ka jinokuechi nuu Dios ja saa ni kuu. Te ni jitenuu tnoꞌo ya nuu ñayiu ñuyiu. Te ni ka kandija sava ñayiu nii ñuyiu tnoꞌo ya. Te mandaa ya kuanoꞌo ya andivi.

Tito 2:13

Te na vi kondetu kaꞌnuo kiuu sii ini ndevaꞌa ja ndajiokuiin Jesukristu jin jayeꞌe jatajan maa ia Dios kaꞌnu ndevaꞌa, ia skaku niꞌnu ña.

1 Juan 5:20

Su ka jinio ja ni kii Seꞌe maa Dios, te ni taa ya ja ni ka jinkuiꞌnu inio, nagua ja vi kunio ia Dios ndaa. Te ka oo jin ia ndaa, ja kuu maa Seꞌe ya Jesukristu. Te ia yaꞌa kuu Dios ndandaa ja taa ya ja vi kotekuo nikuii nikani.

1 Juan 5:7

Chi uni testiu ka oo andivi ja ka ndakani tnoꞌo ndaa: [maa Tata Dios, vi Tnoꞌo ya, vi Espíritu ya, te ndi uni yaꞌa kuu invaa ni Dios].