San Juan 10:14 - El Nuevo Testamento y unos libros del Antiguo Testamento

¹⁴ ’Maa san kuu tee jito guaꞌa ndikachi, te jini guaꞌa san taka ñayiu ja ka kuu na kuinio ndikachi san, te suni ka jini ña mai jin san.

San Juan 10:14 Iomraidhean Croise

Salmos 1:6

Chi jito ña maa Jitoꞌo Dios jin ñayiu ndaa nuu ichi ka jikai, su ñayiu kueꞌe, chi kuaꞌankuei mai ichi nuu vi nai.

Isaías 40:11

Te kokoto maa ya ñayiu na kuinio in tee jito ndikachi, te ndakanu ndee ña ya, nagua saꞌa de nuu ndakanu ndee de lelu kueli de, te ka ndetuu ti ndee ndika de, te vivii jito de ndikachi inka jaa ni ni ka kaku seꞌe ti.

Isaías 53:11

Te nuu yaꞌa tnundoꞌo ja tnaꞌa de, te kuni de ja kee guaꞌa, te kendoo vaꞌa ini de. Te kindee tee ndaa ja jinokuechi nuu rin yika kuechi kuaꞌa ñayiu, te kondiso kotavi maa de jakueꞌe ka saꞌa ñayiu yun.

San Juan 10:11

Maa san kuu tee jito guaꞌa ñayiu ja ka kui na kuinio ndikachi, te tee jito guaꞌa ndikachi, chi soko de maa de, visi ndee na kuu de ja jaꞌa ti.

San Juan 10:13

Te tee niꞌi yaꞌu yun, chi jino yuꞌu de kuaꞌan de, chi maa ni nduku de xuꞌun, te tu ndiꞌni de nagua ka kuu ndikachi yun.

San Juan 10:27

Chi ñayiu ka kuu ndikachi san, chi ka nini tnoꞌo kaꞌan san, te jini san jin, vi ka ndikin ñai jin san.

San Juan 17:3

Te ja vi kotekui nikuii nikani kuu nuu vi kuni ñai jin ni, ja maa ni kuu invaa ia Dios ndaa, te suni vi kuni ñai jin san ja kuu san Jesukristu, ia ni tetniuu maa ni.

San Juan 17:8

Chi ni ndakani san nui ndiꞌi tnoꞌo ja ni kaꞌan ni nuu san, te ni ka jantaꞌui. Te ni ka jini ndai ja nuu maa ni ni kee ndija san vaji san, te ka kandijai ja maa ni ni tetniuu ña jin san.

2 Corintios 4:6

Chi maa Dios, ia ni tatnuni ja ni yeꞌe nuu nee, kuu ia ni saꞌa ja ni yeꞌe ini anuo nagua ja kuu vi kunio jayeꞌe tajan ia Dios, nagua yeꞌe ya nuu Jesukristu.

Efesios 1:17

Jikantaꞌu san nuu Dios, Tata maa Jesukristu, ia yeꞌe tajan, ja na taa ya Espíritu ya ja vi jinkuiꞌnu guaꞌa ini ni tnoꞌo ndichi vi skuni ña ya ja vi kuni guaꞌa ka ni ya.

Efesios 3:19

Saa te vi kuni ni naxa kutoo ña Jesukristu, ja kaꞌnu ndevaꞌa ka kuu saa nuu ndiꞌi ja ka jinio, nagua ja saa, te kentakuei ni vi koo ni naxa oo maa ia Dios.

Filipenses 3:8

Te ja ndaa ndija ja tu kukanu ini ka san ndiꞌi yun, chi in jaguaꞌa ka kuu ja jini guaguaꞌa san Jitoꞌo san Jesukristu. Te ja jaꞌa maa ya kuu ja tu ndiꞌni ka san ndiꞌi yun, te ndiaꞌa san na kuinio in miꞌi, nagua ja kundee san ja koo san jin Kristu.

2 Timoteo 1:12

Te yun guaa tnaꞌa san tnundoꞌo ja jaꞌa tnoꞌo vaꞌa ia Dios, su tu kukanoo san, chi jini san na xiin nuu kandija san. Te kukanu ini san ja ia kaꞌnu ndevaꞌa kuu ya, te koto ña ya jin ndiꞌi ja ni taa ya nuu ndaꞌa san guaa ndee kiuu ja ndii ya.

