San Juan 1:51 - El Nuevo Testamento y unos libros del Antiguo Testamento

⁵¹ Te jiñaꞌa ka ya: ―Kaꞌan ndandaa san ja vitna jin kiuu kuaꞌon yun, vi kuni ni ja nune andivi, te makunkuei vi mandakuei ia ka jinokuechi nuu maa ia Dios nuu oo san ja kuu san Seꞌe Teyii ―jiñaꞌa ya.

San Juan 1:51 Iomraidhean Croise

Génesis 28:12

Te yun ni jani ja ni jini in escalera nukuiin guaa ndee nuu ñuꞌu yaꞌa, te yituu xtuu tnu ndee ndika andivi. Te yun makakuei vi manukuei ia ka jinokuechi nuu maa Dios nuu escalera yun.

Zacarías 13:7

Ndakoo vi yuchi kani, te kiꞌin ron siki tee jito ndikachi rin vi siki tee ndeka tnaꞌa guaꞌa jin rin, jiñaꞌa Jitoꞌo, ia ndakui ndevaꞌa. Te xtuji ron tee jito ndikachi yun, te na vi kutenuu maa ti kiꞌinkuei ti. Te na ndakoo maa rin siki ñayiu ñuu rin ja ka kui na kuinio lelu kueli.

San Mateo 25:31

Yun te jiñaꞌa tuku ya: ͏―͏Nuu ndajiokuiin sein ja kuu san Seꞌe Teyii jin jayeꞌe tajan san, vi jin ndiꞌi ia ka jinokuechi nuu san, yun te junkoo san nuu yeꞌe tajan ja tatnuni san.

San Mateo 26:24

Te sein ja kuu san Seꞌe Teyii, chi vi ja ndaa ja ndoꞌo san nagua yoso nuu tutu ii. Su ndaꞌu ni ka maa tee xtuu ña jin san, chi vi guaꞌa ka kuu ja ma kaku de ja koo de ñuyiu yaꞌa nuu siun ͏―͏jiñaꞌa ya.

San Mateo 3:16

Te nuu ni jandute Jesús, te nuu ni nana ya nuu ndute, te vi ore saa ni ndanune andivi. Yun te ni ndiaꞌa ya ja makuun Espíritu ia Dios na kuinio in sata, te ni jinkoxnee siki ya.

San Mateo 4:11

Yun te ni xndoo ña Tachi, te kuaꞌan. Te ni kekuei ia ka jinokuechi nuu maa ia Dios, te ni ka chituu ña jin Jesús.

San Mateo 8:20

Yun te jiñaꞌa Jesús: ͏―͏Ñukuii, chi ka oo kava veꞌe ti, saa ni kiti ndagua, chi ka oo taka ti. Su sein ja kuu san Seꞌe Teyii, chi vini nuu kakintuu san xini san, tu nagua nevaꞌa san.

San Mateo 9:6

Su vitna te vi kuni ni ja Seꞌe Teyii, chi suni nevaꞌa jakaꞌnu ja tatnuni nuu ñuyiu yaꞌa, te kuu kuakaꞌnu ini yika kuechi ñayiu. Yun te jiñaꞌa ya nuu tee ndutuchiin yun: ͏―͏Ndakoo, te ndakuiso ron jito ron, te kuanoꞌo veꞌe ron.

San Marcos 1:10

Te nuu ni nana ya nuu ndute yun, te ni jini ya ja ni ndanune andivi, te makuun Espíritu ia Dios na kuinio in sata, te ni jinkoxnee siki ya.

San Marcos 14:62

Te jiñaꞌa Jesús: ―Suu san kuu. Te vi kuni ni Seꞌe Teyii ja konukoo ichi ndaꞌa kuaꞌa maa ia Dios jin jakaꞌnu ya, te ndii ndee nuu viko ichi andivi ―jiñaꞌa ya.

San Lucas 2:13

Te vi nuu saa ni kentakuei kuaꞌa ka ia ka jinokuechi nuu Dios ja ka saꞌa kaꞌnu ya ia Dios, te ka jiñaꞌa ya:

San Lucas 2:9

Te vi sanaa ni kenta in ia jinokuechi nuu ia Dios, te ninii nuu ka oo de ni yeꞌe niꞌnu, te ni ka yuꞌu ndevaꞌa de.

San Lucas 22:43

Yun te ni kenta in ia jinokuechi nuu ia Dios ja vaji ichi andivi, ja ndakuñaꞌa ka ya jandakui Jesús.

San Lucas 22:69

Su ndee ore vitna, te jinkoo maa san, ja kuu san Seꞌe Teyii, ichi ndaꞌa kuaꞌa Dios, ia ndakui ndevaꞌa ―jiñaꞌa ya.

