San Juan 10:15 - El Nuevo Testamento y unos libros del Antiguo Testamento

¹⁵ Nagua jini ña maa Tata Dios jin san, te suni saa ni jini san Tata Dios, te suni soko san maa san, visi ndee na kuu san ja jaꞌa ñayiu ka kuu na kuinio ndikachi san.

San Juan 10:15 Iomraidhean Croise

Isaías 53:10

Su saa ni kuini maa Jitoꞌo ja tnaꞌa de tnoꞌo suchi ini vi kuaꞌa tnundoꞌo, te ja siun ni soko de maa de ja jaꞌa yika kuechi ñayiu. Te kuni de ndikin tata de, te koteku de kuakuaꞌa kuia, te jin maꞌñu sagua maa de, te kee guaꞌa nagua kuini Jitoꞌo ja saꞌa ya.

Isaías 53:8

Yun te ni ka kakuiko ña, te ndevaꞌa ndetnuni ni ka saꞌa ña jin de, te tu ni ka saꞌa ndaa ja jaꞌa de, chi ni ka xnaa ña jin de. Te tu na in kondakakuneꞌe ndikin tata de nuu ñuyiu yaꞌa, chi ni ka jaꞌni ña jin de ja jaꞌa jakueꞌe ka saꞌa ñayiu ñuu san.

Daniel 9:26

Su nuu yaꞌa uni xiko uu ja uja kuia, te vi kaꞌni ña jin tee ni kaji ia Dios ja kotatnuni, te tu saꞌun ka nagua kendoo. Te kii in tee kotatnuni, te ñayiu ñuu de vi xnani ñuu Jerusalén vi veñuꞌu. Te vi naa na kuinio nuu ndaa ndute, te ma junkuiin saꞌun tnundoꞌo yun, guaa ndee na ndiꞌi ja ka jaxin tnaꞌa ñayiu.

Zacarías 13:7

Ndakoo vi yuchi kani, te kiꞌin ron siki tee jito ndikachi rin vi siki tee ndeka tnaꞌa guaꞌa jin rin, jiñaꞌa Jitoꞌo, ia ndakui ndevaꞌa. Te xtuji ron tee jito ndikachi yun, te na vi kutenuu maa ti kiꞌinkuei ti. Te na ndakoo maa rin siki ñayiu ñuu rin ja ka kui na kuinio lelu kueli.

San Mateo 11:27

’Te ndiꞌi yaꞌa ni niꞌi san nuu Tata Yua san. Te ni in ñayiu, tu na in jini guaꞌa Seꞌe ia Dios, chi maintnoꞌo maa Yua, guaa jini ya. Te ni in ñayiu, tu na in jini guaꞌa Yua, chi maintnoꞌo maa Seꞌe ya, guaa jini, te nani kuu nuu ñayiu kaꞌan maa Seꞌe ia Dios ja vi kuni, te xneꞌe ya.

San Mateo 20:28

Te suni saa ni sein ja kuu san Seꞌe Teyii, chi masu vaji san ja vi kunukuechi ñayiu nuu san, chi vaji san ja kunukuechi san nuu ñayiu, te soko san maa san ja junkuꞌun yaꞌu nagua ja kuaꞌa ñayiu ndatau san nuu jakueꞌe ͏―͏jiñaꞌa ya.

San Lucas 10:21

Te vi maa nuu saa, ni kusii ndevaꞌa ini Jesús ni saꞌa Espíritu maa ia Dios, te jiñaꞌa ya: ―Ndakuantaꞌu san nuu ni, vi Tata Dios, ja kuu ni Jitoꞌo andivi vi ñuyiu, chi ni tayuꞌu ni taka yaꞌa nuu ñayiu ndichi vi ñayiu jinkuiꞌnu guaꞌa ini, te ni ndaxneꞌe ni nuu ñayiu ka kuu na kuinio suchi kueli. Saa, vi Tata, chi saa junkuaan ini maa ni ―jiñaꞌa ya.

San Lucas 10:22

Te ni kaꞌan ka ya nuu ñayiu: ―Ndiꞌi yaꞌa ni niꞌi san nuu Tata Yua san. Te ni in ñayiu tu na in jini na in kuu Seꞌe ia Dios, chi maintnoꞌo maa Yua, guaa jini ya. Te ni in ñayiu, tu na in jini na in kuu Yua, chi maintnoꞌo maa Seꞌe ya, guaa jini, te nani kuu nuu ñayiu kaꞌan maa Seꞌe ia Dios ja vi kuni, te xneꞌe ya na in kuu Tata Dios ―jiñaꞌa Jesús.

