San Juan 1:30 - El Nuevo Testamento y unos libros del Antiguo Testamento

³⁰ Te ja jaꞌa ia yaꞌa ni kaꞌan san: “Ja yata vaji san, te kii in tee kuu kaꞌnu ka saa maa san, chi tee xtnañuꞌu ka kuu de saa sein”.

San Juan 1:30 Iomraidhean Croise

San Mateo 3:11

Su sein, chi ja ndaa ja jin ndute uun ni skuandute san ñayiu ka ndatnaꞌu ini, te kiukuei ichi ia Dios. Su yun te kii tee kuu kaꞌnu ka saa maa san ja vini masu nagua kuu saꞌun san ja kuu konee san ndijan de. Su maa de kuu ia ja skuandute ña jin Espíritu ia Dios, te suni teñuꞌu ya ñayiu tu ka kandija.

San Lucas 3:16

Yun te jiñaꞌa Juan nuu ndiꞌi ñayiu yun: ―Sein, chi ja ndaa ja jin ndute uun skuandute san ñayiu, su yata sein vaji in tee kuu kaꞌnu ka saa sein ja vini masu nagua kuu saꞌun san ja ndajin san korria ndijan de. Te suu de guaa skuandute ña jin Espíritu ia Dios, te suni teñuꞌu ya ñayiu tu ka kandija.

San Juan 1:15

Te ni ndakani Juan ja jaꞌa maa ya nuu ni kana jaa de, te jiñaꞌa de: ―Siki tee yaꞌa kuu ja ni kaꞌan san nuu ni kachi san suaꞌa: “Tee vaji yata ja vaji san kuu tee kuu kaꞌnu ka saa maa san, chi xtnañuꞌu ka de oo saa ni kaku sein”.

San Juan 1:27

Te tee yaꞌa kuu tee vaji yata nuu vaji san, su tee kuu kaꞌnu ka kuu de saa sein, te ni masu nagua kuu saꞌun san ja kuu ndajin san corria ndikin ndijan de ―jiñaꞌa de.

San Juan 1:31

Te tu ni ojini san de, su yun guaa vaji san skuandute san ñayiu jin ndute, nagua ja na vi kuni ña ñayiu Israel na in kuu ya.

San Juan 10:41

Te kuaꞌa ñayiu ni jaꞌankuei nuu oo ya, te ka kachi: ―Juan, chi jandaa ja tu ni saꞌa de ni in tniuu naꞌnu, su ndiꞌi tnoꞌo ni kaꞌan de ja jaꞌa tee yaꞌa oo ndaa kuiti ―ka kachi.