San Lucas 24:4

Te vi tu ka nii ini ña naxa vi saꞌa ña, te vi sanaa ni ka jini ña uu ia ka jinokuechi nuu Dios, ka yeyeꞌe saꞌun ka niꞌnu ya ka nukuiin ya nuu ka oo ña.

San Lucas 3:21

Te in kiuu ni jinokuei ñayiu ja skuandute ña Juan ama ka ja kiꞌin de vekaa. Te suni ni jandute Jesús. Te nuu ni jinkondee ya ndakuatu ya, te ni ndanune andivi.

San Juan 1:50

Yun te jiñaꞌa Jesús: ―Kandija ña ni, chi kaꞌan san ja ni jini ña san nduꞌu in tnu tichi iuu, su tniuu naꞌnu ka saa yaꞌa kuni ni.

San Juan 10:1

Te jiñaꞌa Jesús: ―Kaꞌan ndandaa ndija san, ja na in tu kiuu ndaa yeꞌe korra ndikachi, chi saa suaꞌa jiso ndevaꞌi, ñayiu yun kuu kuiꞌna ja kindee ndevaꞌa.

San Juan 10:7

Yun te ni ndajiokuiin Jesús ni kaꞌan ya, te jiñaꞌa ya: ―Kaꞌan ndandaa ndija san, ja maa san kuu na kuinio yeꞌe korra nuu ndiukuei ndikachi.

San Juan 13:16

Te kaꞌan ndandaa ndija san ja in tee jinokuechi, chi masu kuu kaꞌnu ka de nuu jitoꞌo de. Te ni tee ja ni ka tetniuu ña, masu kuu kaꞌnu ka de nuu tee ni tetniuu ña yun.

San Juan 13:38

Te jiñaꞌa Jesús: ―¿A vi ndija ni ja vi oo anu ni ja kuu ni ja jaꞌa san? Kaꞌan ndandaa ndija san ja vi ama ka ja kana liꞌli, te uni jichi ma ndaa yuꞌu ni ja jini ña ni jin san ―jiñaꞌa ya.

San Juan 14:12

Chi kaꞌan ndandaa ndija san ja na in kandija ña jin san, te tniuu naꞌnu ja saꞌa san yaꞌa suni tniuu yun saꞌi, te vi suaꞌa tniuu naꞌnu ka saꞌi, masu yaꞌa, chi noꞌo san nuu oo Tata san.

San Juan 16:20

Chi kaꞌan ndandaa ndija san ja maa ni, chi vi ndaꞌi ni, te vi kokusuchi ini ni, su ndia ñayiu ñuyiu, chi vi kokusii ini. Su visi ka kusuchi ini ni, su tnoꞌo suchi ini yun ndasama jin ja vi kokusii ini ni.

San Juan 16:23

Te kiuu yun, tu saꞌun ka nagua vi kokakan tnoꞌo ña ni jin san. Te kaꞌan ndandaa ndija san ja ndiꞌi nagua ka jikan ni jin sivi san nuu Tata san, te taa ya.

San Juan 21:18

Chi kaꞌan ndandaa ndija rin, ja ndee nuu kuechi ka ron, chi ni ondakuꞌni maa ron chii ron, te ni ojika ron ndee ni nuu kuini maa ron. Su nuu na yii ron, te skaa ron ndaꞌa ron, te inka ñayiu ndakuꞌni chii ron, te kuaka ñai kiꞌin ron ndenu tu kuini ron ja kiꞌin ron ―jiñaꞌa ya.

San Juan 3:3

Yun te jiñaꞌa Jesús: ―Kaꞌan ndandaa ndija san ja ni in ñayiu ma kuu kiukuei nuu tatnuni ia Dios nuu ja ma vi ndakaku jai ―jiñaꞌa ya.

San Juan 3:5

Te jiñaꞌa Jesús: ―Kaꞌan ndandaa ndija san ja na in ma ndakaku jin ndute vi jin Espíritu ia Dios, te ma kuu kiui nuu tatnuni ya.

San Juan 5:19

Yun te jiñaꞌa Jesús: ―Kaꞌan ndandaa ndija san ja maa san ja kuu san Seꞌe ia Dios, chi ma kuu saꞌun nagua saꞌa ni maa san, chi ja ndiaꞌa san ja saꞌa Tata san. Chi ndiꞌi nagua saꞌa Tata san, te suni saa ni saꞌa maa san ja kuu san Seꞌe ya.

San Juan 5:27

Te suni ni skuiso tniuu ña ya ja kaꞌnde san kuechi ñayiu, chi Seꞌe Teyii kuu san.

San Juan 6:26

Te jiñaꞌa Jesús: ―Kaꞌan ndandaa ndija san ja ka ndanduku ña ni, su masu ja ni ka jini ni tniuu kaꞌnu ni saꞌa san, chi chia ni ka jaa ni xtaa guaa ndee ni ka ndutu chii ni.