San Juan 1:18

Te tu saꞌun na in jini ia Dios, chi invaa maa Seꞌe ya, ia oo jin maa Tata Jaꞌnu, kuu ia ni ndakani naxa oo ia Dios.

San Juan 10:11

Maa san kuu tee jito guaꞌa ñayiu ja ka kui na kuinio ndikachi, te tee jito guaꞌa ndikachi, chi soko de maa de, visi ndee na kuu de ja jaꞌa ti.

San Juan 15:13

Chi ni in, tu na in kaꞌan too tnaꞌa guaꞌa ka saa yaꞌa: ja vi sokoi mai ja kui ja jaꞌa amigoi.

San Juan 17:25

Tata Dios, ia ndaa kuu ni, te ñayiu ñuyiu, chi tu ka jini ñai jin ni, su sein chi jini ña san. Te ñayiu yaꞌa, chi suni ka jini ja maa ni ni tetniuu ña jin san.

San Juan 6:46

Su ni in ñayiu tu na in jini nui Tata Dios, chi maintnoꞌo ia vaji nuu maa Dios, ia yaꞌa kuu ia jini ña jin maa Tata Dios.

San Juan 8:55

Su maa ni, chi tu ka jini ni ya, su ndia sein, chi jini san ya, te nuu ja na kaꞌan san ja tu jini san ya, te chia tnoꞌo san, na kuinio in in maa ni. Su jini san ya vi skunkuu san tnoꞌo ya.

Gálatas 1:4

Chi ni soko Jesukristu maa ya ja ni jiꞌi ya ja jaꞌa yika kuechio, nagua ja saa te skaku niꞌnu ña ya nuu ñuyiu kueꞌe ja ka oo vitna, chi saa kuini maa Dios, ia kuu Tatao, ja saꞌa ya.

Gálatas 3:13

Te Kristu, chi ni tniuyaꞌu ya ja ni ndatau ña ya nuu tnoꞌo kaꞌan Ley ja ni ka tau tniaꞌo siki yika kuechio, chi maa ya ni tau tniaꞌa nuu ia Dios ja jaꞌo, chi yoso nuu tutu ii: “Na tau tniaꞌa ndiꞌi ñayiu ja intakaa nuu in yutnu”, kachi tutu ii.

Efesios 5:2

Te vi kaꞌan too tnaꞌa ni, nagua kutoo ña Jesukristu jin in ion, te ni soko ya maa ya ja jaꞌo, na kuinio in lelu, te ni kenta xiko asin ndee nuu ia Dios.

Tito 2:14

Te suu maa ya kuu ia ni soko maa ja jaꞌa in ion, nuu ni tniuyaꞌu ya ndiꞌi yika kuechio, te ni ndasavii ña ya ja vi kokuo ñayiu ñuu maa ya, te na vi kondioo ndevaꞌa inio ndiꞌi tniuu guaꞌa ja vi saꞌo.

1 Pedro 2:24

Te maa Jesukristu ni jiso siki ndiꞌi yika kuechio nuu ni jiꞌi ya yika cruz, nagua ja vi kuo nuu yika kuechio, te vi ndatekuo ja vi kaka ndao nuu ichi ya. Chi jin ja ni tuji ya, te ni ka nduvaꞌa yoon.

1 Pedro 3:18

Chi suni saa ni tnaꞌa Jesukristu tnundoꞌo nuu ni jiꞌi ya invaa jichi ja jaꞌa yika kuechi ndiꞌo. Te ia vii ia vaꞌa kuu ya, su ni tnaꞌa ya tnundoꞌo ja jaꞌa yoon ja ni ka okuo ñayiu kueꞌe, nagua ja ndakuaka ña ya noꞌokueio nuu ia Dios. Chi ni jiꞌi ya jin yiki kuñu ya, su ni ndateku ya ni saꞌa Espíritu maa ia Dios.

1 Juan 2:2

Te maa Jesukristu kuu ia ni soko maa ya ja jaꞌa yika kuechio, te masu nani ja jaꞌa yoon, chi suni ja jaꞌa yika kuechi ndiꞌi ñayiu ñuyiu.