San Juan 1:7 - El Nuevo Testamento y unos libros del Antiguo Testamento

⁷ Ni kii de kuu de testiu ja ni ndakani de tnoꞌo yeꞌe niꞌnu, nagua ja jin maꞌñu sagua de, te ndiꞌi ñayiu vi kandija tnoꞌo yeꞌe niꞌnu yun.

San Juan 1:7 Iomraidhean Croise

Malaquías 3:1

Yun te kachi Jitoꞌo, ia ndakui ndevaꞌa: “Ja ni kuu ja tetniuu rin tee ndakani nuu ñayiu, te kosavaꞌa de ichi nuu kiꞌin rin, te sanaa ni te kiuu ia ii ndevaꞌa ja ka ndanduku ron ini veñuꞌu, chi kenta ia ka ndioo ini ron, ja vi kuni ron, te ndakani ya tratu ni saꞌa rin jin ron”, kachi ya.

San Juan 1:12

Su ndiꞌi ñayiu ja ni ka jantaꞌu ya, vi ni ka kandijai ya, ni jiñaꞌa ya in jakaꞌnu nui ja ka kui seꞌe maa ia Dios.

San Juan 1:15

Te ni ndakani Juan ja jaꞌa maa ya nuu ni kana jaa de, te jiñaꞌa de: ―Siki tee yaꞌa kuu ja ni kaꞌan san nuu ni kachi san suaꞌa: “Tee vaji yata ja vaji san kuu tee kuu kaꞌnu ka saa maa san, chi xtnañuꞌu ka de oo saa ni kaku sein”.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 1:36

Te nuu ni jini de Jesús, ja jiondita ya yun, te jiñaꞌa de: ―Tee yun kuu Lelu ia Dios.

San Juan 1:9

Te maa ya kuu ñuꞌu ndaa ndija ja yeꞌe niꞌnu nuu ndiꞌi ñayiu, te vaji ya nuu ñuyiu yaꞌa.

Hechos 19:4

Te jiñaꞌa Pablo: ―Juan ni skuandute de ñayiu nuu ni ka ndatnaꞌu ini yika kuechi, te jiñaꞌa de nuu ñayiu ñuu yun ja na vi kandijai Jesús, ia ni tetniuu Dios ja vaji yata nuu yaꞌa de yun.

Gálatas 3:26

Chi ndiꞌi ni ka kuu seꞌe ia Dios jin maꞌñu sagua ja ka kandija ni Jesukristu.

Efesios 3:9

Te ndakaxtnoꞌo kaji san nuu ndiꞌi ñayiu ndee ja kuu tnoꞌo ni ndakani ini Dios ja saꞌa ya, ia ni saꞌa ndiꞌi ja oo ñuyiu, ja kuu tnoꞌo ni yiyuꞌu ndee janaꞌa.

1 Timoteo 2:4

Chi kuini maa ya ja vi kaku niꞌnu ndiꞌi ñayiu, te kiukuei ja vi kuni tnoꞌo ndaa.

Tito 2:11

Te ni ka jinio, nuu ni xneꞌe ia Dios maa ya, ja ni kaꞌan ndaꞌu ni kaꞌan kee ña ya ja ni june ya ichi ja skaku niꞌnu ya ndiꞌi ñayiu.

2 Pedro 3:9

Te masu ja kukuee Jitoꞌo ja skunkuu ya tnoꞌo ni kee yuꞌu ya, nagua ka ndakani ini sava ñayiu ja ni kukuee ya, chi ndetu nuu ni ya ja jaꞌa in in maa ni, chi tu kuini ya ja ndee in ñayiu junaa, chi ndiꞌi na vi ndatnaꞌu ini, te na vi xndoi yika kuechi.