San Juan 6:32

Te jiñaꞌa Jesús: ―Kaꞌan ndandaa ndija san, ja masu Moisés kuu tee ni jiñaꞌa xtaa oo ndee andivi ja ni ka jaa ñayiu, chi maa Tata san kuu ia taa xtaa ndaa ndija ja vaji ndee andivi.

San Juan 6:47

Te kaꞌan ndandaa ndija san ja na in kandija ña jin san, te kotekui nikuii nikani ―jiñaꞌa ya.

San Juan 6:53

Te jiñaꞌa Jesús: ―Kaꞌan ndandaa ndija san, nuu ja ma vi kaa ni yiki kuñu Seꞌe Teyii, vi ma vi koꞌo ni niñi ya, te ma vi koteku ni.

San Juan 8:34

Yun te jiñaꞌa Jesús: ―Kaꞌan ndandaa ndija san ja ndiꞌi ñayiu saꞌa yika kuechi, chi jinokuechi nuu yika kuechi yun.

San Juan 8:51

Su kaꞌan ndandaa ndija san, ja na in tavaꞌa tnoꞌo ja kaxtnoꞌo san, te ma kuu saꞌuin ―jiñaꞌa ya.

San Juan 8:58

Te jiñaꞌa Jesús: ―Kaꞌan ndandaa ndija san ja ama ka ja koo Abraham, te sein, chi ja oo san ―jiñaꞌa ya.

Hechos 10:11

Ni jini de ja nune andivi, te yun makuun na kuinio in saꞌun kuijin kaꞌnu nuꞌni ndii kuun nuu makuun ichi nuu ñuꞌu.

Hechos 7:56

Te jiñaꞌa de: ―Vi kondiaꞌa guaꞌa ni, chi ndiaꞌa san ja nune ichi andivi vi oo Seꞌe Teyii ndaꞌa kuaꞌa maa ia Dios ―jiñaꞌa de.

2 Tesalonicenses 1:7

Su maa ni ja ka tnaꞌa ni tnundoꞌo vitna, chi vi ndatatu ni nuu tnundoꞌo, te suni saa ni sein, nuu ndii maa Jitoꞌo Jesús ndee andivi jin ia ndakui ndevaꞌa ja ka jinokuechi nuu Dios.

2 Tesalonicenses 1:9

Te yun vi kotnaꞌi tnundoꞌo nikuii nikani ja vi nai, te ma vi koi nuu maa Jitoꞌo Jesús nuu yeꞌe tajan ya jin jakaꞌnu ya.

1 Timoteo 3:16

Ja ndaa ja kaꞌnu kuu tnoꞌo ni oyuꞌu ndee janaꞌa ja ka kandijao: Ni xneꞌe Dios maa ya nuu ni kuu ya teyii, Te Espíritu ia Dios kaxtnoꞌo ja oo guaꞌa ndiꞌi tniuu ni saꞌa ya. Te ni ka jini ia ka jinokuechi nuu Dios ja saa ni kuu. Te ni jitenuu tnoꞌo ya nuu ñayiu ñuyiu. Te ni ka kandija sava ñayiu nii ñuyiu tnoꞌo ya. Te mandaa ya kuanoꞌo ya andivi.

Hebreos 1:14

Chi ndiꞌi ia ka jinokuechi nuu Dios ka kuu espíritu ja ka saꞌa nagua kuini ya, te tetniuu ña ya kuaꞌankuei ja ka chituu ñayiu vi niꞌi taꞌu ja vi kaku niꞌnu.

Judas 1:14

Te suni suaꞌa ni kaꞌan Enoc, tee ni ndakani tnoꞌo ia Dios ndee janaꞌa, tee kuu tatatnoꞌo kuu uja Adán nuu ni kaꞌan de suaꞌa ja jaꞌa tee ka xndaꞌu ña yun: “Ni jini san Jitoꞌo ja vaji ya jin kuakuaꞌa mil ia ka jinokuechi nuu ya,

El Apocalipsis 19:11

Yun te ni jini san ja nune andivi. Te yun ni kenta in kuai kuijin, te ia yoso ti yun nani ia ndaa, ia skunkuu, chi saꞌa ndaa ya tniuu vi jaꞌnde ndaa ya kuechi, vi jaxin tnaꞌa ya.

El Apocalipsis 4:1

Yun te ni skuni ña ia Dios jin san, te ni jini san ja nune in yeꞌe ichi andivi, te tnoꞌo xtnañuꞌu ja ni onini san kaꞌan ya jin san kuu na kuinio ja ndaꞌi in trompeta, te kachi ya: ―Neꞌe, makaa yaꞌa, te na xneꞌe rin taka ja kokuu kiuu kuaꞌon suaꞌa ―kachi ya.