San Juan 10:24 - El Nuevo Testamento y unos libros del Antiguo Testamento

²⁴ Yun te ni ka jionduu ña tee ka kuu nijaꞌnu nuu ñayiu judio jin ya, te ka jiñaꞌa de: ―¿Nasaa ka kiuu guaa koskunu nuu ini ña ni? Nuu ja maa ni kuu ia ni tetniuu ña Dios, te uni in jichi ni kaxtnoꞌo kaji ni ―ka jiñaꞌa de.

San Juan 10:24 Iomraidhean Croise

San Mateo 11:3

ja vi kakan tnoꞌo ña de: ͏―͏¿A maa ni kuu ia ni tetniuu Dios ja kii, axi vi kondetu san inka? ͏―͏ka jiñaꞌa de.

San Marcos 8:32

Te vi ni kaꞌan kaji kuiti ya tnoꞌo yaꞌa. Yun te ni keneꞌe siin ña Pedro, te ni jinkondee de kuxeen de nuu ya.

San Lucas 3:15

Te ndiꞌi ñayiu ka ndetu ja tetniuu Dios in ia kii ja skaku niꞌnu ña, guaa ka ndakani ini jin anui axi saa suu kuu Juan.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 10:31

Yun te ni ka kundaꞌa tuku tee ka kuu nijaꞌnu nuu ñayiu judio yun yuu ja vi kuun ña de.

San Juan 10:33

Te ka jiñaꞌa de: ―Masu ja jaꞌa tniuu guaꞌa ni saꞌa ni guaa vi kani yuu ña san, chi ja jaꞌa ja kaneꞌe ni siki ia Dios, chi suni in teyii kuu ni, te saꞌa inuu ni maa ni jin ia Dios ―ka jiñaꞌa de.

San Juan 16:25

Te jiñaꞌa tuku Jesús: ―Ni kaꞌan san tnoꞌo yaꞌa jin tnoꞌo jioniꞌni. Su vaji kiuu ja ma kaꞌan ka san tnoꞌo jioniꞌni, chi saa te kaxtnoꞌo kaji kuiti san ja jaꞌa Tata san.

San Juan 8:25

Te ka jiñaꞌa de: ―¿Te na in kuu maa ni? Yun te jiñaꞌa Jesús: ―Ja ni kaꞌan san ndee jaxtnañuꞌu na in kuu san.

San Juan 8:53

¿Te a kaꞌnu ka ni saa nuu ndi tata velu san Abraham ja suni ni jiꞌi de nagua ni ka jiꞌi tee ni ka ndakani tnoꞌo ia Dios ndee janaꞌa? ¿Te na in kaꞌan maa ni ja kuu ni, nuu saa? ―ka jiñaꞌa de.

San Juan 9:22

Te tnoꞌo yun ka jiñaꞌa tata de vi nana de, chi ka yuꞌu ña de jin tee ka kuu nijaꞌnu nuu ñayiu judio, chi ja ni ka ndatnoꞌo tnaꞌa tee yun ja vi skunu ña de nuu veꞌe ii sinagoga nuu ja ndee in ñayiu na ndakuni ja Jesús kuu ia ni tetniuu Dios.

2 Corintios 3:12

Te ja ka ndetu kaꞌnu san tnoꞌo ja oo nikuii nikani kuu ja tu ka yuꞌu san ja ka kaꞌan san tnoꞌo ya.