2 Timoteo 2:19

Su visi ni saa, te ni skuja guaꞌa ia Dios tnoꞌo ya, te ni kendoo yutnu, te suni yoso tnoꞌo yaꞌa: Jini maa Jitoꞌo na in ka kuu ñayiu maa ya. Te suni inka tnoꞌo kachi: Ndiꞌi ñayiu ja ka ndakakuneꞌe maa Jesukristu na vi kujioi nuu jakueꞌe.

1 Juan 5:20

Su ka jinio ja ni kii Seꞌe maa Dios, te ni taa ya ja ni ka jinkuiꞌnu inio, nagua ja vi kunio ia Dios ndaa. Te ka oo jin ia ndaa, ja kuu maa Seꞌe ya Jesukristu. Te ia yaꞌa kuu Dios ndandaa ja taa ya ja vi kotekuo nikuii nikani.

El Apocalipsis 2:13

“Ja jini rin ndiꞌi ja ka saꞌa ron, te jini rin ja nuu ka oo ron jian kuu nuu tatnuni Tachi. Su visi ni saa, te ka oo yutnu ron jin tnoꞌo rin, te vini kiuu ni ka jaꞌni Antipas, tee ndaa ja ni ndakani tnoꞌo rin neꞌu maa ron, te tu ni ka ndayuꞌu ron ja ka kandija ña ron. Chi ñuu nuu ka oo ron jian kuu ñuu nuu tatnuni Tachi.

El Apocalipsis 2:19

“Ja jini rin ndiꞌi ja ka saꞌa ron, te jini rin ja ka kaꞌan too tnaꞌa ron, vi ka kandija guaꞌa ña ron, te ka jinokuechi guaꞌa ron vi ka jandee ini ron nuu tnundoꞌo. Te jini rin ja guaꞌa ka ka saꞌa ron vitna, masu nuu ni ka kejaꞌa ron.

El Apocalipsis 2:2

“Ja jini rin ndiꞌi ja ka saꞌa ron, te ndiaꞌa rin ja ka nduku ndee ndevaꞌa ron ka satniuu ron, te ka jandee ini ron jin tniuu ka saꞌa ron. Te suni jini rin ja tu ka kundee ini ron jin ñayiu ka saꞌa jakueꞌe, chi ka jito tnuni ron taka tee tnoꞌo ka kaꞌan ja tee ni chitniuu rin ka kuu de, su masu inu ndija de, chi ni ka sinotuu ron de ja tee tnoꞌo ka kuu de.

El Apocalipsis 2:9

“Ja jini rin ndiꞌi ja ka saꞌa ron, te jini rin tnundoꞌo ja ka tnaꞌa ron, vi ja ka kundaꞌu ron, visi jandaa ja ka oo kuika ron nuu ia Dios. Te suni jini rin ja ka kaneꞌe ña ñayiu ka kaꞌan ja ñayiu judio ja ni kaji maa Dios ka kui, su masu ndija ja suu ka kui, chi ka kui na kuinio ñayiu ka ndututu ja ka jinokuechi nuu Tachi.

El Apocalipsis 3:1

Te suni ni kaꞌan tuku ya nuu san, te kachi ya: ―Tee tnoꞌo yaꞌa na kiꞌin nuu ia jinokuechi nuu Dios ja jito ñayiu ka skuaꞌa veñuꞌu oo ñuu Sardis: Suaꞌa kaꞌan ia nevaꞌa ndi uja espíritu ia Dios vi ndi uja kimi: “Ja jini rin ndiꞌi ja ka saꞌa ron, te suni jini rin ja ka kuu ron na kuinio ndiyi, visi ka teku tnoꞌo ron ja ka teku ron.

El Apocalipsis 3:15

“Ja jini rin ndiꞌi ja ka saꞌa ron ja ni masu ja vijin, te ni masu ja iꞌni ka kuu ron. ¡Vaa nuu suaꞌa te ja vijin axi ja iꞌni vi kokuu ron!

El Apocalipsis 3:8

“Ja jini rin ndiꞌi ja ka saꞌa ron. Te yaꞌa ni june rin na kuinio in yeꞌe ichi nuu ron ja kiukuei ron, te ni in ma kuu ndakasi, chi visi tu inu ndakui guaꞌa ron, su ni ka jantnoꞌo ron tnoꞌo rin, te tu ni ka tayuꞌu tnoꞌo ron ja ka kandija ña ron.